ដំណឹងអំពីថ្នាំបង្ការថ្មីនេះ គឺជាការត្រាយផ្លូវមួយ ទៅរកភាពជោគជ័យធំមួយ ក្នុងការប្រយុទ្ធនឹងមេរោគអេដស៍ រយៈពេល ៣០ ឆ្នាំកន្លងមក។
អគ្គលេខាធិការរង នៃអាជ្ញាធរជាតិ ប្រយុទ្ធនឹងជំងឺអេដស៍ លោកវេជ្ជបណ្ឌិត ហោ ប៊ុនឡេង ថ្លែងថា ថ្នាំ ទ្រូវ៉ាដា ជាប្រភេទថ្នាំបង្ការមួយ។
លោកថា គណៈកម្មការប្រឹក្សាផ្នែកគ្រប់គ្រងចំណីអាហារ និងឱសថ សហរដ្ឋអាមេរិក ហៅកាត់ថា អេហ្វ.ឌី.អេ (FDA) ប្រជុំពិភាក្សាគ្នា អំពីថ្នាំថ្មីនេះ ២ លើករួចមកហើយ។
ក៏ប៉ុន្តែ គណៈកម្មការ អេហ្វ.ឌី.អេ នៅមិនទាន់សម្រេចអនុញ្ញាតឱ្យចេញប្រើប្រាស់នៅឡើយទេ។ លោករំពឹងថា គណៈកម្មការនេះនឹងចេញសេចក្ដីសម្រេចរបស់ខ្លួន នៅថ្ងៃទី ១៥ ខែឧសភានេះ៕