Béyjing shehiri j x idarisining bashliqi sherqiy türkistan teshkilatlirini yene bir qétim eyiblidi

Béyjing sheherlik j x idarisining bashliqi majénchu'en xitayning merkiziy téléwiziye istansisining heptilik xewerler sehipisining ziyaritini qobul qilip, béyjing olimpik tenheriket yighinining bixeterlik tedbirlirini élish ehwali heqqide toxtalghanda, bixeterlik ishliri üchün 400 milyon yüen meblegh sélin'ghanliqini ashkarilidi.
Muxbirimiz ümidwar xewiri
2008-07-20
Share

 Shinxu'aning 20 - iyuldiki uchuridin ashkarilinishiche, béyjing olimpikining bixeterlik ishliri üchün 110 mingdin artuq xadim ishqa sélinidiken.

Béyjing sheher jama'et xewpsizlik idarisining bashliqi ma sözide bu qétimqi olimpik tenheriket yighini duch kéliwatqan asasliq xewpning térrorluq ikenlikini körsitip, "sherqiy türkistan küchliri" ni yene tilgha alghan hemde " béyjing olimpik tenheriket yighinining asasliq mudapi'e körüsh obyékti sherqiy türkistan térrorchiliridur" dégen.
U sözide sherqiy türkistan teshkilati olimpikke tuyuqsiz térrorluq hujumi qilmaqchi, dep eyibligen.

Bundaq pikirni 7 - ayning béshida xitay jama'et xewpsizlik ministirlikining mu'awin ministirimu bir qétim tekitligen bolup, u sherqiy türkistan teshkilatining hujumini olimpikke kélidighan üch tehditning biri dep körsetken idi.

Emma, dunya Uyghur qurultiyining bayanatchisi dilshat réshit xitay jama'et xewpsizlik da'irilirining bu sözlirining bir oydurma ikenliki, ularning Uyghurlarning élip bériwatqan tinch shekildiki heriketlirini qarilap, xitay hökümitining Uyghurlar üstidin yürgüzüwatqan basturush we assimilyatsiye qilish siyasitini aqlashqa tirishiwatqanliqini tenqid qildi.

Yéqinda amérika dölet mejlisining bir qisim ezaliri xitayning olimpikni bahane qilip, Uyghurlarning térrorchiliq bilen eyiblep we basturup, Uyghurlarni zerbe bérish nishanigha aylandurghanliqini tenqid qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet