សិទ្ធិមនុស្សអំពាវនាវសុំឲ្យក្រុមយោធានៅកំពតផ្អាកប្រើអំពើហិង្សា
ដោយ ម៉ៅ សុធានី
2008-11-19
កាលពីម្សិលមិញនេះអង្គការសិទ្ធិមនុស្សលីកាដូបានចេញសេចក្តីថ្លែងការណ៍មួយអំពាវនាវសុំឲ្យក្រសួងការពារជាតិចេញបញ្ជាដល់ក្រុមទាហាននៃកងពលលេខ៣១ ប្រចាំការនៅខេត្តកំពត ផ្អាកសកម្មភាពហិង្សារបស់ខ្លួនជាបន្ទាន់។
លោកស្រីវេជ្ជបណ្ឌិត ពុង ឈីវកេក ប្រធានអង្គការសិទ្ធិមនុស្សលីកាដូបានមានប្រសាសន៍ក្នុងសេចក្តីថ្លែងការណ៍នោះថា ក្រុមទាហានប្រដាប់ដោយកាំភ្លើង AK47 មិនគួរប្រើអាវុធប្រឆាំងប្រជាពលរដ្ឋស្លូតត្រង់នោះទេ ហើយថាបើសកម្មភាពហិង្សានៅតែបន្តកើតមានឡើងនោះនឹងមានប្រជាពលរដ្ឋកាន់តែច្រើននឹងត្រូវរងរបួសឬក៏អាចមានស្លាប់បន្ថែមទៀត។
សេចក្តីថ្លែងការណ៍នោះបន្តថា កាលពីថ្ងៃច័ន្ទផ្ទះអ្នកស្រុកចំនួន១៣០ខ្នងបានត្រូវដុតបំផ្លាញឆេះ ហើយនៅថ្ងៃអង្គារម្សិលមិញនេះ ផ្ទះនៅសេសសល់ប្រមាណជា១៧០ខ្នងក៏បានត្រូវដុតបំផ្លាញខ្ទេចខ្ទីអស់បន្ថែមទៀត ហើយថាអ្នកស្រុកដោយមិនដឹងទៅរស់នៅទីណាផ្សេង ក៏បាននាំគ្នាទៅគេងលើគំនរផេះនៅទីកន្លែងផ្ទះរបស់ខ្លួនដែលឆេះនោះ៕
ឧបករណ៍រឿង
|
អ៊ីម៉េល |
|
ព្រឹត្តិបត្រព័ត៌មាន |
|
បោះពុម្ព |
|
ចែករំលែករឿងនេះ |
អត្ថបទដែលទាក់ទង
ពលរដ្ឋជាង១០គ្រួសារនៅស្ទឹងត្រែងចោទថាមន្ត្រីយោធាព្យាយាមរឹបអូសយកដី
អាជ្ញាធរអំពាវនាវឲ្យអ្នករត់គេចខ្លួនដោយសារជម្លោះដីចូលមកបំភ្លឺនៅតុលាការ
តំណាងពលរដ្ឋដែលតវ៉ារឿងដីធ្លីនៅសៀមរាប២រូបត្រូវចាប់ខ្លួន
អ្នកភូមិ៧៨ សង្កាត់ទន្លេបាសាក់ ទាមទារឲ្យអាជ្ញាធរចេញលិខិតទទួលស្គាល់ការរស់នៅ
ពលរដ្ឋលើកគ្នាទៅតវ៉ារឿងដីធ្លីនៅទីរួមខេត្តសៀមរាប ប៉ុន្តែត្រូវអាជ្ញាធររារាំង
អ្នកស្រុកស្ទឹងត្រង់ ១០០នាក់មកតវ៉ារឿងដីធ្លីនៅមុខផ្ទះនាយករដ្ឋមន្ត្រី
អ្នកភូមិនៅកំពង់ចាមមកតវ៉ារឿងដីធ្លីនៅមុខផ្ទះនាយករដ្ឋមន្ត្រី
សង្គមស៊ីវិលធ្វើអន្តរាគមន៍ក្នុងបញ្ហាទំនាស់ដីនៅខែត្រកំពង់ឆ្នាំង
មន្ត្រីសាលាឃុំនៅក្រចេះរងការចោទថានាំមនុស្សទៅកាប់រានលើដីអ្នកស្រុក
