ផែនការថ្មីនេះ បានលេចឡើងក្រោយពីមានសេចក្តីប្រកាសកាលពីសប្តាហ៍មុនថា កងវិស្វកម្មយោធានឹងស្ថាបនាផ្លូវថ្មីៗនៅជិតបរិវេណប្រាសាទព្រះវិហារនិងប្រាសាទតាមាន់ ដើម្បីជាការឆ្លើយតបចំពោះការ ប្រឈមមុខដាក់គ្នារយៈពេល ៦សប្តាហ៍ជាមួយនឹងប្រទេសថៃ។
លោក សាន វណ្ណា អភិបាលរងខេត្តឧត្តរមានជ័យ បានឲ្យដឹងថា រដ្ឋាភិបាលបានណែនាំឲ្យលោករៀបចំដីសម្រាប់ទាហាននិងគ្រួសាររបស់ពួកគេនៅក្បែរមូលដ្ឋានដែលពួកគេកំពុងឈរជើង។
លោកមានប្រសាសន៍ថា ដីមានស្រាប់ហើយ ហើយខាងអាជ្ញាធរខេត្តក៏កំពុងធ្វើការលំអិតពីរឿងនេះដែរ៕