Yer tewreshte ölgen oqughuchilarning ata ‏ - aniliri hökümetke naraziliq bildürmekte

Sichüende yüz bergen yer tewreshte dujang shehiridiki yenjüyu'en ottura mektipining nechche yüz oqughuchisi we ishchi‏ - xizmetchiliri hayatidin ayrilghan bolup, oxshashla apette shifang shehiri chendi ottura mektipining binasi örülüp chüshüp, 200 ge yéqin oqughuchi ölgen idi.
Muxbirimiz eqide xewiri
2008.06.05

 Istansimiz peyshenbe küni apette qaza qilghan chendi ottura mektep oqughuchilirining ata ‏ - anilirining, sheherlik hökümet binasi aldida ikki kün naraziliq namayishi élip barghanliqidin xewerdar boldi.

Nurghunlighan oqughuchilarning ölümini meydan'gha keltürgen tüp sewebning, yer tewreshke berdashliq bérelmeydighan süpetsiz qurulush tüpeylidin ikenlikini bildürgen ata ‏ - anilar, örülüp chüshken oqutush binasi etrapidiki qurulushlarning yer tewreshning tesirige uchrimighanliqini, shunga derhal jawabkarlarning mes'uliyitining sürüshte qilinishini telep qilghan.

Mutexessislerning tekshürüsh netijisini qolgha élip andin ata - anilargha jawab béridighanliqini bildürgen sheherlik hökümet xadimliri, ata- anilarning bir muddet kütüp turushini telep qilghan.

Perzentidin ayrilghan bir ata istansimizning ziyaritini qobul qilip, eger hökümet terep mushu ayning 10 ‏ - künige qeder özlirige éniq jawab bermise, barliq ata ‏ - anilarning bashqiche bir heriket qozghaydighanliqini tekitlidi. Hökümet axbarat organliri bügün, yer tewreshte ölgenler sanining 70 minggha yéqinlashqanliqini élan qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.