មន្ត្រីខ្មែរនិងអង់គ្លេសជួបពិភាក្សាគ្នាពីវិស័យការទូតនិងកិច្ចការបោះឆ្នោត

ដោយ មុំ សុផុន

2008-06-06

មន្ត្រីកម្ពុជានិងអង់គ្លេសបានជួបជជែកគ្នានៅថ្ងៃនេះ ក្នុងកិច្ចពង្រឹងសហប្រតិបត្តិការទ្វេភាគីក្នុងវិស័យការទូតនិងកិច្ចការបោះឆ្នោត ។

ការជួបជជែកគ្នានោះបានធ្វើឡើងតាមរយៈដំណើរទស្សនកិច្ចរបស់អនុរដ្ឋមន្ត្រីក្រសួងការបរទេសអង់គ្លេស លោក Meg Munn ដែលបានជួបជាមួយនឹងរដ្ឋមន្ត្រីក្រសួងការបរទេសខ្មែរ លោក ហោ ណាំហុង នៅក្នុងរាជធានីភ្នំពេញ ។

មន្ត្រីក្រសួងការបរទេសខ្មែរបានឲ្យដឹងថា មន្ត្រីអង់គ្លេសបានមានប្រសាសន៍គាំទ្រកម្ពុជា ដើម្បីជាសមាជិកមិនអចិន្ត្រៃយ៍ក្នុងក្រុមប្រឹក្សាអសន្តិសុខអង្គការសហប្រជាជាតិ ។ ចំណែកកម្ពុជាគាំទ្រប្រទេសអង់គ្លេសឲ្យបើកស្ថានអគ្គកុងស៊ុលកិត្តិយសនៅក្នុងខេត្តសៀមរាប ៕

បោះពុម្ព អ៊ីម៉េល