លោកឧត្ដមសេនីយ៍ សុខ ផល អគ្គរងប៉ូលិសជាតិ ត្រូវបានក្រសួងមហាផ្ទៃចាត់តាំងឲ្យដឹកនាំគណៈប្រតិភូមួយក្រុមទៅចូលរួមក្នុងកិច្ចប្រជុំកំពូលនេះដែលនឹងត្រូវប្រព្រឹត្តទៅនៅទីក្រុង Saint Petersbug ប្រទេសរុស៊្សី។
លោកឧត្ដមសេនីយ៍ សុខ ផល បានមានប្រសាសន៍ថា ៖ «ក្រសួងមហាផ្ទៃចាត់តាំងទៅដើម្បីចូលរួម General Assembly Interpol ប្រចាំឆ្នាំ២០០៨។ នៅក្នុងហ្នុងគឺថា មានប្រជុំពិភាក្សាគ្នាពីការងារជំនាញសហការ ប្រតិបត្តិការជំនាញប៉ូលិសអន្តរជាតិ ហើយនិងធ្វើការបោះឆ្នោតជ្រើសរើសប្រធាននិងសមាជិករបស់គណៈកម្មការរបស់ Interpol»។
មហាសន្និបាត Interpol មានប្រតិភូតំណាងពីបណ្ដាលរដ្ឋាភិបាលនានាជុំវិញពិភពលោកជួបប្រជុំគ្នាក្នុងមួយឆ្នាំម្ដងដើម្បីពិភាក្សាអំពីគោលនយោបាយទូទៅក្នុងនោះមានធនធានដែលត្រូវប្រើប្រាស់សម្រាប់កិច្ចសហប្រតិបត្តិការជាអន្តរជាតិ វិធីសាស្រ្ដបំពេញការងារ និងការចាត់ចែងប្រើប្រាស់ហិរញ្ញវត្ថុជាដើម៕