ពលរដ្ឋនៅបឹងកក់បារម្ភចំពោះគម្រោងឲ្យចាកចេញពីលំនៅសាជាថ្មីទៀត
ដោយ សេក បណ្ឌិត
2009-11-05
អាជ្ញាធររាជធានីភ្នំពេញមានគម្រោងឲ្យពលរដ្ឋរស់នៅតំបន់បឹងកក់ ចាកចេញទៅរកកន្លែងថ្មីសាជាថ្មីម្តងទៀត ដែលបញ្ហានេះបានធ្វើឲ្យពលរដ្ឋរស់នៅតំបន់នោះមានក្តីកង្វល់យ៉ាងខ្លាំង។
ផ្ទះដែលសង់នៅលើបឹងកក់។
ប្រជាពលរដ្ឋរស់នៅភូមិ១ប្រមាណជាង៤០០គ្រួសារ ក្នុងតំបន់បឹងកក់ សង្កាត់ស្រះចក ខណ្ឌដូនពេញ រាជធានីភ្នំពេញ បានសម្តែងនូវក្តីព្រួយបារម្ភជាថ្មីម្តងទៀត ដោយសារអាជ្ញាធរមានផែនការជម្លៀសប្រជាពលរដ្ឋនៅភូមិនេះបន្តទៀត ក្រោយពេលបុណ្យអុំទូក បន្ទាប់ពីមានការជម្លៀសប្រជាពលរដ្ឋនៅភូមិ៤ និងភូមិ៦កន្លងមកនោះ។
អ្នកស្រី ហង្ស សេង ដែលអះអាងថា គ្រួសាររបស់គាត់បានរស់នៅទីនោះជាយូរណាស់មកហើយ បានមានប្រសាសន៍ថា កាលពីអំឡុងខែតុលា សាលាខណ្ឌដូនពេញ បានចេញលិខិតឲ្យទៅប្រជាពលរដ្ឋមួយចំនួនទៅទំនាក់ទំនងជាមួយសាលារាជធានីភ្នំពេញ ដើម្បីចរចាទទួលយកគោលការណ៍ដោះដូរទីលំនៅថ្មី ឲ្យបានមុនថ្ងៃទី៣១ តុលា ហើយប្រសិនបើនៅក្រោយបុណ្យអុំទូកមិនមានការចរចា ឬមានការព្រមព្រៀងអ្វីទេនោះ អាជ្ញាធរនឹងមិនទទួលខុសត្រូវក្នុងការឈូសឆាយ រុះរើផ្ទះសម្បែងនោះទេ។
លោកស្រី ហង្ស សេង បានឲ្យដឹងដូច្នេះ ៖ «ប្រហែលជាបុណ្យអុំទូកហើយហ្នឹង គេមកប្រាប់ខ្ញុំទៀតហើយ។ ខ្ញុំភ័យ»។
លោកស្រីបានសម្តែងនូវក្តីព្រួយបារម្ភពីបញ្ហានេះបន្តទៀតថា ៖ «កាលពីជំនាន់ប៉ុលពតខ្ញុំភ័យម្ដង ដល់ពេលឥឡូវភ័យម្ដងទៀតហើយ។ ភ័យត្រង់គេមកគំរាមយកផ្ទះហ្នឹងថា បើមិនទទួល៨.០០០ដុល្លារហ្នឹងទេ គេនឹងរុះផ្ទះខ្ញុំ»។
បុរសម្នាក់ទៀតសុំមិនបញ្ចេញឈ្មោះ រស់នៅភូមិ១ តំបន់បឹងកក់នោះដែរ បានឲ្យដឹងថា អាជ្ញាធរនៅតែដើរបំភ័យប្រជាពលរដ្ឋឲ្យទទួលសំណង៨.០០០ដុល្លារជាថ្នូរនឹងការចេញ បើមិនព្រមនឹងមិនបានអ្វីទាំងអស់។
បុរសសុំមិនបញ្ចេញឈ្មោះឲ្យដឹងដូច្នេះ ៖ «ប្រធានភូមិប្រាប់យើង បើយើងមិនទទួលយកគោលការណ៍៨.០០០ដុល្លារហ្នឹង គេឈូសឆាយផ្ទះយើង ហើយគេអត់ឲ្យលុយទេ»។
ឆ្លើយតបនឹងបញ្ហានេះ អភិបាលរងរាជធានីភ្នំពេញ លោក ម៉ាន់ ឈឿន បានមានប្រសាសន៍ប្រាប់វិទ្យុអាស៊ីសេរី នៅថ្ងៃទី៤ វិច្ឆិកា ថា ៖ «តាមខ្ញុំដឹង កម្មវិធីហ្នឹងមានជំហានរបស់គេ។ ជំហានអ្នកនៅក្នុងទឹក១២០០-១៣០០ វាចប់ដំណាក់កាលទី១ហើយ។ យើងនឹងទៅទៀត បន្តអ្នកនៅលើគោកខ្លះ ក្នុងទឹកខ្លះ»។
មន្ត្រីស៊ើបអង្កេតជាន់ខ្ពស់នៃអង្គការសិទ្ធិមនុស្សអាដហុក លោក ចាន់ សុវ៉េត បានមានប្រសាសន៍ថា យន្តការដោះស្រាយរបស់អាជ្ញាធរ គឺធ្វើឡើងឲ្យតែល្អមើល ប៉ុន្តែអ្វីដែលសាធារណជនកំពុងតែមើលឃើញបច្ចុប្បន្ន គឺប្រជាពលរដុ្ឋកំពុងទទួលរងនូវការគំរាមកំហែង និងគាបសង្កត់គ្រប់បែបយ៉ាង ជាពិសេសស្ថានភាពបរិស្ថានជុំវិញកន្លែងរស់នៅ និងការផ្តល់តម្លៃមិនសមរម្យតាមតម្លៃដីនៅលើទីផ្សារ ដែលអាចឲ្យប្រជាពលរដ្ឋមានសិទ្ធិស្វែងរកទីលំនៅថ្មីសមរម្យដោយខ្លួនឯងបាន។
លោក ចាន់ សុវ៉េត មានប្រសាសន៍ដូច្នេះ ៖ «យើងបានទទួលព័ត៌មានហ្នឹងថា គេនឹងចាប់ផ្ដើមធ្វើការចរចា និងធ្វើការរៀបចំអំពីអ្នកដែលទទួលយកនូវគោលនយោបាយរបស់សាលាក្រុងភ្នំពេញចំនួន៣ចំណុច»។
លោកបន្តថា ក្នុងនាមសង្គមស៊ីវិល លោកអំពាវនាវសូមឲ្យរដ្ឋាភិបាលគិតគូរពីតម្លៃនៃសិទ្ធិរស់នៅរបស់ប្រជាពលរដ្ឋ និងការអភិវឌ្ឍដោយជៀសវាងនូវការប្រើអំពើហិង្សាដោយប្រការណាមួយ។
បឹងកក់មានទំហំប្រមាណ១៣៣ហិកតារ ត្រូវបានរដ្ឋាភិបាលប្រគល់សិទ្ធិអភិវឌ្ឍន៍ទៅឲ្យក្រុមហ៊ុនស៊ូកាគូ ធ្វើការអភិវឌ្ឍក្នុងរយៈពេល៩០ឆ្នាំ៕
អត្ថបទដែលទាក់ទង
សមត្ថកិច្ចបណ្ដេញអ្នកភូមិ៤នៃតំបន់បឹងកក់មិនឲ្យធ្វើការតវ៉ា
ពលរដ្ឋ៧០គ្រួសារនៃតំបន់បឹងកក់នៅតែបន្តការតវ៉ានៅមុខសាលារាជធានីភ្នំពេញ
អ្នកភូមិ៤នៃតំបន់បឹងកក់សំណូមពររស់នៅកន្លែងចាស់បន្តទៀត
ពលរដ្ឋនៅបឹងកក់មួយចំនួនបង្ខំចិត្តទទួលសំណងក្នុងការចាកចេញ
អង្គការលើកលែងទោសអន្តរជាតិស្នើសុំឲ្យបញ្ឈប់ការបណ្ដេញពលរដ្ឋនៅបឹងកក់
អ្នកភូមិប្រមាណ៤០នាក់នៅបឹងកក់ស្នើសុំអាជ្ញាធរឲ្យផ្អាកគម្រោងរុះរើផ្ទះ
ពលរដ្ឋនៅបឹងកក់បារម្ភបន្ទាប់ពីផ្ទះខ្លះរលំដោយសារការបូមខ្សាច់
អ្នកភូមិនៅបឹងកក់ស្នើឲ្យអាជ្ញាធរដោះស្រាយបញ្ហាផ្ទះបាក់ដោយសារការបូមខ្សាច់
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
here we go again, why, kep chutima did tha? what is the reason around that place? why no go somewhere else? i am sorry for couple of my above questions. <br>i would like to know, who stayed behind this matter and take a wrong application. <br>i heart someone that stay in congressmen spoke in front of the cpp TV about that land was not belong to those people, that land belonging to Government, i am jus curriously think about this. which land belong to Cambodian, and which land belong to vietnamese that stay in Cambodia now a day. what so different between Cambodian spoken Cabodia and Vietnamese spoken Cambodai?
2009-11-05 22:39
Development of country is necessary; but healthy of people is most important. The Phnpm Penh city governer don't cheat. You must pay to the people as investors promise to pay.
2009-11-05 15:36
Very sad news for all poor Khmer. What can i say? only god understand this problem. I hope the city will solve this matter by any good way to help the poor. <br>May god bless all the poor Khmer!!!.
2009-11-05 07:25
មើលមតិទាំងអស់.