លោក សម រង្ស៊ី បានមានប្រសាសន៍ថា ៖ «ឥឡូវប្រទេសកម្ពុជាកំពុងតែមានវិបត្តិជាមួយប្រទេសថៃ ។ យើងត្រូវមានកិច្ចព្រមព្រៀង ទីក្រុងប៉ារីស រដ្ឋាភិបាល ហ៊ុន សែន ខុសធ្ងន់ណាស់ ទៅចរចាជាមួយថៃ ជាមួយអី យកកិច្ចព្រមព្រៀងទីក្រុងប៉ារីសមក ។ កិច្ចព្រមព្រៀងទីក្រុងប៉ារីស គឺបានធានាបូរណភាពទឹកដីប្រទេសកម្ពុជា ហើយប្រទេសថៃក៏បានចុះហត្ថលេខានៅទីក្រុងប៉ារីស បើរដ្ឋាភិបាលស្នេហាជាតិមែន ត្រូវយកកិច្ចព្រមព្រៀងទីក្រុងប៉ារីសយកមកការពារបូរណភាពទឹកដីប្រទេសកម្ពុជា ។ ប៉ុន្តែ រដ្ឋាភិបាល ហ៊ុន សែន ខ្លាចកិច្ចព្រមព្រៀងទីក្រុងប៉ារីស បាត់បង់ទឹកដីបាត់ចុះ ប៉ុន្តែខ្លាចបាត់បង់អំណាច បើយកកិច្ចព្រមព្រៀងទីក្រុងប៉ារីសមកអនុវត្ត បាត់បង់អំណាចហើយ ពីព្រោះយើងរំលោភគោលការណ៍លទ្ធិប្រជាធិបតេយ្យ ដូច្នេះអត់ហ៊ានយកកិច្ចព្រមព្រៀងទីក្រុងប៉ារីសយកមកនិយាយទេ» ។
ភ្លាមៗនេះវិទ្យុអាស៊ីសេរីពុំអាចរកប្រតិកម្មឆ្លើយតបពីមន្ត្រីផ្លូវការគណបក្សប្រជាជនទៅនឹងសេចក្តីថ្លែងរបស់លោក សម រង្ស៊ី ខាងលើនេះបាននៅឡើយទេ ៕