សេចក្តីប្រកាសព័ត៌មានរបស់សាលាក្តីខ្មែរក្រហមបានផ្សព្វផ្សាយឲ្យដឹងថា ថវិកាជំនួយនេះនឹងផ្តល់តាមរយៈអង្គការ GTZ ប្រចាំនៅកម្ពុជាដែលគ្រប់គ្រងការងារដោយការិយាល័យការបរទេសអាល្លឺម៉ង់។
រហូតមកទល់ពេលនេះសាធារណរដ្ឋសហព័ន្ធអាល្លឺម៉ង់បានផ្តល់ថវិកាឧបត្ថម្ភសរុបទាំងអស់ចំនួនជិត១០លានដុល្លារអាមេរិកដល់អង្គភាពជនរងគ្រោះនៃអង្គជំនុំជម្រះវិសាមញ្ញក្នុងតុលាការកម្ពុជាដែលជាមជ្ឈមណ្ឌលទំនាក់ទំនងកណ្តាលមួយសម្រាប់ជនរងគ្រោះនិងតំណាងរបស់ខ្លួនក្នុងការដាក់ពាក្យចូលរួមក្នុងដំណើរការរបស់តុលាការកាត់ទោសខ្មែរក្រហម៕