គណៈកម្មាធិការដើម្បីការបោះឆ្នោតដោយសេរីនិងយុត្តិធម៌នៅកម្ពុជា ឬហៅថាខុមហ្វ្រែល ដែលជាអ្នកផ្តួចផ្តើមកិច្ចពិភាក្សានេះបានរំពឹងថា ប្រជាពលរដ្ឋ អាជីវករ និងយុវជនប្រមាណពី១៥០នាក់ទៅ២០០នាក់ នឹងចូលរួមសាកសួរទាក់ទិននឹងបញ្ហាអំពើពុករលួយនេះ ។
សូមជម្រាបថាកិច្ចពិភាក្សាលើប្រធានបទអំពើពុករលួយនេះ គឺបានធ្វើឡើងប្រមាណតែ២០ថ្ងៃប៉ុណ្ណោះ នៅមុនការបោះឆ្នោតជាតិអាណត្តិទី៤នេះ ដើម្បីដាក់ការជំរុញដល់អ្នកនយោបាយខ្មែរ ឲ្យអនុម័តច្បាប់ប្រឆាំងអំពើពុករលួយ និងប្តេជ្ញាដោះស្រាយកម្ចាត់អំពើពុករលួយដែលកំពុងញាំញីកម្ពុជានេះ ឲ្យមានប្រសិទ្ធភាពនិងទាន់ពេលវេលា ។
ប្រទេសកម្ពុជាត្រូវបានក្រុមអ្នកស្រាវជ្រាវផ្នែកសេដ្ឋកិច្ចរកឃើញកន្លងមកថា ចំណូលជាតិយ៉ាងហោច៥០០លានដុល្លារអាមេរិកត្រូវបាត់បង់ដោយសារអំពីពុករលួយឬការកិបកេងប្រវ័ញ្ច ៕