រដ្ឋលេខាធិការទីស្តីការគណៈរដ្ឋមន្ត្រីរងការវាយប្រហារដោយទឹកអាស៊ីដ
ដោយ ម៉ៅ សុធានី
2008-07-15
លោក ងោ ស្រ៊ុន អាយុ៣៧ឆ្នាំ រដ្ឋលេខាធិការទីស្តីការគណៈរដ្ឋមន្ត្រី ត្រូវរងការវាយប្រហារដោយទឹកអាស៊ីដ កាលពីព្រឹកថ្ងៃអាទិត្យកន្លងមកនេះ នាខណៈដែលលោកឈប់រថយន្ត Lexus របស់លោក ដើម្បីប្តូរកង់នៅផ្ទះលក់កង់រថយន្តថ្មដា នៅក្បែរភោជនីយដ្ឋានថ្មដា នៅលើដងវិថីកម្ពុជាក្រោម ។
កាសែតក្នុងស្រុករាយការណ៍ថានៅពេល លោក ងោ ស្រ៊ុន កំពុងឱនឈ្ងោកដើរជុំវិញរថយន្តពិនិត្យមើលកង់ឡាន ស្រាប់តែមានជនមិនស្គាល់មុខ២នាក់ដែលជិះម៉ូតូម៉ាកវីវ៉ាម្នាក់បានចុះពីម៉ូតូ ហើយយកទឹកអាស៊ីដជះលើក្បាលលោកដែលកំពុងឱនឈ្ងោកនោះ បណ្តាលឲ្យរងរបួសជាទម្ងន់ រួចបញ្ជូនទៅព្យាបាលនៅមន្ទីរពេទ្យកាល់ម៉ែត្រ ។
ប្រភពដដែលបន្តថា លោក ងោ ស្រ៊ុន បានត្រូវក្រុមគ្រួសារបញ្ចូនទៅព្យាបាលមុខរបួសនៅក្រៅប្រទសហើយ ហើយគេនៅពុំទាន់បានដឹងពីមូលហេតុនៃការជះទឹកអាស៊ីដដាក់រូបលោកនៅឡើយទេ ។ ប៉ូលិសកំពុងធ្វើការស៊ើបអង្កេតតាមរកចាប់ខ្លួនជនសង្ស័យ ។
សូមជម្រាបថានេះជាការវាយប្រហារដោយទឹកអាស៊ីដលើកទី២ហើយ នៅឆ្នាំ២០០៨នេះ បន្ទាប់ពីមានការជះទឹកអាស៊ីដលើម្តាយមីងរបស់តារាបង្ហាញម៉ូដ កញ្ញា អ៊ិន សូលីដា កាលពីខែឧសភាកន្លងមកនេះ ៕
ឧបករណ៍រឿង
|
អ៊ីម៉េល |
|
ព្រឹត្តិបត្រព័ត៌មាន |
|
បោះពុម្ព |
អត្ថបទដែលទាក់ទង
សកម្មភាពកាប់ព្រៃឈើខុសច្បាប់បន្តកើតមាននៅស្រុកបរកែវ ខែត្ររតនគិរី
ទាហាននៅស្រុកកោះសូទិន ខែត្រកំពង់ចាម ចោទថាមេកាត់ប្រាក់ខែ
មន្រ្តីក្រសួងកសិកម្មជាង១០០នាក់តវ៉ាពីការលក់ដីនៅសង្កាត់ស្ទឹងមានជ័យ
នៅក្រចេះ កម្មករប្រមាណ៣០នាក់នាំគ្នាតវ៉ាទាមទារឲ្យក្រុមហ៊ុនចិនសងប្រាក់ឈ្នួលការងារ
អង្គការមួយគ្រោងចែកសៀវភៅច្បាប់ចរាចរណ៍ដល់អ្នកបើកបរក្នុងក្រុងភ្នំពេញ
កម្ពុជាគ្រោងនឹងផ្លាស់ប្ដូរឯកអគ្គរាជទូតចំនួន៧រូប
លទ្ធផលជំរឿនបង្ហាញថា កម្ពុជាមានបច្ចុប្បន្នមានប្រជាជន ជាង១៣លាននាក់
មតិពលរដ្ឋជុំវិញការផាកពិន័យរបស់ប៉ូលិសចរាចរណ៍
ខ្មែរអ៊ិស្លាមស្វាគមន៍និងរីករាយចំពោះខែបួស
អធិករណ៍នៅវត្តវារិន្ទ ក្នុងសង្កាត់ព្រែកលៀប នៅមិនទាន់ដោះស្រាយចេញនៅឡើយ
