Wéng'endiki ammining naraziliq herikiti basturuldi

7 ‏ - Ayning 1 ‏ - küni, xitayda her derijilik partiye, hökümet, edliye we herbiy organliri, xitay kommunistik partiyisining 87 yilliqini tebriklesh üchün pa'aliyetler élip bardi. Bu del güyju ölkisi wéng'en nahiyiside yüz bergen ammining naraziliq bildürüsh herikiti yéngi basturulghan peytke toghra keldi.

Istansimiz we bashqa axbarat wastiliri igiligen melumatlardin qarighanda, bir qanche kün ilgiri, wéng'en nahiyiside bir ottura mektepning qiz oqughuchisi basqunchiliqqa uchrighandin kéyin, öltürülüp ériqqa tashliwétilgen. Saqchilar ölgüchini özini öltürüwalghan dep höküm chiqirip, déloni yaxshi bir terep qilishni telep qilghan, qizning ata ‏ - anisi we sawaqdashlirini urghan. Netijide ammining naraziliqi meydan'gha kélip, nechche minglighan kishi nahiyilik hökümetni qorshawgha alghan we nahiyilik saqchi idarisigha ot qoyghan.

Xewerlerdin ashkarilinishiche, jinayet sadir qilghan gumandarning yéqin tughqini wéng'en nahiyisining emeldarliridin biri iken.
Jem'iyet muqimliqi we pat arida ötküzülidighan olimpik murasimi üchün, xitay hökümiti qoralliq qisim bash qomandani hemde nechche on minglighan qoralliq herbiyni ishqa sélip, naraziliq herikitini basturghan.

Saqchi da'iriliri, ammining naraziliqidin kéyin déloni qaytidin bir terep qilidighanliqi heqqide wede bergen.