Dior Ширкити тибәтни һимайә қилған артисниң елан сүритини елип ташлиди

Франсийиниң даңлиқ маркиси Chiristian Dior ниң хитайдики тармиқи бүгүн баянат елан қилип, хитайниң һәр қайси җайлиридики Dior маркиси дуканлирида, америка Holliwood ниң мәшһур артиси Sharin Stone ниң елан сүрәтлирини елип ташлиғанлиқини җакарлиди.
Мухбиримиз әқидә хәвири
2008.05.29

 Баянатта ейтилишичә, бу қарар истемалчиларниң тәлипигә асасән муқимлашқан болуп, бирақ артисниң шәхси сөз пикриниң Dior ширкити билән һечқандақ алақисиниң йоқ икәнликини билдүргән ширкәт баянатчиси йәнә, өзлириниң истемалчиларниң көңлигә азар елип келидиған һәр қандақ муназириләрни қоллимайдиғанлиқини тәкитлигән.

Sharin Stone, йеқинда өткүзүлгән гана кино фестивалида, далай ламани тилға елип, униң билән йеқин дост икәнликини, будда динида ейтилғинидәк, башқиларға қилинған зиянкәшликниң яман ақивәтләрни елип келидиғанлиқини, шуңа бу қетим сичүәндә йүз бәргән йәр тәврәш апитиниң тәңриниң әвәткән җазаси икәнликини ейтқан иди.

Хитай ташқи ишлар министирлиқиниң баянатчиси чиң гаң, Sharin Stone ни бир сәнәтчи болуш сүпити билән, униң дөләт билән дөләт, хәлқ билән хәлқ оттурисидики өз ‏ - ара чүшиниш вә достлуқни илгири сүрүшкә төһпә қошушини тәшәббус қилди.
Мунасивәтлик хәвәрләр
Хитай вә тәйвән хәвәрлири
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.