កម្ពុជានឹងមិនលើកយកបញ្ហាព្រំដែនទៅដោះស្រាយក្នុងកិច្ចប្រជុំអាស៊ាន
ដោយ សុខ សេរី
2009-10-18
រដ្ឋាភិបាលកម្ពុជាបានបញ្ជាក់ជំហរជាថ្មីទៀតឲ្យដឹងថា មិនមានគម្រោងណាមួយក្នុងការលើកយកបញ្ហាជម្លោះព្រំដែននិងប្រាសាទព្រះវិហារដើម្បីទៅដោះស្រាយក្នុងកិច្ចប្រជុំកំពូលនៃអាស៊ានក្នុងទីក្រុងហួហិននៃប្រទេសថៃ ដែលនឹងប្រព្រឹត្តនៅថៃ្ង២៣-២៥ តុលាខាងមុខនេះទេ។
ទាហានខ្មែរកាន់គ្រាប់បេ-៤០ (ខាងស្ដាំ) ខណៈដែលទាហានថៃ (ខាងឆ្វេង) កំពុងអង្គុយនៅក្បែរប្រាសាទព្រះវិហារ ក្នុងខេត្តព្រះវិហារ នាថ្ងៃទី៧ តុលា ២០០៨។
ប្រមុខការទូតប្រទេសកម្ពុជាបានបន្ទោសថា ភាគីថៃបានបញ្ជូនសារក្នុងសភាពច្របូកច្របល់។
លោក ហោ ណំាហុង ជាឧបនាយករដ្ឋមន្រ្តីនិងជារដ្ឋមន្រ្តីក្រសួងការបរទេសកម្ពុជា បានមានប្រសាសន៍នៅក្នុងសន្និសីទកាសែតនៅឯព្រលានយន្តហោះអន្តរជាតិភ្នំពេញ នៅថៃ្ងសៅរ៍ ទី១៧ ខែតុលា ថា ៖ «សម្ដេចនឹងសុំឲ្យគេគោរពនូវពាក្យសម្ដីដែលយើងបានឯកភាពគ្នាកុំឲ្យលើកបញ្ហានេះទៅអន្តរជាតិ ដោះស្រាយទ្វេភាគី។ សម្ដេចនឹងមិនស្នើឲ្យអាស៊ានពិភាក្សារកខុសរកត្រូវបញ្ហានេះទេ។ អ៊ីចឹងគ្រាន់លើកដើម្បីរំឭកឲ្យថៃគោរពនូវពាក្យសន្យា»។
ការបញ្ជាក់ជំហរជាថ្មីរបស់កម្ពុជានេះបានធ្វើទ្បើងក្រោយពីអគ្គលេខាធិការរបស់អាស៊ានជាជនជាតិថៃផងដែរនោះ បាននិយាយថា បើសិនណាប្រទេសអាស៊ានណាមួយយល់ថា ជម្លោះព្រំដែនរវាងថៃនិងកម្ពុជាប៉ះពាល់ដល់រូបភាពអាស៊ាន ដូច្នេះរដ្ឋមន្រ្តីការបរទេសនៃប្រទេសចំនួន៨ទៀតអាចនឹងលើកយកបញ្ហានេះមកដោះស្រាយនៅក្នុងកិច្ចប្រជុំកំពូលអាស៊ានខាងមុខនេះ។
កាលពីថៃ្ងទី១៣ ខែតុលាថ្មីៗនេះ លោក កាស៊ីត ភីរុមយ៉ា (Kasi Piromya) រដ្ឋមន្រ្តីក្រសួងការបរទេសថៃបានផ្ញើកំណត់ការទូតមួយមកកម្ពុជាបំភ្លឺថា កាសែតបាងកកប៉ុស្តិ៍បានដកស្រង់សម្ដីរបស់លោកខុស កាលពីថៃ្ងទី៨ ខែតុលាថ្មីៗនេះ ដែលបានចុះផ្សាយថា លោកស្នើសុំឲ្យជម្លោះរវាងថៃនិងកម្ពុជាទាក់ទងនឹងប្រាសាទព្រះវិហារនោះដាក់នៅក្នុងរបៀបវារៈនៃកិច្ចប្រជុំកំពូលអាស៊ាន ថៃ្ងទី២៣ ដល់ថៃ្ងទី២៥ ខែតុលាខាងមុខនេះ។
លោក ហោ ណាំហុង ប្រមុខការទូតកម្ពុជា បានមានប្រសាសន៍ថា ៖ «ដូច្នេះយើងឃើញថា ដំណឹងពីខាងថៃមកមានភាពច្របូកច្របល់បន្តិច។ ទី១ នាយករដ្ឋមន្ត្រីថៃ លោក អាភីស៊ីត បាននិយាយបន្តបន្ទាប់ថា ការដោះស្រាយទ្វេភាគីមិនយកបញ្ហាហ្នឹងទៅដាក់អន្តរជាតិទេ»។
លោក យឹម សុវណ្ណ តំណាងរាស្រ្តខាងគណបក្សសមរង្ស៊ី និងជាអ្នកនាំពាក្យផងដែរនោះ បានមានប្រសាសន៍ថា ប្រទេសកម្ពុជាមានមូលដ្ឋានច្បាប់អន្តរជាតិគ្រប់គ្រាន់ក្នុងការដោះស្រាយបញ្ហាខាងលើនេះក្នុងរង្វង់អន្តរជាតិ។
លោក យឹម សុវណ្ណ បានបញ្ជាក់ថា ៖ «ជាចាំបាច់ណាស់ដែលប្រទេសកម្ពុជាត្រូវតែយកបញ្ហាហ្នឹងទៅដោះស្រាយក្នុងក្របខ័ណ្ឌអាស៊ាន ឬក៏យកទៅដោះស្រាយនៅវេទិកាផ្សេងៗនៅអង្គការសហប្រជាជាតិ»។
លោកនាយករដ្ឋមន្រ្តី ហ៊ុន សែន គេបានរំពឹងទុកថា នឹងដឹកនាំគណៈប្រតិភូជាន់ខ្ពស់នៃប្រទេសកម្ពុជាទៅចូលរួមក្នុងកិច្ចប្រជុំអាស៊ាន ដែលនឹងចាប់ផ្ដើមប្រព្រឹត្តទៅនៅថៃ្ងទី២៣ រហូតដល់ថៃ្ងទី២៥ ខែតុលាខាងមុខនេះ នៅក្នុងទីក្រុងហួហិន ប្រទេសថៃ។
សូមជម្រាបថា ចាប់តាំងពីប្រាសាទព្រះវិហាររបស់ប្រទេសកម្ពុជាត្រូវបានដាក់ចូលក្នុងបញ្ជីបេតិភណ្ឌពិភពលោក ដោយអង្គការយូណេស្កូ (UNESCO) នៅក្នុងទីក្រុងកេបិក ប្រទេសកាណាដា កាលពីថៃ្ងទី៧ ខែកក្កដា ឆ្នាំ២០០៨កន្លងទៅ កងទ័ពថៃត្រូវបានគេកត់សម្គាល់ឃើញថា បានចូលមកឈ្លានពានទឹកដីកម្ពុជាជាច្រើនលើកនិងច្រើនកន្លែង នៅតាមបណ្តោយព្រំដែនខែ្មរថៃ ជាពិសេសនៅតំបន់ប្រាសាទព្រះវិហារ បានបង្កឲ្យមានជម្លោះប្រដាប់អាវុធចំនួន៤លើកបណ្តាលឲ្យស្លាប់និងរងរបួសកងទ័ពទាំងសងខាងមួយចំនួន៕
អត្ថបទដែលទាក់ទង
- មេបញ្ជាការខ្មែរ-ថៃគ្រោងជួបប្រជុំគ្នាដើម្បីបន្ធូរបន្ថយភាពតានតឹង
- ស្ថានភាពនៅតំបន់ប្រាសាទព្រះវិហារ ថ្ងៃ៧ វិច្ឆិកា
- ស្ថានភាពនៅតំបន់ព្រំដែនខ្មែរ-ថៃ ថ្ងៃ៣១ តុលា
- មន្រ្តីខ្មែរប្រតិកម្មតបនឹងព័ត៌មានថាថៃនឹងប្រើច្បាប់អន្តរជាតិក្នុងករណីថាក់ស៊ីន
- ស្ថានទូតខ្មែរនៅបាងកកទទួលបានការធានាសុវត្ថិភាពពីរដ្ឋាភិបាលថៃ
- រដ្ឋាភិបាល៖ ការទាមទារឲ្យកម្ពុជាដកទ័ពចេញពីតំបន់ប្រាសាទព្រះវិហារគឺខុសច្បាប់
- ក្រសួងការបរទេសប្រកាសឲ្យទូតខ្មែរនៅថៃគិតពីបញ្ហាសុវត្ថិភាព
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
stop waisting time any more we got everything in our hand why we still waiting and looking them do stupid thing? <br>
2009-10-19 20:44
The government is worried about related to vietnam border also.
2009-10-19 20:26
The government is worried about related to vietnam border also.
2009-10-19 20:26
How many time have Thai try to get rid of Khmer? How many time in the past that Khmer forgave Thai? If the Historian of Thai always make things complicated; always make the history to be corrupted, the war and fire between Thai and Khmer will never end. I myself want to be a politician someday and yet I am not understood about this. Can somebody in the Government in Cambodia show the way of this forgiveness to Thai to me? I am beggin you, please. I hope that comment is not too much and not that silly because I am just a young man Khmer youth who care about Cambodia. Of course, only me who care about that but All Khmer people. But in case I am of of you, please let me know what is going on.
2009-10-19 12:18
Why would it be so complicated? It has been going on for about a year and a haft already? I'm sorry to say this but Can the government of Cambodia do something about it? If you just wait until they come to talk and agree with you, when will it be finish? When will we be in Peace? I am not asking to make a fight with Thai people but to end it through the other approach. As we can see, the talk between Thai and Khmer has happened about 4 to 5 times already and nothing is changed that much. Can we just find someone else like Asian Association or the UN to finish it off? If you think that Thai would want to be Friend with us, that would happen in the past years ago but not just this moment?
2009-10-19 12:18
មើលមតិទាំងអស់.