កម្ពុជាបដិសេធជាផ្លូវការមិនធ្វើបត្យាប័នក្នុងករណីថាក់ស៊ីន
ដោយ សេក បណ្ឌិត
2009-11-11
លោកនាយករដ្ឋមន្ត្រី ហ៊ុន សែន បានប្រកាសនៅចំពោះមុខអ្នកកាសែតជាតិនិងអន្តរជាតិថា កម្ពុជាប្រកាន់ជំហរដាច់ខាតមិនធ្វើបត្យាប័នលោក ថាក់ស៊ីន ឈីនណាវ៉ាត្រ (Thaksin Shinawatra) តាមលិខិតពីរដ្ឋាភិបាលក្រុងបាងកកដែលផ្ញើមកកម្ពុជានៅថ្ងៃ១១ វិច្ឆិកា។
១០-វិច្ឆិកា-០៩: អតីតនាយករដ្ឋមន្រ្តីថៃ លោក ថាក់ស៊ីន ឈីនណាវ៉ាត្រ (Thaksin Shinawatra) [ស្ដាំ] ចាប់ដៃជាមួយនាយករដ្ឋមន្រ្តីខ្មែរ លោក ហ៊ុន សែន នៅគេហដ្ឋានដែលលោក ហ៊ុន សែន បានរៀបចំទុកឲ្យនៅក្នុងរាជធានីភ្នំពេញ។
ស្របពេលដែលលោក ថាក់ស៊ីន អតីតនាយករដ្ឋមន្ត្រីថៃដែលត្រូវគេបណ្តេញចេញពីតំណែងដោយរដ្ឋប្រហារយោធា កំពុងស្នាក់នៅក្នុងប្រទេសកម្ពុជា រដ្ឋាភិបាលថៃបានផ្ញើសំណុំលិខិតជាផ្លូវការដោយសុំឲ្យរដ្ឋាភិបាលកម្ពុជា ចាត់ការបញ្ជូនខ្លួនលោក ថាក់ស៊ីន ទៅឲ្យរដ្ឋាភិបាលក្រុងបាងកកវិញ នៅព្រឹកថ្ងៃពុធ ទី១១ វិច្ឆិកា ឆ្នាំ២០០៩ ទៅតាមអ្វីដែលកម្ពុជាធ្លាប់មានកិច្ចព្រមព្រៀងជាមួយថៃក្នុងការធ្វើបត្យាប័ន។
ប៉ុន្តែលិខិតស្នើសុំរបស់ថៃត្រូវបានលោកនាយករដ្ឋមន្ត្រីខ្មែរថ្លែងទាត់ចោលចំពោះមុខលោក ថាក់ស៊ីន ក្នុងឱកាសជំនួបជាលក្ខណៈគ្រួសាររវាងលោក ថាក់ស៊ីន និងលោក ហ៊ុន សែន នៅភូមិគ្រឹះរបស់លោកនៅក្រុងតាខ្មៅ ខេត្តកណ្តាល នៅថ្ងៃពុធ ទី១១ វិច្ឆិកា។
លោក ហ៊ុន សែន មានប្រសាសន៍ដូច្នេះ ៖ «ថ្ងៃនេះគេបានបញ្ជូនលិខិតសុំធ្វើបត្យាប័ន ឯកឧត្ដម ថាក់ស៊ីន ត្រឡប់ទៅថៃវិញ កម្ពុជាឥឡូវហ្នឹងក៏ប្រហែលជាបានលិខិតហ្នឹងហើយ គិតថាបញ្ជូនត្រឡប់ទៅវិញនូវលិខិតបដិសេធ របស់យើងអំពីការមិនបញ្ជូន»។
ថ្លែងបែបនេះតាមរយៈសន្និសីទកាសែតនៅភូមិគ្រឹះលោកនាយករដ្ឋមន្រ្តី ហ៊ុន សែន នៅក្រុងតាខ្មៅ ហើយត្រូវបានគេចាក់ផ្សាយតាមកញ្ចក់ទូរទស្សន៍ជាតិកម្ពុជា នៅថ្ងៃពុធទី១១ វិច្ឆិកា។
ជាមួយគ្នានេះដែរលោក ថាក់ស៊ីន ឆ្លើយតបនឹងសំណួររបស់អ្នកសែតដែលសួរថា តើលោកមានអារម្មណ៍ភ្ញាក់ផ្អើលយ៉ាងណាដែរទេ នៅពេលដែលមានលិខិតរដ្ឋាភិបាលលោក អាភីស៊ិត វេតឆាឈីវ៉ាក់ (Abhisit Vejjajiva) ស្នើឲ្យធ្វើបត្យាប័នរូបលោកពីប្រទេសកម្ពុជានោះ?
លោកបានបញ្ជាក់ថា លោកមិនមានការភ្ញាក់ផ្អើលអ្វីនោះទេ ព្រោះនៅប្រទេសផ្សេងៗ ដែលមិនមានកិច្ចព្រមព្រៀងបត្យាប័ន ក៏រដ្ឋាភិបាលថៃបច្ចុប្បន្នបានផ្ញើលិខិតឲ្យបញ្ជូនខ្លួនលោកនៅពេលដែលលោកមានវត្តមាននៅក្នុងប្រទេសណាមួយនោះ។
លោក ថាក់ស៊ីន ឈីនណាវ៉ាត្រ បានបញ្ជាក់ដូច្នេះ ៖ "ខ្ញុំរំពឹងថា គេនឹងធ្វើដូច្នេះ ពីព្រោះគេតាមប្រមាញ់ខ្ញុំទៅតាមប្រទេសដែលខ្ញុំមានកិច្ចព្រមព្រៀង ក៏គេបញ្ជូនទៅដែរ..."។
ជាមួយគ្នានេះដែរ កម្ពុជាបានធ្វើកំណត់ទូតមួយផ្ញើទៅក្រុងបាងកកវិញ ដោយមិនទទួលយកការស្នើសុំឲ្យធ្វើបត្យាប័នលោក ថាក់ស៊ីន នោះឡើយ។
ឆ្លើយតបនឹងការទាត់ចោលនេះ លោកនាយករដ្ឋមន្រ្តីនៃប្រទេសថៃ អាភីស៊ិត វេតឆាឈីវ៉ាក់ បានសម្តែងការសោកស្តាយចំពោះប្រទេសកម្ពុជាដែលរំលោភច្បាប់អន្តរជាតិ។
តាមកាសែតថៃ The Nation បានរាយការណ៍ថា រដ្ឋមន្ត្រីក្រសួងការបរទេសរបស់ប្រទេសថៃ នឹងដាក់សំណើសុំបត្យាប័នលោក ថាក់ស៊ីន ជាថ្មីម្តងទៀតនៅពេលខាងមុខ។
លោក ថាក់ស៊ីន បានមកដល់ប្រទេសកម្ពុជាកាលពីថ្ងៃទី១០ វិចិ្ឆកា តាមយន្តហោះផ្ទាល់ខ្លួន ក្នុងនាមលោកជាទីប្រឹក្សាសេដ្ឋកិច្ចរបស់រដ្ឋាភិបាលកម្ពុជា និងជាទីប្រឹក្សាផ្ទាល់លោកនាយករដ្ឋមន្រ្តី ហ៊ុន សែន៕
អត្ថបទដែលទាក់ទង
កម្ពុជាបកស្រាយរឿងចាប់ខ្លួននិងហាមថៃមិនឲ្យបញ្ជាចរាចរណ៍ជើងអាកាស
តំណាងបក្សសមរង្ស៊ីនៅអាមេរិកចេញសេចក្ដីថ្លែងការណ៍ថ្កោលទោសសភាខ្មែរ
គណៈកម្មការខ្មែរម្ចាស់ស្រុកនឹងរៀបចំកិច្ចប្រជុំស្ដីពីបញ្ហានៅកម្ពុជា
មន្ត្រីការបរទេសថៃឲ្យកម្ពុជាគោរពតាមកិច្ចព្រមព្រៀងពាណិជ្ជកម្ម
កម្ពុជាហាមបុគ្គលិកថៃមិនឲ្យចូលធ្វើការក្នុងក្រុមហ៊ុនត្រួតពិនិត្យជើងយន្តហោះ
កម្ពុជាមិនទាន់ទទួលលិខិតផ្លូវការស្នើសុំដោះលែងចារកម្មថៃនៅឡើយ
មន្រ្តីរដ្ឋាភិបាលបំភ្លឺពីបញ្ហាព្រំដែននិងការលើកអភ័យឯកសិទ្ធិសមរង្ស៊ី
ទស្សនៈនានាជុំវិញការលើកអភ័យឯកសិទ្ធិសមរង្ស៊ី
មន្ត្រីការទូតថៃត្រូវគេអនុញ្ញាតឲ្យចូលជួបជនជាប់ចោទពីបទចារកម្ម
អាជ្ញាធរថៃគ្រោងដោះលែងខ្មែរ៨នាក់ដែលបានឆ្លងដែនខុសច្បាប់
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
I always love,support,and praise Prime Minister Hun Sen,hoping he has made a good decision.His courage,honesty,and wisdom will lead Khmer people to bright future.
2009-11-13 21:49
No place for him to go. Before he was at England but England didnt allow him a shelter. He is now hosted by Khmer leaders because of personally interest. England think that Thaksin's case is fugitive, is not a politic reason. So, the water and oil will be not the same thing. Thaksin finds for place to stay the same thing, water and water or oil and oil.
2009-11-13 21:28
I am afraid this is a setup by Thaksin and Bangkok to achieving Thai's strategic goal of maximum gains in economic, territory, and politics. Economically, Thai has used the current situation as pretext to repeal any bilateral agreements that might not benefit Thai as they expected. Territorially, Thai wants to abolish any agreements signed with Cambodia when Thaksin was Prime Minister. This include MOU on the so-called overlap zone in the Khmer sea. They also test Khmer's resolve regarding French-Siem 1907 treaty on Khmer-Thai border. This is ridiculous. If Thai can do it, we can ask French to repeal French decision and claim back Kampuchea Krom; England can claim back all its colonies in Europe, Africa and Asia... Politically, Thai has successfully scapegoated Cambodia for its internal unrest for partisan political gains. In the future, Thai will gain from the situation. We, Khmer, need to be constantly mindful of the trick. Ho Chi MIhn has once used this trick with us!
2009-11-12 03:31
I am afraid this is a setup by Thaksin and Bangkok to achieving Thai's strategic goal of maximum gains in economic, territory, and politics. Economically, Thai has used the current situation as pretext to repeal any bilateral agreements that might not benefit Thai as they expected. Territorially, Thai wants to abolish any agreements signed with Cambodia when Thaksin was Prime Minister. This include MOU on the so-called overlap zone in the Khmer sea. They also test Khmer's resolve regarding French-Siem 1907 treaty on Khmer-Thai border. This is ridiculous. If Thai can do it, we can ask French to repeal French decision and claim back Kampuchea Krom; England can claim back all its colonies in Europe, Africa and Asia... Politically, Thai has successfully scapegoated Cambodia for its internal unrest for partisan political gains. In the future, Thai will gain from the situation. We, Khmer, need to be constantly mindful of the trick. Ho Chi MIhn has once used this trick with us!
2009-11-12 03:30
Prime Minister Hun Sen did the right thing, by disregard the request by Thai government to extradites Mr Thaksin Shinawatra. What the next move for Thai government.
2009-11-12 01:39
មើលមតិទាំងអស់.