Xitay öktichiliridin biri xu shigén 16 yildin kéyin qoyup bérildi

 Bu yil 53 yashqa kirgen xushigén, ilgiri béyjing chet'el tili unwérsitétining dotsénti bolup, u 1992 - yili wang gochi qatarliqlar bilen xitay erkin démukiratiye partiyisini qurghan. U 1992 - yili li'u jingshin qatarliqlar bilen béyjing,shangxey, wuxen qatarliq jaylarda, 4 - iyon tyen'enmin oqughuchilar herikitini xatirlep, xitay hökümitining 1989 - yilidiki oqughuchilar namayishini qanliq basturghanliqigha naraziliq bayanliri yézilghan teshwiqat waraqchilirini tarqatqanliqi üchün, resmiy qolgha élin'ghan.

1994 - Yili 12 - ayda béyjing sheherlik ottura soti uninggha, eksil inqilabchi jinayiti bilen 20 yilliq qamaq jazasi élan qilip, siyasiy hoqoqidin besh yil mehrum qilghan.Xu shigénning jaza mudditi besh yil qisqartilip, 16 yil türmide qamalghandin kéyin qoyup bérildi.

Xusigénning akisi xu shüygén muxbirimizning téléfon ziyaritini qobul qilip,xu shigén qoyup bérilgen bolsimu yenila siyasiy hoqoqidin mehrum ikenliki, axbarat orunlirining ziyaritini qobul qilishqa ruxset qilinmighanliqi, xéli bir mezgilgiche yenila xitay saqchilirining nazaritide bolidighanliqini bildürgen.