Xitay saqchiliri wéng'ende namayishchilardin nechche yüz ademni qolgha aldi

Guyju ölkisi wéng'en nahiyiside 28 - iyun shenbe küni saqchilar bilen puqralar arisida bir qiz oqughuchining ölümi seweblik kélip chiqqan toqunush yekshenbe küni yérim kéchidin ashqanda aran tinjitilghan bolup, xewerlerge qarighanda xitay saqchi da'iriliri namayishqa qatnashquchiliridin nechche yüz ademni qolgha alghan.
Muxbirimiz jüme xewiri
2008-06-30
Share

 Birleshme agéntliqida xewer qilinishiche, shenbe künidiki toqunushtin kélip chiqqan jiddiychilik tesiri taki düshenbe künigiche peseymigen bolup, xitay qoralliq saqchi qisimliri güyyang shehirining shimaligha jaylashqan wéng'en nahiyisige kirgen hemde kochilarda charlash we muhim doqmushlarda jisekke turushni dawamlashturghan.

Xewerde xongkonggha jaylashqan kishilik hoquq uchur merkizining xewerliridin neqil keltürüp körsitilishiche, saqchilar toqunushqa qatnashqanliqi guman qilin'ghan 300 neper ademni qolgha alghan.

Melum bolushiche, ziyankeshlikke uchrap ölüp ketken qiz wéng'en nahiyilik 3 - ottura mektep oqughuchisi bolup, bu qizning ölümige alaqidar üch neper gumandarning ikkisi wéng'en saqchixanidiki xadimlar bilen tughqanchiliq munasiwiti bar bolghachqa qoyuwétilgen.

Netijide, saqchilarning mezkur qilmishidin ghezepke kelgen amma adalet telep qilip wéng'en saqchixanisi aldigha yighilghan hemde toqunushta bir nechche saqchi aptomobiligha ot qoyuwetken.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet