មន្ត្រីជាន់ខ្ពស់គណបក្ស នរោត្តម រណឫទ្ធិ លោក ប៊ុន ថា ដែលបានអញ្ជើញទៅទទួលព្រះអង្គម្ចាស់បានឲ្យដឹងថា ព្រះអង្គម្ចាស់មានគម្រោងគង់ស្នាក់នៅខេត្តសៀមរាបជាច្រើនថ្ងៃសិនមុននឹងយាងមករាជធានីភ្នំពេញ។
លោក ប៊ុន ថា បានមានប្រសាសន៍ថា ៖ «ព្រះអង្គយាងមកដល់ដំបូងហ្នឹង មកដល់ហ្នឹងមានកម្មវិធី គឺលោកទៅចូលរួមកម្មវិធីបុណ្យភ្ជុំបិណ្ឌ ទៅវត្ត។ មកដល់ភ្លាមលោកសំណេះសំណាលជាមួយសមាជិក សមាជិកា ដែលទៅស្វាគមន៍លោក ទទួលលោកហ្នឹង។ រួចមកថ្ងៃទី២បារាំង លោកមានកម្មវិធីសំណេះសំណាលជាមួយអ្នកកាសែត។ បន្ទាប់មកថ្ងៃ៣បារាំងបានលោកសំណេះសំណាលប្រជុំគណៈកម្មការនាយកនៅភ្នំពេញ...»។
ម៉ាយ៉ារិទ្ធិ ៖ មានសេចក្តីរាយការណ៍ថា លោកនឹងអាចលះបង់អាជីពនយោបាយហ្នឹងជារឿងមិនពិតទេ?
ប៊ុន ថា ៖ ជារឿងមិនពិតទេ ជាពាក្យចចាមអារ៉ាមទេ៕