កាសែតក្នុងស្រុករាយការណ៍ថានៅពេល លោក ងោ ស្រ៊ុន កំពុងឱនឈ្ងោកដើរជុំវិញរថយន្តពិនិត្យមើលកង់ឡាន ស្រាប់តែមានជនមិនស្គាល់មុខ២នាក់ដែលជិះម៉ូតូម៉ាកវីវ៉ាម្នាក់បានចុះពីម៉ូតូ ហើយយកទឹកអាស៊ីដជះលើក្បាលលោកដែលកំពុងឱនឈ្ងោកនោះ បណ្តាលឲ្យរងរបួសជាទម្ងន់ រួចបញ្ជូនទៅព្យាបាលនៅមន្ទីរពេទ្យកាល់ម៉ែត្រ ។
ប្រភពដដែលបន្តថា លោក ងោ ស្រ៊ុន បានត្រូវក្រុមគ្រួសារបញ្ចូនទៅព្យាបាលមុខរបួសនៅក្រៅប្រទសហើយ ហើយគេនៅពុំទាន់បានដឹងពីមូលហេតុនៃការជះទឹកអាស៊ីដដាក់រូបលោកនៅឡើយទេ ។ ប៉ូលិសកំពុងធ្វើការស៊ើបអង្កេតតាមរកចាប់ខ្លួនជនសង្ស័យ ។
សូមជម្រាបថានេះជាការវាយប្រហារដោយទឹកអាស៊ីដលើកទី២ហើយ នៅឆ្នាំ២០០៨នេះ បន្ទាប់ពីមានការជះទឹកអាស៊ីដលើម្តាយមីងរបស់តារាបង្ហាញម៉ូដ កញ្ញា អ៊ិន សូលីដា កាលពីខែឧសភាកន្លងមកនេះ ៕