Xitay hökümiti olimpik jeryanida intérnét alaqisigha bolghan közitishni toxtitish jehette kapalet bérelmeydighanliqini bildürgen

Béyjing olimpiki yéqinlap kéliwatqan bolsimu, xitay hökümiti ilgiri wede qilghan axbarat we intérnét erkinlikidin téxi shepe körünmeywatqan bolup, 8 - may xitay hökümet xadimliri bu nöwetlik olimpik jeryanida intérnét alaqisigha bolghan közitishni toxtitish jehette kapalet bérelmeydighanliqini bildürgen.
Muxbirimiz jüme xewiri
2008.05.08

 Roytérisning neqil keltürüshiche, xitay pen - téxnika ministiri wanggang xitayning intérnét alaqisida her zaman éhtiyatchan ikenlikini, emma olimpik jeryanida zadi qaysi tor betlirining taqilidighanliqi heqqide éniq bir nerse dep bérelmeydighanliqini bildürgen we " amalning bariche qoyuwétimiz" dégen.

Intérnét alaqisini erkin qoyuwétish mesilisi hazir xelq'ara jem'iyet mushu olimpik munasiwiti bilen xitayning aldigha qoyuwatqan mesililerning biri bolup, ötken hepte amérika hökümitimu xitay hökümitining tor alaqisige bolghan cheklesh qilmishliri heqqide toxtalghan we tashqi ishlar ministirliki bayanatchisi tom keysi xitay puqralirining intérnétke tosqunsiz kirip, torda bar herqandaq xewer - uchurlarni erkin körelishini ümid qilidighanliqini bayan qilghan idi.

Xitay 2001 - yili olimpik sahibxaniliqini talishish dawamida 2008 - yilghiche xitayda axbarat, söz - pikir we intérnét alaqisidiki erkinlikni öz ichige alghan bir qatar kishilik hoquqtin behriman bolidighan jem'iyet shekillendüridighanliqi heqqide wede bergen idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.