អ្នកអង្គម្ចាស់ ស៊ីសុវត្ថិ ធម្មិកោ មានបន្ទូលប្រាប់កាសែតថា សកម្មភាពនេះនឹងជាផ្នែកមួយនៃផែនការសម្រាប់សម្តេចក្រុមព្រះអាចធ្វើមាតុភូមិនិវត្តន៍ ។
អ្នកអង្គម្ចាស់ ធម្មិកោ បន្តថាព្រះអង្គបានឮអំពីឆន្ទៈលាឈប់របស់ព្រះអង្គម្ចាស់ រណឫទ្ធិនេះ កាលពី២សប្តាហ៍មុន ។
អ្នកអង្គម្ចាស់បន្តថា អតីតព្រះមហាក្សត្រជាញឹកញាប់បានស្នើឲ្យព្រះអង្គម្ចាស់ រណឫទ្ធិ ឈប់ធ្វើនយោបាយហើយផ្តោតលើការធ្វើឲ្យជាតិថ្កុំថ្កើងនោះវិញ ។
អ្នកនាំពាក្យនៃគណបក្ស នរោត្តម រណឫទ្ធិ លោក មុត ចន្ថា បានប្រតិកម្មចំពោះបញ្ហានេះថា គណបក្សមិនបានឮដំណឹងដែលថា សម្តេចក្រុមព្រះមានឆន្ទៈចង់លាឈប់ពីនយោបាយនោះឡើយ ៕