Fujuda bir xitay aptobus partlash ighwasi tarqatqanliqi üchün qolgha élindi

Yéqindin buyan xitay ölkiliride arqa - arqidin yüz bériwatqan aptobus partlitish weqeliri ammini sarasimige séliwatqan bolup, fuju shehiride bir xitay aptobusqa partlitish bombisi qoyulghanliqi heqqide ighwa tarqitip, kishilerde endishe qozghighanliqi üchün , saqchilar teripidin resmiy qolgha élin'ghan.
Muxbirimiz gülchéhre xewiri
2008-07-29
Share

 Xitay xewer agéntliqining bu heqtiki xewiride, fuju sheherlik jama'et xewpsizlik idarisi bashliqining sözini neqil élishiche, 26 - iyul küni bir kishi, fuju saqchi da'irilirige 949 yol ammiwi qatnash aptobusigha bomba ornitilghanliqi heqqide söz anglighanliqini melum qilghandin kéyin, alahide saqchi heriket qisimliri hem qoralliq qisimlar derhal heriketke kelgen.

Partlitish bombisi qoyulghan dep gumanlan'ghan aptobustin bomba chiqmighandin kéyin,saqchilar da'irilerni hem ammini aptobus partlash ighwasi tarqitip sarasimige salghan chén famililik kishini bir qanche sa'et ichide qolgha alghan.

Soraq jeryanida bu ighwa tarqatquchining saqchilargha iqrar qilishiche, 26 - iyul küni chüshtin kéyin chén 949 yol aptobusigha olturmaqchi bolghan , aptobusqa chiqish jeryanida aptobus uning putini qisiwalghan, buni aptobus shopuridin körgen chin öch élish meqsitide, aptobus shirkitige téléfon qilip bu aptobusqa partlitish bombisi qoyulghanliqi heqqide yalghan xewer bergen iken.

Yünnen ölkisi künming shehiride düshenbe küni kechqurun bir yoluchilar aptobusida partlash hadisisi yüz bergen bolup, künming shehiri bixeterlik organliri bayanat élan qilip, aptobus partlash weqesining, pilanliq yosunda élip bérilghan bolsimu, lékin térrorchiliq bilen alaqisi yoqluqini otturigha qoyghan idi. Emma bu weqe oxshashla xitay bixeterlik da'irilirini bir mezgil jiddiyleshtürgen.

Shinxu'a torining xewirige qarighanda, ürümchi saqchi da'iriliri béyjing olimpiki dawamida bixeterlikke kapaletlik qilish üchün, 20 - iyuldin bashlap ürümchi sheher ichidiki 129 qatnash liniyiside qatnaydighan jem'iy 3700 aptobus üstidin bixeterlik tekshürüshi élip bérishqa bashlighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet