កម្ពុជានឹងមិនធ្វើបត្យាប័នតាមសំណើថៃក្នុងករណី ថាក់ស៊ីន
ដោយ គឹម ពៅ
2009-10-24
រដ្ឋាភិបាលកម្ពុជាបានប្រកាសនូវជំហររបស់ខ្លួននៅថ្ងៃ២៣ តុលា ថានឹងមិនធ្វើបត្យាប័នតាមសំណើជាយថាហេតុរបស់ថៃទេក្នុងករណីអតីតនាយករដ្ឋមន្ត្រីថៃ លោក ថាក់ស៊ីន សម្រេចចិត្តមកស្នាក់នៅក្នុងទឹកដីនៃប្រទេសកម្ពុជា។
អតីតនាយករដ្ឋមន្ត្រីថៃ លោក ថាក់ស៊ីន ឈីនណាវ៉ាត្រ (Thaksin Shinawatra) [ឆ្វេង] និយាយទៅកាន់នាយករដ្ឋមន្ត្រីខ្មែរ លោក ហ៊ុន សែន ក្នុងអំឡុងពេលនៃកិច្ចប្រជុំផ្លូវការមួយ កាលពីខែសីហា ឆ្នាំ២០០៦។
អ្នកនាំពាក្យទីស្តីការគណៈរដ្ឋមន្ត្រី លោក ផៃ ស៊ីផាន បានបញ្ជាក់ថា ភាគីកម្ពុជាមានសិទ្ធិនៅក្នុងបញ្ហានេះ ហើយការទទួលលោក ថាក់ស៊ីន ឈីនណាវ៉ាត្រ (Thaksin Shinawatra) មិនមានអ្វីបំផ្លាញទៅដល់ចំណងការទូតរវាងខ្មែរនិងថៃឡើយ ដោយសារតែការទទួលស្វាគមន៍នោះនឹងធ្វើឡើងតាមលក្ខណៈគុណធម៌ក្នុងនាមមិត្តភ័ក្តិចាស់របស់លោកនាយករដ្ឋមន្ត្រីខ្មែរប៉ុណ្ណោះ។
លោក ផៃ ស៊ីផាន បានបញ្ជាក់ថា ៖ «ក៏ប៉ុន្តែរាជរដ្ឋាភិបាលកម្ពុជាបានបង្ហាញជំហរច្បាស់ក្នុងការបកស្រាយនូវបត្យាប័នដែលព្រះរាជាណាចក្រកម្ពុជាជាប្រទេសហត្ថលេខី ក៏ដូចជាប្រទេសឯករាជ្យនិងអធិបតេយ្យ រក្សាសិទ្ធិក្នុងការសម្រេចតាមអ្វីដែលបាននិយាយគ្នាថា ថាក់ស៊ីន ដែលត្រូវទម្លាក់ចោលតាមរយៈការធ្វើរដ្ឋប្រហារហ្នឹង នឹងអាចធ្វើដំណើរមកស្រុកខ្មែរឬក៏អាចស្នាក់នៅព្រះរាជាណាចក្រកម្ពុជាដោយកិត្តិយស ហើយចំណុចទី២ហ្នឹង គឺប្រសាសន៍របស់សម្ដេចតេជោ លោកគ្រាន់តែប្រើប្រាស់គុណធម៌ ការគោរពនូវមិត្តភាព... ហើយខ្ញុំជឿថា មិនមែនជាអរិភាពទេរវាងកម្ពុជានិងថៃ»។
សេចក្តីថ្លែងការណ៍ជាផ្លូវការរបស់រដ្ឋាភិបាលខ្មែរបានធ្វើឡើងក្រោយពីនាយករដ្ឋមន្ត្រីថៃ លោក អាភីស៊ិត វេតឆាឈីវ៉ាក់ (Abhisit Vejjajiva) បាននិយាយប្រាប់កាសែតថៃក្នុងន័យចង់នាំខ្លួន លោក ថាក់ស៊ីន ត្រឡប់ទៅប្រទេសថៃវិញ ថាគេនឹងធ្វើបត្យាប័នជាមួយកម្ពុជា បើសិនជាលោក ថាក់ស៊ីន ទទួលយកសំណើរបស់លោក ហ៊ុន សែន។
សេចក្តីប្រកាសដដែលនេះបានបកស្រាយអំពីបត្យាប័នខ្មែរថៃដែលប្រកាសឲ្យប្រើតាមរាជក្រមចុះនៅថ្ងៃទី១៧ ខែកក្កដា ឆ្នាំ១៩៩៩ បានចែងថា ភាគីទទួលសំណើមានមូលដ្ឋានបដិសេធដាច់ខាតក្នុងការធ្វើបត្យាប័នក្នុងករណីដូចជា ក្នុងករណីបទល្មើសនយោបាយ និងក្នុងករណីភាគីទទួលសំណើមានមូលដ្ឋានច្បាស់លាស់ដើម្បីសន្មត់ថា សំណើបត្យាប័នធ្វើឡើងដោយភាគីដាក់សំណើគឺមានគោលបំណងប្រើនីតិវិធីព្រហ្មទណ្ឌប្រឆាំងឬអនុវត្តទណ្ឌកម្មទៅលើបុគ្គលដែលត្រូវចោទប្តឹង។
សេចក្ដីថ្លែងការណ៍បាននិយាយទៀតថា ដោយយោងទៅតាមចំណុចទាំងពីរនេះដែលភាគីកម្ពុជាមានសិទ្ធិក្នុងការបដិសេធចំពោះការធ្វើបត្យាប័ននោះក្នុងករណីលោក ថាក់ស៊ីន។
ជុំវិញការទទួលស្វាគមន៍លោក ថាក់ស៊ីន អ្នកនយោបាយខ្មែរនិងក្រុមសង្គមស៊ីវិលវិញបានអត្ថាធិប្បាយថា គេបារម្ភខ្លាចតែកម្ពុជាត្រូវគេចោទប្រកាន់នៅក្នុងការដែលមិនរក្សាជំហរអព្យាក្រឹតរបស់ខ្លួន នៅគ្រាដែលប្រទេសថៃកំពុងតែមានការបែកបាក់ផ្ទៃក្នុងស្រាប់។
ហ៊ុន សែន៖ ថាក់ស៊ីន អាចធ្វើជាទីប្រឹក្សាផ្នែកសេដ្ឋកិច្ច បើសុំសិទ្ធិជ្រកកោននៅកម្ពុជា
ទាក់ទិននឹងករណីលោក ថាក់ស៊ីន ឈីនណាវ៉ាត្រ អតីតនាយករដ្ឋមន្ត្រីថៃដដែលនោះដែរ លោកនាយករដ្ឋមន្ត្រីបច្ចុប្បន្ននៃប្រទេសកម្ពុជា កាលពីថ្ងៃសុក្រ ទី២៣ ខែតុលា ឆ្នាំ២០០៩នេះ បានថ្លែងថា លោកនឹងប្រគល់តំណែងថ្មីមួយដល់លោក ថាក់ស៊ីន ឲ្យធ្វើជាទីប្រឹក្សាផ្នែកសេដ្ឋកិច្ច ប្រសិនបើលោក ថាក់ស៊ីន សុំសិទ្ធិជ្រកកោនជាជនភៀសខ្លួន ពីលោកនាយករដ្ឋមន្ត្រី ហ៊ុន សែន។
លោក ហ៊ុន សែន ថ្លែងដូច្នេះកាលពីថ្ងៃសុក្រម្សិលមិញនេះ ក្នុងគ្រាដែលលោកបានអញ្ជើញទៅដល់ឆ្នេរសមុទ្រហួហ៊ីន ប្រទេសថៃ ដើម្បីទៅចូលរួមក្នុងកិច្ចប្រជុំរវាងមេដឹកនាំប្រទេសសមាជិកសមាគមអាស៊ាន។
ទីភ្នាក់ងារព័ត៌មាន អាអេហ្វប៉េ (AFP) ផ្សាយបន្តឲ្យដឹងបន្ថែមថា ទំនាក់ទំនងរវាងរដ្ឋាភិបាលកម្ពុជានិងថៃមានភាពតានតឹងស្មុគស្មាញតាំងពីឆ្នាំ២០០៨មក ដោយមានបញ្ហាទំនាស់ព្រំដែន ប៉ុន្តែទំនាក់ទំនងរវាងប្រទេសទាំងពីរកាន់តែតានតឹងខ្លាំង ចាប់តាំងពីដើមសប្តាហ៍នេះមក នៅបន្ទាប់ពីពេលដែលលោក ហ៊ុន សែន បានប្រកាសអញ្ជើញ លោក ថាក់ស៊ីន ឈីនណាវ៉ាត្រ ឲ្យមកស្នាក់នៅក្នុងដែនដីនៃប្រទេសកម្ពុជានោះ៕
អត្ថបទដែលទាក់ទង
ហ៊ុនសែនសរសើរពីវីរភាពរបស់កងទ័ពវៀតណាមក្នុងការជួយរំដោះកម្ពុជា
នាយករដ្ឋមន្រ្តី៖ អង្គការក្រៅរដ្ឋាភិបាលខ្លះធ្វើសកម្មភាពដូចបក្សនយោបាយ
កម្ពុជាបដិសេធព័ត៌មានថាបុត្រីហ៊ុនសែនមានគម្រោងគ្រប់គ្រងក្រុមហ៊ុនCATS
កម្ពុជាបកស្រាយរឿងចាប់ខ្លួននិងហាមថៃមិនឲ្យបញ្ជាចរាចរណ៍ជើងអាកាស
តំណាងបក្សសមរង្ស៊ីនៅអាមេរិកចេញសេចក្ដីថ្លែងការណ៍ថ្កោលទោសសភាខ្មែរ
គណៈកម្មការខ្មែរម្ចាស់ស្រុកនឹងរៀបចំកិច្ចប្រជុំស្ដីពីបញ្ហានៅកម្ពុជា
មន្ត្រីការបរទេសថៃឲ្យកម្ពុជាគោរពតាមកិច្ចព្រមព្រៀងពាណិជ្ជកម្ម
កម្ពុជាហាមបុគ្គលិកថៃមិនឲ្យចូលធ្វើការក្នុងក្រុមហ៊ុនត្រួតពិនិត្យជើងយន្តហោះ
កម្ពុជាមិនទាន់ទទួលលិខិតផ្លូវការស្នើសុំដោះលែងចារកម្មថៃនៅឡើយ
មន្រ្តីរដ្ឋាភិបាលបំភ្លឺពីបញ្ហាព្រំដែននិងការលើកអភ័យឯកសិទ្ធិសមរង្ស៊ី
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
I dont know what games they are going to play but i am just afraid that we might be cheated again like Langvek Period so please be careful with your actions since it is the whole country's destination
2009-10-26 01:19
I have two reasons to share: <br>1- These two nations already signed the extradition agreement. "Extradtition" mean to hand over (an accused person or convicted of a crime) to the foreign state. <br>2- Khmer and Siam since very long time ago history. In the angkor wat time, when siam wants to get khmer angkor wat, they just sent 4 commanders as spy to stay in angkor wat temple and later on these siam spies open the back gate of angkor. There were many siam soliers get into temple and killed khmer kings, then angkor wat temple was under their controlling. I know khmer people are very kind heart, but this is an easy way to fall in enemies trick.
2009-10-26 00:40
If Thailand still using Preh Vihea Temple as their politic to play game for thai internal issue, Cambodia also take Thaksin Case to play game too...
2009-10-25 18:29
"Every country and/or state leader has different political tactics and strategies to lead his country to succeed peace building and social and economic development." And, "No any independent, neutral state leader wants his country to be hazardous and underdeveloped." That is, I strongly believe that what Prime Minister Hun Sen have decided on border and Thakshin issues(staying in Cambodia, and promoting Thaksin to be an economic advisor) is "a strategically long-sighted decision." In other words, there has "lots of things left behind this decisions." "We should NOT look at one tree over a whole forest." On the contrary, I strongly disagree with two RFA readers' opinions (SSN & Unidentified one closest to SSN) regarding their non-critical and country's interest-based views (short-sighted decision..., and two totally wrong political decisions...). "If they were the Prime Minister Hun Sen, what would they do?"
2009-10-25 10:29
Mr. hunsen makes friends only to vietman and thaiman who bringing him the bribery.he 'll never makes friends to his own countryman. No body kills khmer like khmer.
2009-10-25 10:23
មើលមតិទាំងអស់.