អនុរដ្ឋលេខាធិការអចិន្រ្តៃយ៍នៃក្រសួងសុខាភិបាលថៃ លោកស្រីវេជ្ជបណ្ឌិត ស៊ីរីផន កាន់ឆាណា បានថ្លែងបញ្ជាក់ប្រាប់កាសែត The Nation ផ្សាយបន្តនៅថ្ងៃនេះឲ្យដឹងថា ក្រុងបាងកកនឹងដឹកនាំរៀបចំកិច្ចប្រជុំបន្ទាន់ពិសេសមួយជួបជាមួយរដ្ឋមន្រ្តីក្រសួងសុខាភិបាលនៃប្រទេសសមាជិកសមាគមអាស៊ាន។
កិច្ចប្រជុំនោះនឹងមានរយៈពេល២ថ្ងៃ គឺនៅថ្ងៃទី៧ និងទី៨ ខែឧសភាសប្តាហ៍ក្រោយនេះ នៅក្នុងប្រទេសថៃ ដើម្បីពិភាក្សារកវិធីទប់ស្កាត់បញ្ហាការឆ្លងរាលដាលនៃជំងឺគ្រុនផ្តាសាយជ្រូក។
ចំណែកអតីតរដ្ឋមន្រ្តីក្រសួងសុខាភិបាលថៃក៏បានថ្លែងបញ្ជាក់ប្រាប់កាសែតបាងកកប៉ុស្តិ៍ផ្សាយបន្តនៅថ្ងៃនេះឲ្យដឹងដែរថា លោកជំរុញឲ្យមានការចូលរួមពិភាក្សាពីបណ្តាប្រទេសនានាដែលឋិតនៅក្នុងតំបន់អាស៊ីខាងកើតផង៕