របាយការណ៍ដែលវិទ្យុអាស៊ីសេរីទើបទទួលកាលពីម្សិលមិញនេះបានសរសេរកត់សម្គាល់ថា មានរបាយការណ៍ពីសំណាក់ជនមូស្លីមនិងអ្នកកាន់សាសនាគ្រិស្តផងដែរអំពីករណីទំនាស់តិចតួចដែលសុទ្ធតែទាក់ទងនឹងករណីផ្ទាល់ខ្លួនបុគ្គលតែប៉ុណ្ណោះ។
សេចក្តីថ្លែងការណ៍សរសេរបន្ថែមថា រដ្ឋាភិបាលសហរដ្ឋអាមេរិកនឹងបន្តកិច្ចប្រឹងប្រែងជួយលើវិស័យការគោរពសាសនាអន្តរជាតិនៅកម្ពុជា និងធ្វើកិច្ចពិភាក្សាលើសេរីភាពសាសនាជាមួយនឹងរដ្ឋាភិបាលខ្មែរដែលជាផ្នែកមួយនៃនយោបាយលើកតម្កើងសិទ្ធិមនុស្ស។
របាយការណ៍របស់ក្រសួងការបរទេសសហរដ្ឋអាមេរិកក៏បានគូសបញ្ជាក់ផងដែរថា ប្រទេសកម្ពុជាដែលមានប្រជាជន១៤លាន១សែននាក់មានប្រមាណ៩៣%ជាអ្នកកាន់សាសនាព្រះពុទ្ធ។
ក្នុងនោះអ្នកកាន់សាសនាអ៊ិស្លាមមានប្រមាណពី៣,៥%ទៅ៥% គឺស្មើនឹងចំនួនមនុស្សរវាងពី៥សែនទៅ៧សែននាក់ រីឯអ្នកកាន់សាសនាគ្រិស្តវិញមានប្រមាណតែចំនួន២%ប៉ុណ្ណោះ៕