សេដ្ឋកិច្ចកម្ពុជានឹងកើនប្រមាណ៧%នៅឆ្នាំ២០០៩

ដោយ សាន សុវិទ្យ

2009-06-07

យោងតាមទីភ្នាក់ងារព័ត៌មានចិនដែលបានស្រង់សេចក្តីរាយការណ៍របស់កាសែតក្នុងស្រុកលោករដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ គាត ឈន់ បានមានប្រសាសន៍ថា សេដ្ឋកិច្ចកម្ពុជានឹងមិនប៉ះពាល់ខ្លាំងពីវិបត្តិសេដ្ឋកិច្ចពិភពលោកនោះឡើយគឺកំណើនសេដ្ឋកិច្ចនៅឆ្នាំ២០០៩នេះនឹងកើន ប្រមាណជា៧%។

RFA Photo/Mean Riddh

កសិករប្រមូលផលស្រូវនៅស្រុកពញាឮ ខែត្រកណ្ដាល តាមបណ្ដោយផ្លូវជាតិលេខ៥។

លោក គាត ឈន់ បានមានប្រសាសន៍ថា រដ្ឋាភិបាលបានផ្តល់ប្រាក់២០លានដុល្លារអាមេរិកដល់ធនាគារអភិវឌ្ឍន៍ជនបទសម្រាប់ទិញស្រូវពីកសិករទុកសម្រាប់នាំចេញ។ វិធានការនេះនឹងជួយលើកស្ទួយតម្លៃស្រូវរបស់កសិករនិងទប់ស្កាត់មិនឲ្យមានការលួចរត់ពន្ធស្រូវទៅលក់ឲ្យប្រទេសជិតខាង។

លោកមានប្រសាសន៍ទៀតថា រដ្ឋាភិបាលកំពុងត្រៀមថវិកា១លានដុល្លារសម្រាប់ជាឥណទានកម្រិតតូចទុកឲ្យអ្នកស្រុកខ្ចីជាទុនធ្វើអាជីវកម្មតូចតាចជាលក្ខណៈគ្រួសារ។

ក្រៅពីនេះលោករដ្ឋមន្ត្រីក្រសួងហិរញ្ញវត្ថុក៏ឲ្យដឹងផងដែរថា ថវិកាចំនួន៦លាន៦សែនដុល្លារអាមេរិកបានត្រូវចំណាយក្នុងការអប់រំមុខរបរដល់ពលករចំនួន៤ម៉ឺននាក់ក្រោយគេត្រូវបាត់បង់ការងារជាពិសេសកម្មករកាត់ដេរ៕

បោះពុម្ព អ៊ីម៉េល

មតិ

អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។