Xitay saqchiliri rahibe shi myajö bilen eydiz pa'aliyetchisi li shigélarni qolgha aldi

 Istansimiz muxbiri, 5 ‏ - ayning 1 ‏ - küni seher 3 te, xénen ölkisi ningling nahiyisidiki 10 nechche saqchining tuyuqsiz li shigéning öyige basturup bérip, olimpik jeryanida éqip yürgen nopuslarni tekshürüsh dégen bahanida, li shigé we uning öyidiki rahibe shi myajöni tutup ketken.

Istansimiz muxbiri ningling nahiyisi saqchi ponkitigha téléfun urghanda, rahibe miyajö téléfunning bir muxbir teripidin urulghanliqini hés qilip, waqirap turup, saqchilarning ularni seherde tutup kélip, 7 - 8 sa'etkiche soraqqa tartqanliqini, ularni uxlatmay we toxtimastin sin alghu aparatigha éliwatqanliqini ashkarilighan.

U yene, saqchilarning özini qolgha élishtiki sewebliri heqqidimu toxtilip, saqchi da'irilirining uning béyjinggha bérishidin qattiq endishe qilidighanliqini bildürdi. Xewerlerge qarighanda, rahibe miya jö yéqinda ningling nahiyisige, eydiz bilen yuqumlan'ghuchilar a'illirige, yardem süyer kishiler teripidin toplan'ghan dora we soghilarni yetküzüsh üchün kelgen bolup, seyshenbe küni texminen 10 neper eydiz bimarliri özlirige a'it sogha we dorilirini tapshurup alghan idi.