Хитайдики әң чоң икки нефит санаәт гуруһиниң қанунсиз банкидин пул алғанлиқи тәкшүрүлмәктә
2007.11.19
Хитай ахбарат тармақлири дүшәнбә күни бәргән хәвәрләргә асасланғанда, хитайдики әң чоң икки нефит санаәт гуруһи өзлириниң қанунсиз йәр асти банкидин пул алғанлиқи мәсилиси үстидә тохтилишни халимиған.
Хитайдики җуңго нефит вә тәбиий газ гуруһи ширкити (中国石油天然气集团公司) вә җуңго нефит- химийә санаити һәссидарлиқ чәклик ширкити ( 中国石油化工股份有限公 ( ниң тармақ ширкәтлири хитайниң шенҗен шәһиригә җайлашқан бир йәр асти банкиниң херидари дәп гуман қилинип, бу дело бу йил яздин буян тәкшүрүватқан иди.
Бирләшмә агентлиқиниң "игилик көзәтчиси" гезитидә бу һәқтә берилгән хәвәрләрдин нәқил елип көрситишичә, бу қанунсиз банка мәзкур нефит ширкәтлириниң хоңкоңда елип барған нефит содисиниң елим- беримини бир тәрәп қилип беридикән.
Җуңго нефит- химийә санаити гуруһи шенҗен нефит ширкитидики җаң фамилилик бир хадимниң билдүрүшичә, һазир һөкүмәтниң мунасивәтлик тармақлири бу делони тәкшүрүватқан болуп, у " ширкитимиз, бу һәқтә баянат елан қилмайду" дегән болса, мәзкур ширкәтниң йәнә бир лю фамилилик аял хадими ширкәтниң башқа мунасивәтлик рәһбәрлириниң алдираш икәнликини билдүргән вә: "бизгә бу һәқтә тохтилишқа һоқуқ берилмиди" дегән.
Мәлум болушичә, шәхсий игидарчилиқидики кичик карханилар қанунсиз йәр асти банкилар билән пул муамилиси қилидиған болуп, хитайдики дөләт игидарчилиқидики шундақ чоң ширкәтләрниң немә үчүн қанунсиз банкилар билән һәмкарлашқанлиқи техичә намәлум.
Хитайниң ахбарат васитилири бәргән хәвәрләргә асасланғанда, шенҗиндики бу йәр асти банка йәттә йилдин буян мәзкур нефит ширкәтлири билән муамилә қилип келиватқан болуп, һазирға кәлгичә, 4.3 Милярд йүән хитай пулини бир тәрәп қилған.
Хитайдики бу икки чоң нефит гуруһи һазирғичә, уйғур или нефит вә тәбиий газлирини ечишқа вә пишшиқлап ишләшкә әң көп мәбләғ селиватқан вә уйғур елидә нефит вә тәбиий газ записини техиму көп байқашқа әң алдириватқан, хитай һөкүмитиниң игидарчилиқидики нефит ширкәтлиридур. (Җүмә)
Мунасивәтлик мақалилар
- Хитайда нефит мәһсулатлири билән тәминләш җиддийлишип һәтта адәм өлүш вәқәси чиқти
- Кишилик һоқуқ тәшкилатлири шветсарийә банкисини хитай нефит ширкити билән һәмкарлашмаслиққа чақирди
- Бай наһийисидә йәнә бир чоң тәбиий газ записи байқалди
- Хитайдики өсмүр балиларни сетиш җинайити йәнә бир қетим ашкариланди
- Хитай һөкүмити хуа нең ширкитиниң шинҗаң шөбисини қурди
- Хенән өлкисидә қан сетиш әһвали техиму әвҗ алмақта
- Хитайдики әң чоң нефит ширкити бензин експортини вақитлиқ тохтитиши мумкин
- Хитай дөләтлик нефит ширкити, иккинчи тәбий газ тошуш турубисиниң йүнүлүшини бәлгилиди
- Уйғур аптоном райониниң манас наһийисидә "қара хумдан" паш қилинди