Xitayda tarqilishqa bashlighan ejellik balilar wirusida onlighan bowaq qaza qildi

 Gerche hazirgha qeder besh ming neper balining EV71 tipliq éntérowirus dep atilidighan üchey wirusi bilen yuqumlan'ghanliqi xewer qilin'ghan bolsimu, amérika awazida neqil élip körsitishiche, dunya sehiye teshkilatining xitayda turushluq tarmiqi mezkur wirusning tarqilish da'irisining doklat qilin'ghandin yuqiri bolushi mumkinlikini otturigha qoyghan.

Xewerde körsitilishiche, dunya sehiye teshkilatining xitayda turushluq wekili doxtur hans tro'édson, xitayda yuqumluq késel tarqilish ehwallirining da'im töwenlitip doklat qilinidighanliqini bildürgen hemde éntérowirusi bilen yuqumlan'ghanda késellik alametlirining körünerlik bolmasliqi seweblik yene nurghunlighan ademlerning bimarni doxturgha körsetmesliki sewebidinmu wirusning tarqilish kölimini toghra mölcherligili bolmaydighanliqinimu qoshumche qilghan.

Melum bolushiche, mezkur wirusta ilgiri kéyin bolup, 24 bowaq ölgen bolup, bularning 22 nepiri enxuy ölkisining fuyang shehiride, qalghan ikki nepiri gu'angdung ölkiside qaza qilghan.

Uningdin bashqa , bu wirusqa alaqidar put - qol, éghiz késellikliri bilen yuqumlinish ehwali xitayning enxuy, jéjyang qatarliq ölkilirige körülgen bolup hazir xitay memliket xaraktérlik agah bolush halitige ötken.

Halbuki , éntérowirus xitayning enxuy, jéjyang ölkilirige keng taralghan bolsimu, emma hazirche mezkur wirusning Uyghur élide tarqalghanliqi melum emes.