សាលាឧទ្ធរណ៍សម្រេចតម្កល់សាលក្រមផ្តន្ទាទោស មូរ សុខហួរ
ដោយ សុខ សេរី
2009-10-28
ទោះបីជាលោកស្រី មូរ សុខហួរ អ្នកតំណាងរាស្ត្រមណ្ឌលកំពត បានព្យាយាមប្តឹងផ្តល់ក្នុងករណីបរិហារកេរ្តិ៍ ជាមួយលោកនាយករដ្ឋមន្ត្រី ហ៊ុន សែន រហូតដល់សាលាឧទ្ធរណ៍ក៏ដោយ នៅទីបំផុតតុលាការនេះសម្រេចបន្តផ្តន្ទាទោសលោកស្រីជាដដែល។
២៨-តុលា-២០០៩: លោកស្រី មូរ សុខហួរ ផ្ដល់បទសម្ភាសន៍ដល់អ្នកសារព័ត៌មាននៅតុលាការសាលាឧទ្ធរណ៍ ក្នុងរាជធានីភ្នំពេញ។
តុលាការសាលាឧទ្ធរណ៍នៅថ្ងៃពុធ ២៨ តុលា បានប្រកាសបន្តការផ្តន្ទាទោសលោកស្រី មូរ សុខហួរ តំណាងរាស្រ្តគណបក្សសមរង្ស៊ីជាបន្តទៀត ដោយបានតម្កល់សាលក្រមរបស់តុលាការសាលាដំបូង រាជធានីភ្នំពេញ ចាត់ទុកថាជាបានការនៅក្នុងការផ្តន្ទាទោសផាកពិន័យលោកស្រី ចំនួនសរុប១៦លាន៥សែនរៀល ក្រោមបទបរិហារកេរ្តិ៍លោកនាយករដ្ឋមន្រ្តី ហ៊ុន សែន នោះ។
លោក សេង ស៊ីវុត្ថា ជាចៅក្រមជម្រះក្តីនៃតុលាការសាលាឧទ្ធរណ៍ នៅក្នុងចំណោមចៅក្រមប្រឹក្សាចំនួន២រូបទៀត បានអានសាលដីកានៅចំពោះមុខលោកស្រី មូរ សុខហួរ និងលោក គី តិច ជាមេធាវីរបស់លោកនាយករដ្ឋមន្រ្តី ហ៊ុន សែន នៅថ្ងៃពុធ ទី២៨ តុលា ថា តុលាការសាលាឧទ្ធរណ៍សម្រេចតម្កល់សាលក្រមរបស់តុលាការសាលាដំបូង រាជធានីភ្នំពេញ ចាត់ទុកជាបានការ ហើយបានបើកផ្លូវឲ្យលោកស្រីបន្តប្តឹងសារទុក្ខទៅតុលាការកំពូលទៀត។
លោកស្រី មូរ សុខហួរ តំណាងរាស្រ្តនៃគណបក្សសមរង្ស៊ី ដែលបង្ហាញខ្លួននៅក្នុងសវនាការដោយគ្មានមេធាវីការពារក្តីនោះ បានមានប្រសាសន៍ប្រាប់ក្រុមអ្នកកាសែត ក្រោយពីការប្រកាសសាលដីកានោះថា វាជាសាលដីកាក្រោមសម្ពាធនយោបាយ។
លោកស្រី មូរ សុខហួរ មានប្រសាសន៍ដូច្នេះ ៖ «ជាប្រព័ន្ធយុត្តិធម៌មួយដែលពោរពេញទៅដោយភាពនយោបាយនិងគាបសង្កត់។ ការសង្ឃឹមរបស់ខ្ញុំ ខ្ញុំនៅតែមានការសង្ឃឹមបន្តទៀត ហើយខ្ញុំសូមប្រកាសនៅពេលនេះ ខ្ញុំនឹងឡើងទៅដល់តុលាការកំពូល»។
ប្រតិកម្មនៅនឹងការប្រកាសសាលដីកាខាងលើនេះ លោក គី តិច ជាមេធាវីការពារក្តីឲ្យលោកនាយករដ្ឋមន្រ្តី ហ៊ុន សែន បានមានប្រសាសន៍ថា សាលដីកាដែលបានប្រកាសនេះ គឺយុត្តិធម៌សម្រាប់កូនក្តីរបស់លោក ហើយលោកបានបដិសេធថា គ្មានសម្ពាធនយោបាយណាមួយជុំវិញសំណុំរឿងនេះទេ។
លោក គី តិច មានប្រសាសន៍ថា ៖ «វាមានយុត្តិធម៌ណាស់ ព្រោះតុលាការពីរថ្នាក់ហើយដែលមានការសម្រេចនេះដូចគ្នា អ៊ីចឹងចំពោះខ្ញុំ ខ្ញុំគិតថាវាមានយុត្តិធម៌ សម្ដេច ហ៊ុន សែន»។
សុខ សេរី ៖ គាត់បានបន្ទោសថា នេះជារឿងនយោបាយ តើលោកទទួលយកបានទេ? គី តិច ៖ រឿងថាជាសាធារណៈ ហើយអត់មានភស្តុតាងអ៊ីចឹង វាអត់ត្រឹមត្រូវទេ។
គេសង្កេតឃើញមានតំណាងរាស្រ្តគណបក្សសមរង្ស៊ីមួយចំនួន តំណាងអង្គការការពារសិទ្ធិមនុស្សក្រៅរដ្ឋាភិបាល តំណាងស្ថានទូតអាមេរិក អង់គ្លេស និងក្រុមអ្នកកាសែតជាច្រើននាក់ទៀត បានមកចូលរួមតាមដានដំណើរការនៃសវនាការសាធារណៈនោះ។
លោក ចាន់ សុវ៉េត ជាមន្រ្តីស៊ើបអង្កេតនៃអង្គការការពារសិទ្ធិមនុស្សអាដហុក បានមានប្រសាសន៍អត្ថាធិប្បាយថា តុលាការមិនឯករាជ្យនៅក្នុងការសម្រេចនោះ។
លោក ចាន់ សុវ៉េត មានប្រសាសន៍ដូច្នេះ ៖ «អ្នកដែលគ្រប់គ្រងអំណាចតែងតែទទួលបាននូវជោគជ័យ ព្រោះតុលាការស្រុកយើងជាតុលាការមួយដែលគេមើលឃើញគ្រប់គ្នាថា ជាតុលាការដែលមិនមានលក្ខណៈឯករាជ្យ ហើយក៏មិនបានធ្វើការស៊ើបអង្កេតឲ្យបានត្រឹមត្រូវ»។
តុលាការសាលាដំបូងរាជធានីភ្នំពេញ កាលពីថៃ្ងទី៤ ខែសីហា កន្លងទៅ បានប្រកាសផ្តន្ទាទោសលោកស្រី មូរ សុខហួរ តំណាងរាស្រ្តគណបក្សសមរង្ស៊ី ដោយបានផាកពិន័យជាប្រាក់ចំនួន១៦លាន៥សែនរៀល ស្មើនឹងចំនួនប្រមាណ៤.១០០ដុល្លារអាមេរិក ក្រោមបទបរិហារកេរ្តិ៍លោកនាយករដ្ឋមន្រ្តី ហ៊ុន សែន កាលពីថៃ្ងទី២៣ ខែមេសា កន្លងទៅ ចំពោះអ្វីដែលលោកស្រីបានបើកសន្និសីទកាសែត ប្រកាសអំពីគម្រោងប្តឹងលោកនាយករដ្ឋមន្រ្តី ហ៊ុន សែន ក្រោមបទបរិហារកេរ្តិ៍៕
អត្ថបទដែលទាក់ទង
ហ៊ុនសែនសរសើរពីវីរភាពរបស់កងទ័ពវៀតណាមក្នុងការជួយរំដោះកម្ពុជា
នាយករដ្ឋមន្រ្តី៖ អង្គការក្រៅរដ្ឋាភិបាលខ្លះធ្វើសកម្មភាពដូចបក្សនយោបាយ
តុលាការសាលាដំបូងរាជធានីភ្នំពេញសម្រេចតម្កល់សាលក្រមករណីមឿងសុន
កម្ពុជាបដិសេធព័ត៌មានថាបុត្រីហ៊ុនសែនមានគម្រោងគ្រប់គ្រងក្រុមហ៊ុនCATS
កម្ពុជាបកស្រាយរឿងចាប់ខ្លួននិងហាមថៃមិនឲ្យបញ្ជាចរាចរណ៍ជើងអាកាស
តំណាងបក្សសមរង្ស៊ីនៅអាមេរិកចេញសេចក្ដីថ្លែងការណ៍ថ្កោលទោសសភាខ្មែរ
គណៈកម្មការខ្មែរម្ចាស់ស្រុកនឹងរៀបចំកិច្ចប្រជុំស្ដីពីបញ្ហានៅកម្ពុជា
មន្ត្រីការបរទេសថៃឲ្យកម្ពុជាគោរពតាមកិច្ចព្រមព្រៀងពាណិជ្ជកម្ម
កម្ពុជាហាមបុគ្គលិកថៃមិនឲ្យចូលធ្វើការក្នុងក្រុមហ៊ុនត្រួតពិនិត្យជើងយន្តហោះ
កម្ពុជាមិនទាន់ទទួលលិខិតផ្លូវការស្នើសុំដោះលែងចារកម្មថៃនៅឡើយ
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
Hun Sen should pick some one his own size.Pick on Sok Hour is too small for him- like using armor tank to crush a cricket or using SAM missile to shoot a fly .It is waaaay excessive force.
2009-11-06 23:07
No need to go to the court. It's as if you go to see Hun Sen to sue Hun Sen. <br>I don't understand why Sam Rainsy paliament member approve the Pemal Law recently because in this Penal Law, Hun Sen can sue any others opposition members.
2009-10-30 07:04
We cannot hide a dead elephant with a lotus leaf. Everything is based on one mouth. Cambodia will go to Communist Soon.
2009-10-30 05:56
Mu Sochua looks like egg, Hun Sen looks like stone, so it is very fair for HUN SEN.
2009-10-29 21:00
the cambodian people might no need the court to find the justice, because the court is not the real court which the peopl need.
2009-10-29 20:45
មើលមតិទាំងអស់.