ក្មេងប្រុស ២នាក់ និងក្មេងស្រីម្នាក់ មានអាយុពី ៦ ទៅ ១១ឆ្នាំ ជាកូនរបស់អ្នកភូមិអណ្ដូងកន្ទួត ឃុំដូនបា ស្រុកគាស់ក្រឡ បានបាត់ខ្លួនតាំងពីថ្ងៃទី៩ ខែកញ្ញា ឆ្នាំ២០១២។
លោក សំអឿន ជាប្រជាពលរដ្ឋនៅឃុំដូនបា បានបញ្ជាក់ថា ក្មេងប្រុសម្នាក់ទៀតមិនទាន់ត្រូវបានគេរកឃើញនៅឡើយ៖ «(សាកសព) ក្មេងប្រុសជាំក ហើយផ្កាប់មុខ ដូចវ៉ៃ ក្មេងស្រី វះពោះ ហើយក្រលៀនសងខាងប្រេះទាំងអស់ ផ្ងារពោះ ស្អុយហើយ មានដង្កូវ សក់រុះអស់ហើយ វាដូចចាប់ហែកផ្ងារជើងអ៊ីចឹង ហើយវះយក...»។
លោកឧត្ដមសេនីយ៍ ស ថេត ស្នងការនគរបាលខេត្តបាត់ដំបង បានថ្លែងថា សមត្ថកិច្ចប៉ូលិសកំពុងធ្វើការស្រាវជ្រាវចំពោះករណីស្លាប់ក្មេងប្រុសស្រីនេះហើយ។ សមត្ថកិច្ចប៉ូលិសនៅពុំមានការសន្និដ្ឋានបែបណាជុំវិញការកាប់សម្លាប់ក្មេងប្រុសស្រីទាំងពីរនាក់នៅឡើយទេ៖ «ឥឡូវនេះយើងបញ្ជូនខាងបច្ចេកទេស វិទ្យាសាស្ត្រ ហើយជំនាញស្រុកខេត្ត ចុះទៅស្រាវជ្រាវ ព្រោះឥឡូវ យើងកំពុងធ្វើការហ៊ុមព័ទ្ធខ្សែ មិនឲ្យអ្នកណាដែលមិនមែនជាសមត្ថកិច្ចចូលទៅ ក្រែងវាបាត់ភស្តុតាង»។
ប៉ុន្តែក្រុមអ្នកភូមិដែលបានឃើញសាកសពបានសន្និដ្ឋានថា ក្មេងស្រីអាយុ ៦ឆ្នាំ ទំនងត្រូវឃាតកសម្លាប់ហើយវះយកក្រលៀន។ ទោះជាយ៉ាងណាក្មេងប្រុសម្នាក់ដែលកំពុងបាត់ខ្លួន គេនៅពុំទាន់ ដឹងថា នៅរស់ ឬក៏ស្លាប់នោះទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។