ទាហាន​ខ្មែរ និង​ថៃ បាញ់​​គ្នា​មួយ​ប្រាវ នៅ​ជាំ​ក្សាន្ត

មាន​ការ​ប៉ះ​ទង្គិច​គ្នា​ដោយ​អាវុធ​មួយ រវាង​ទាហាន​ខ្មែរ និង​ថៃ ដែល​ការពារ​ព្រំដែន​នៃ​ទឹក​ដី​នៃ​ស្រុក​ជាំ​ក្សាន្ត ខេត្ត​ព្រះវិហារ ជាប់​នឹង​ព្រំដែន ខេត្ត​អ៊ូប៊ុន​របស់​ថៃ កាល​ពី​វេលា​ថ្ងៃ​ត្រង់​ថ្ងៃ​អាទិត្យ​ទី ២៩ ខែ​មេសា។
ដោយ ហង្ស សាវយុត
2012-04-29
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
ទាហានខ្មែរ​៣០៣
ទាហាន​ខ្មែរ​ពិនិត្យ​មើល​កាំភ្លើង​យន្ត​នៅ​តំបន់​ប្រាសាទ​ព្រះវិហារ​ក្នុង​ខែត្រ​ព្រះវិហារ កាលពី​ថ្ងៃ​៥ មេសា ២០០៩។
RFA Photo/Savyouth

ការ​ប៉ះ​ទង្គិច​គ្នា​ដោយ​អាវុធ​នោះ មាន​រយៈ​ពេល​ប្រហែល ១០ នាទី នៅ​ចម្ងាយ​ប្រមាណ ២ គីឡូ​ម៉ែត្រ ភាគ​ខាង​លិច​ច្រក​ព្រំដែន​អាន​សេះ និង​ភាគ​ខាង​ត្បូង​ឆៀង​ខាង​កើត ចម្ងាយ​ប្រមាណ​ជាង ៣០ គីឡូ​ម៉ែត្រ ពី​តំបន់​ប្រាសាទ​ព្រះវិហារ។

ប្រភព​ពី​កង​ទាហាន​ខ្មែរ​មួយ​រូប​នៃ​តំបន់​ប្រតិបត្តិការ​សឹក​ខេត្ត​ព្រះវិហារ ដែល​ប្រចាំការ​នៅ​តំបន់​នោះ បាន​ឱ្យ​ដឹង​ថា ការ​ប៉ះ​ទង្គិច​គ្នា​ដោយ​អាវុធ​នោះ បាន​កើត​ឡើង​នៅ​ពេល​ដែល​កង​ការពារ​ព្រំដែន​ខ្មែរ​ចំនួន ៧ នាក់ បាន​ដើរ​ល្បាត​តាម​បន្ទាត់​ព្រំដែន ដើម្បី​រារាំង​សកម្មភាព​ប្រជា​ពលរដ្ឋ​ខ្មែរ​មួយ​ចំនួន កុំ​ឱ្យ​លួច​ឆ្លង​ដែន​ចូល​ទៅ​កាប់​ឈើ​ខុស​ច្បាប់​ក្នុង​ទឹក​ដី​ថៃ។

សំឡេង៖ «យើង​ដើរ​ល្បាត។ សភាពការណ៍​ប៉ុន្មាន​ថ្ងៃ​មុន ពួក​អ្នក​ស្រុក​ច្រើន គឺ​យើង​កំពុង​ការពារ​កុំ​ឱ្យ​ឡើង (ទៅ​កាប់​ឈើ​ខុស​ច្បាប់) នៅ​មុខ​តំបន់​ឈើ​ទាល​គង តាទុំ។ ទាហាន​ពួក​វា​នៅ​ទល់​មុខ​យើង​ វា​លួច​បាញ់ ព័ទ្ធ​បាញ់​តែ​ម្ដង»។

ប្រភព​ពត៌មាន​ដដែល បាន​ឱ្យ​ដឹង​ទៀត​ថា ទាហាន​ខ្មែរ​ម្នាក់​រង​របួស។ ក៏​ប៉ុន្តែ គេ​មិន​ទាន់​ដឹង​ច្បាស់​ថា ទាហាន​ថៃ​រង​របួស​ចំនួន​ប៉ុន្មាន​នាក់​ដែរ​ឬ​ទេ។

ទោះ​យ៉ាង​ណា​ក្ដី មន្ត្រី​យោធា​ខ្មែរ​សំខាន់ៗ ជា​ច្រើន​រូប ដែល​​មាន​តួនាទី​គ្រប់គ្រង​តាម​បន្ទាត់​ព្រំ​ដែន​ ទីនោះ បាន​ព្យាយាម​មិន​បង្ហើប​ឱ្យ​ដឹង​ព័ត៌មាន​នេះ​ទេ កាល​ពី​រសៀល​ថ្ងៃ​អាទិត្យ ទី ២៩ ខែ​មេសា ឆ្នាំ ២០១២៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែល​មិន​ជេរ​ប្រមាថ​ដល់​អ្នក​ដទៃប៉ុណ្ណោះ។

មតិ (13)
  • បោះពុម្ព
  • ចែករំលែក
  • អ៊ីម៉ែល

អ្នក​អាន​អនាមិក

ពេលបាញ់គ្នាម្តងៗតែងតែបន្សល់ការឈឺចាប់ប៉ុណ្ណោះ ដឹងទេទាហ៊ានទាំងយើងទាំងគេមិនចង់បាញ់គ្នាទេ ហើយយកអ្នកនៅខាងក្រោយគួរគាំទ្រកុំអោយបាញ់គ្នា

May 02, 2012 05:00 AM

អ្នក​អាន​អនាមិក

កងទ៍ពខែ្មរមិនចង់ឃើញគេបាញ់សំលាប់ប្រជាជនខ្លួននោះទេ

May 02, 2012 03:02 AM

អ្នក​អាន​អនាមិក

ខ្ញុំយល់ថា រដ្ឋាភិបាលគួរយកចិត្តទុកដាក់ពីរឿងបញ្ហាដែលសៀមបាញ់ខ្មែរដូចបាញ់ចាបផងហើយគួរព្រមានវាខ្លះផងកុំឲ្យអាសៀមបានចិត្តពេក!!!កុំការទូតជាមួយវាច្រើនពេក!!!!

May 01, 2012 12:03 PM

អ្នក​អាន​អនាមិក

ខ្ញុំយល់ថាខ្ញែរយើងធើ្វនិងត្រូវហើយ​ បង្ហាញឲសៀមដឹងថាខ្មែរមិនខ្លាចវា។

Apr 30, 2012 08:50 AM

អ្នក​អាន​អនាមិក

We are Khmer, must defend our motherland not only western border, but also eastern border.
Thanks

Apr 30, 2012 04:30 AM

មើល​មតិ​ទាំង​អស់.