Бейҗиң шәһири җ х идарисиниң башлиқи шәрқий түркистан тәшкилатлирини йәнә бир қетим әйиблиди

Бейҗиң шәһәрлик җ х идарисиниң башлиқи маҗенчуән хитайниң мәркизий телевизийә истансисиниң һәптилик хәвәрләр сәһиписиниң зияритини қобул қилип, бейҗиң олимпик тәнһәрикәт йиғининиң бихәтәрлик тәдбирлирини елиш әһвали һәққидә тохталғанда, бихәтәрлик ишлири үчүн 400 милйон йүән мәбләғ селинғанлиқини ашкарилиди.
Мухбиримиз үмидвар хәвири
2008.07.20
Share on WhatsApp
Share on WhatsApp

 Шинхуаниң 20 - июлдики учуридин ашкарилинишичә, бейҗиң олимпикиниң бихәтәрлик ишлири үчүн 110 миңдин артуқ хадим ишқа селинидикән.

Бейҗиң шәһәр җамаәт хәвпсизлик идарисиниң башлиқи ма сөзидә бу қетимқи олимпик тәнһәрикәт йиғини дуч келиватқан асаслиқ хәвпниң террорлуқ икәнликини көрситип, "шәрқий түркистан күчлири" ни йәнә тилға алған һәмдә " бейҗиң олимпик тәнһәрикәт йиғининиң асаслиқ мудапиә көрүш обйекти шәрқий түркистан террорчилиридур" дегән.
У сөзидә шәрқий түркистан тәшкилати олимпиккә туюқсиз террорлуқ һуҗуми қилмақчи, дәп әйиблигән.

Бундақ пикирни 7 - айниң бешида хитай җамаәт хәвпсизлик министирликиниң муавин министириму бир қетим тәкитлигән болуп, у шәрқий түркистан тәшкилатиниң һуҗумини олимпиккә келидиған үч тәһдитниң бири дәп көрсәткән иди.

Әмма, дуня уйғур қурултийиниң баянатчиси дилшат решит хитай җамаәт хәвпсизлик даирилириниң бу сөзлириниң бир ойдурма икәнлики, уларниң уйғурларниң елип бериватқан тинч шәкилдики һәрикәтлирини қарилап, хитай һөкүмитиниң уйғурлар үстидин йүргүзүватқан бастуруш вә ассимилятсийә қилиш сияситини ақлашқа тиришиватқанлиқини тәнқид қилди.

Йеқинда америка дөләт мәҗлисиниң бир қисим әзалири хитайниң олимпикни баһанә қилип, уйғурларниң террорчилиқ билән әйибләп вә бастуруп, уйғурларни зәрбә бериш нишаниға айландурғанлиқини тәнқид қилған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.