មន្ត្រីអ្នកនាំពាក្យក្រសួងការបរទេសថៃ លោក ថារិត ចារុងវ៉ាត បានមានប្រសាសន៍ថា ការសិក្សាលើផែនទីប្រាសាទព្រះវិហារថ្មីនោះ ត្រូវតែទទួលបានការយល់ព្រមពីក្រុមប្រឹក្សាសន្តិសុខជាតិ និងគណៈរដ្ឋមន្ត្រីថៃផងដែរ ។
លោកក៏បានបន្ថែមទៀតថា ខាងភាគីថៃមានការពេញចិត្តចំពោះផែនទីប្រាសាទព្រះវិហារថ្មី ហើយថាវាមានលក្ខណៈប្រសើរជាងមុនផែនទីចាស់ ។
ប្រទេសកម្ពុជាបានគូរផែនទីប្រាសាទព្រះវិហារសាជាថ្មី ហើយកាលពីថ្ងៃទី៥ មិថុនាកន្លងទៅ បានបញ្ជូនទៅឲ្យភាគីថៃដើម្បីត្រួតពិនិត្យ មុននឹងបញ្ជូនទៅឲ្យគណៈកម្មាធិការបេតិកភណ្ឌពិភពលោករបស់អង្គការយូណេស្កូ នៅខែកក្កដាខាងមុខ ។
លោក ថារិត ចារុងវ៉ាត បានបន្ថែមទៀតថាការដាក់បញ្ចូលប្រាសាទព្រះវិហារជាបេតិកភណ្ឌពិភពលោក នឹងមិនធ្វើឲ្យប៉ះពាល់ដល់ដំណើរការនៃការបោះបង្គោលព្រំដែនរវាងកម្ពុជានិងថៃឡើយ ៕