មន្ទីរសុខាភិបាលខែត្រសៀមរាបគ្រោងធ្វើយុទ្ធនាការផ្សព្វផ្សាយពីផ្តាសាយថ្មី
ដោយ សាវយុត
2009-10-29
មន្ត្រីភ្នាក់ងារសុខាភិបាលខេត្តសៀមរាបមានគម្រោងធ្វើយុទ្ធនាការផ្សព្វផ្សាយអប់រំមហាជនឲ្យបានយល់ដឹងពីជំងឺផ្តាសាយប្រភេទថ្មី A(H1N1) ដែលជាជំងឺដ៏គ្រោះថ្នាក់កំពុងគំរាមកំហែងពិភពលោកផងនោះ នៅក្នុងឱកាសនៃពិធីបុណ្យអុំទូក បណ្តែតប្រទីប សំពះព្រះខែ ដែលនឹងត្រៀមប្រារព្ធធ្វើនៅក្នុងស្ទឹងសៀមរាបនាពេលខាងមុខនេះ។
អ្នកដំណើរពាក់ម៉ាសមុខ ខណៈដើរកាត់ផ្សារមួយ នៅក្នុងរាជធានីភ្នំពេញ កាលពីថ្ងៃ៦ តុលា ២០០៩។
លោក ធាង សុខទ្រី មន្ត្រីទទួលបន្ទុកទប់ស្កាត់ជំងឺឆ្លងរបស់មន្ទីរសុខាភិបាលខេត្តសៀមរាប បានមានប្រសាសន៍កាលពីថ្ងៃពុធ ទី២៨ ខែតុលា ថា មន្ត្រីភ្នាក់ងារសុខភាពរបស់លោកបានត្រៀមលក្ខណៈជាស្រេចហើយដោយមានរថយន្តចល័តជាមួយនឹងផ្ទាំងផូស្ទ័រ (Poster) និងរូបភាពជាដើមក្នុងការផ្សព្វផ្សាយទៅក្នុងចំណោមមហាជនកុះករដែលនឹងមកចូលរួមនិងលេងកម្សាន្តពិធីបុណ្យអុំទូក ដើម្បីឲ្យពួកគេបានយល់ដឹងពីជំងឺផ្តាសាយប្រភេទថ្មី A(H1N1) និងចេះការពារផង។
លោក ធាង សុខទ្រី បានបញ្ជាក់ថា ៖ «ជាគោលការណ៍របស់ថ្នាក់ជាតិបានត្រៀមលក្ខណៈការពារ ធ្វើយ៉ាងម៉េចឲ្យសុវត្ថិភាពសុខភាពប្រជាជនយើងនៅក្នុងចំណោមប្រជាជនដែលកកកុញ។ ការផ្សព្វផ្សាយនោះយើងបានបន្ថែមទៅលើផូស្ទ័រមានរូបភាពបន្ថែមទៀត ដើម្បីឲ្យប្រជាជនទទួលយករូបភាពនោះមើល ដើម្បីទទួលការយល់ដឹងនិងត្រៀមលក្ខណៈការពារបាន»។
មន្ត្រីមន្ទីរសុខាភិបាលខេត្តសៀមរាបបានអំពាវនាវឲ្យមហាជនដែលនឹងមកចូលរួមពិធីបុណ្យអុំទូក ត្រូវប្រុងប្រយ័ត្ន ពីព្រោះក្នុងចំណោមមនុស្សច្រើនកុះករគេមិនអាចដឹងច្បាស់ថា តើអ្នកណាម្នាក់អាចមានផ្ទុកជំងឺផ្តាសាយប្រភេទថ្មី A(H1N1) នោះទេ ហើយចំពោះអ្នកមានជំងឺផ្តាសាយត្រូវតែមានពាក់ម៉ាសការពារឬក៏ត្រូវសម្ងំនៅក្នុងផ្ទះ។
មន្ត្រីសុខាភិបាលខេត្តសៀមរាបបានឲ្យដឹងថា គេបានតាមដានឃើញថា ជំងឺផ្តាសាយប្រភេទថ្មីបានកើនឡើងនៅខេត្តសៀមរាបចាប់ពីចុងខែកញ្ញានិងដើមខែតុលានេះ ដោយគេបានរកឃើញថា អ្នកសង្ស័យមានជំងឺផ្តាសាយប្រភេទថ្មី A(H1N1) ជាជនបរទេសនិងប្រជាពលរដ្ឋខ្មែរជិត២០នាក់ហើយរយៈពេល២-៣ខែមកនេះ។
លោក សុខ ទូច ប្រធាននាយកដ្ឋានទប់ស្កាត់ជំងឺឆ្លងនៃក្រសួងសុខាភិបាលកម្ពុជា បានមានប្រសាសន៍ថា ប្រជាពលរដ្ឋខ្មែរគួរតែយល់ដឹងនិងមានការប្រុងប្រយ័ត្នទាំងអស់គ្នាចំពោះជំងឺផ្តាសាយប្រភេទថ្មី A(H1N1) ពីព្រោះឱកាសនៃការឆ្លងគឺមិនមែនត្រឹមតែក្នុងពេលបុណ្យទានដែលមានមនុស្សកុះករនោះទេ សូម្បីតែនោះក្នុងទីផ្សារនៃប្រជុំជនក៏ជំងឺប្រភេទនេះអាចឆ្លងបានដោយងាយ។
លោក សុខ ទូច បានអះអាងថា ៖ «បញ្ហានេះគឺថា យើងត្រូវតែបង្កើនការប្រុងប្រយ័ត្នទាំងអស់គ្នា។ វីរុសហ្នឹងជាវីរុសថ្មី ហើយវាដូរទៅជាប្រភេទថ្មីទៀត គឺយើងមិនអាចដឹងមុនបានទេ ព្រោះខែខាងមុខជារដូវត្រជាក់ដែលជំងឺផ្ដាសាយធម្មតាដែលយើងកើតមានប្រចាំរដូវ គឺថាអាចកើតឡើង ដូច្នេះអាចជាលក្ខណៈអវិជ្ជមានមួយដែរដែលថា បងប្អូន ឧបមាថាឃើញកើតផ្ដាសាយច្រើន គាត់ថាអាហ្នឹងផ្ដាសាយធម្មតា ហើយឱកាសនៃការចម្លងជាបច្ចេកទេសគឺថា មិនមែនត្រឹមតែក្នុងពេលបុណ្យទានទេ ក្នុងទីផ្សារ នៅក្នុងទីណាក៏ដោយ»។
របាយការណ៍របស់មន្ត្រីក្រសួងសុខាភិបាលនៃប្រទេសកម្ពុជាបានឲ្យដឹងថា ចាប់តាំងពីអំឡុងខែមិថុនារហូតមកដល់ពេលនេះ មានអ្នកកើតជំងឺផ្តាសាយប្រភេទថ្មីចំនួនជាង២៣០នាក់ និងប្រជាពលរដ្ឋខ្មែរចំនួន៤នាក់ហើយបានស្លាប់ដោយសារជំងឺផ្តាសាយប្រភេទថ្មី A(H1N1) នេះ៕
អត្ថបទដែលទាក់ទង
អ្នកកើតជំងឺផ្ដាសាយA(H1N1)នៅកម្ពុជាកើនដល់៤៤៤នាក់
មន្ត្រីសុខាភិបាល៖ ពលរដ្ឋយកចិត្តទុកដាក់ក្នុងការការពារជំងឺផ្តាសាយថ្មី
សហជីពកម្មករសុំឲ្យអាជ្ញាធរផ្សព្វផ្សាយពីវិធីការពារជំងឺផ្ដាសាយថ្មី
ថ្នាំបង្ការជំងឺគ្រុនផ្តាសាយA(H1N1)នឹងមកដល់កម្ពុជាខែក្រោយ
មន្រ្តីសុខាភិបាលបារម្ភពីការឆ្លងនៃជំងឺផ្ដាសាយថ្មីក្នុងពេលអុំទូក
WHOនិងអាជ្ញាធរត្រៀមចែកខិត្តប័ណ្ណអប់រំពីផ្ដាសាយថ្មីក្នុងពិធីបុណ្យអុំទូក
ពលរដ្ឋបារម្ភពីការឆ្លងរាតត្បាតនៃគ្រុនផ្ដាសាយA(H1N1)នៅកម្ពុជា
WHOនិងក្រសួងសុខាភិបាលគ្រោងធ្វើយុទ្ធនាការផ្សព្វផ្សាយពីគ្រុនផ្តាសាយថ្មី
អ្នកស្លាប់ដោយសារគ្រុនផ្ដាសាយ A(H1N1) កើនដល់៣នាក់ហើយនៅកម្ពុជា
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
I think the casualty to date is perhaps less than people victimized by crime. Brother Leonine might be right. But the risk of no action is rapid spread or prevalence. As far as I know, if H1Ni strikes any location it might become pandemic quickly; therefore, potential casualty might be both humanly and economically disastrous; it could, for instance, kill many people instantly and scare away or interrupt development initiatives, foreign tourists, and foreign investments. Prevention is less costly than cure...
2009-10-31 12:06
since that news comes up, i did not see more peole die more thant crime in cambodia from any sources of the powere group. <br>so, we have to be known well, about ourselfe, more than someone told ue what to do. i hope we understand well about this news, doctors want to impress thier job, but people turn to be the victimed. <br>please take care your healther more often if you are not sure go to see doctor who that don't ask you the money. i think this kind of H1N1 flu is for a rich people only, because they have never step on soil. or Phnom penh people only that transmitted to each other. if people lived far away from town,adn their foots stepped on the soil every day, than will no problem. make sure drik a lot of sour liquid if you feel fever.
2009-10-31 01:19
មើលមតិទាំងអស់.