កាសែត The Nation ផ្សាយឲ្យដឹងបន្ថែមថា លោក ហ៊ុន សែន បញ្ជាក់នៅក្នុងលិខិតនោះថា រដ្ឋាភិបាលប្រទេសកម្ពុជាមានក្តីសង្ឃឹមយ៉ាងមុតមាំថា នាយរដ្ឋមន្ត្រីថៃថ្មីនោះអាចមានលទ្ធភាពដោះស្រាយទំនាក់ទំនងជូរចត់រវាងថៃនិងខ្មែរនាពេលបច្ចុប្បន្ន និងអាចបញ្ចប់បញ្ហាទំនាស់វិបត្តិនៅតាមតំបន់ព្រំដែនខ្មែរថៃប្រកបដោយសន្តិវិធី។
លោក ហ៊ុន សែន បញ្ជាក់ថា រដ្ឋាភិបាលកម្ពុជាមានបំណងចង់ធ្វើកិច្ចសហការជាមួយភាគីប្រទេសថៃក្នុងទំនាក់ទំនងល្អ និងដើម្បីទទួលបាននូវប្រយោជន៍រួមគ្នាទៅវិញទៅមក។
សូមរំឮកជូនថា លោក ស៊ុមឆៃ វង្សសុវត្ថិ ទើបត្រូវបានសភាជាតិថៃបោះឆ្នោតផ្តល់សេចក្តីទុកចិត្តឲ្យឡើងកាន់តំណែងជានាយរដ្ឋមន្ត្រីនៃរដ្ឋាភិបាលប្រទេសថៃ កាលពីថ្ងៃទី១៧ ខែកញ្ញា ឆ្នាំ២០០៨នេះ ជំនួសលោក សាម៉ាក់ ស៊ុនថរ៉ៈវេត៕