មនុស្ស២នាក់ដែលមកពីកាណាដា ម្នាក់ជាបុរសនិងម្នាក់ទៀតជាក្មេងស្រី ត្រូវគេរាយការណ៍ថាបានធ្វើដំណើរមកដល់កម្ពុជាកាលពីថ្ងៃអាទិត្យ ទី៧ មិថុនា។ មិនមានសេចក្តីរាយការណ៍បញ្ជាក់ថា តើអ្នកទាំង២ដែលគេកំពុងតាមរកនោះបានធ្វើដំណើរទៅកាន់ទីណាមួយនោះទេក្នុងប្រទេសកម្ពុជា។
អង្គការសុខភាពពិភពលោកបានប្រកាសកាលពីថ្ងៃព្រហស្បតិ៍ដែលជាលើកដំបូងបំផុតឲ្យដឹងថា មេរោគគ្រុនផ្តាសាយនេះកំពុងតែរាតត្បាតពិភពលោកហើយ។
សេចក្តីរាយការណ៍ចុងក្រោយបានឲ្យដឹងថា មេរោគគ្រុនផ្តាសាយA(H1N1)នេះបានរាតត្បាតប្រទេសចំនួន៧៤ហើយ ក្នុងនោះមានអ្នកកើតជំងឺនេះចំនួនជិត២ម៉ឺន៨ពាន់នាក់និងមានអ្នកស្លាប់ចំនួន១៤១នាក់។
ដោយឡែកចំពោះប្រទេសថៃដែលនៅជាប់នឹងកម្ពុជាបានប្រកាសឲ្យដឹងថាមានអ្នកកើតជំងឺនេះចំនួន៤៦នាក់ហើយ៕