Xu jintaw yaponiyide naraziliq namayishliri bilen qarshi élindi

 Namayishchilar, xitay hökümitining tibettiki basturush herikitige naraziliq bildürüsh bilen birlikte, yaponiye hökümitidin, kishilik hoquqqa hörmet qilishi üchün, xu jintawgha bésim ishlitishini telep qilghan.

Xewerlerge qarighanda, yaponiye saqchiliri, "qatil xu jintaw", "yoqalsun xu jintaw" dep sho'arlar towlighan namayishchilarning, xu jintawning tokyodiki uchrishishilirigha dexli yetküzüshining aldini élish üchün, tokyo shehirining merkizidiki hibiya park baghchisi etrapida jiddiy bixeterlik tedbirliri alghan.

Namayishlardin bashqa yene, yukiyo idano qatarliq yaponiye parlamént ezaliri bash ministir fukodani, xu jintaw bilen körüshkende tibet we kishilik hoquq mesilisini choqum otturigha qoyushqa chaqirghan.

Bu qétimqi ziyaret xitay dölet re'isi xujintawning béyjing olimpik tenheriket yighinini bayqut qilish toghrisidiki teleplerning otturigha qoyulushigha seweb bolghan mart éyida tibette yüz bergen qozghilangdin kéyin, chet döletke qaratqan tunji ziyariti hésablinidu.