រដ្ឋាភិបាល៖ ការទាមទារឲ្យកម្ពុជាដកទ័ពចេញពីតំបន់ប្រាសាទព្រះវិហារគឺខុសច្បាប់
ដោយ សាវយុត
2009-10-25
មន្ត្រីរដ្ឋាភិបាលខ្មែរបានមានប្រតិកម្មតបទៅនឹងបាតុករថៃមួយក្រុមដែលបានធ្វើការតវ៉ាឲ្យកម្ពុជាដកកងទ័ពចេញពីតំបន់ប្រាសាទព្រះវិហារថាជាអំពើខុសច្បាប់ ដោយសារតែកងទាហានខ្មែរពុំមានវត្តមានដាក់ពង្រាយលើទឹកដីថៃដូចដែលក្រុមបាតុករថៃបាននិយាយនោះទេ។
ទាហានខ្មែរឈរយាមនៅក្បែរប្រាសាទព្រះវិហារ ក្នុងខេត្តព្រះវិហារ នាថ្ងៃទី៥ មេសា ២០០៩។
ប្រធានគណៈកម្មការដោះស្រាយបញ្ហាព្រំដែនកម្ពុជា លោក វ៉ា គឹមហុង បានមានប្រសាសន៍កាលពីព្រឹកថ្ងៃអាទិត្យ ទី២៥ ខែតុលា ថា រដ្ឋាភិបាលថៃដែលព្រមទទួលយកសាលក្រមតុលាការអន្តរជាតិរួចហើយ គួរតែចេញមុខប្រាប់ថាមិនមានតំបន់ដែលត្រូវទាមទារនៅទីនោះទៀតទេ។
លោក វ៉ា គឹមហុង បានបញ្ជាក់ថា ៖ «មករំលោភចូលដីគេហើយ មកថា យើងដាក់ទ័ពក្នុងទឹកដីវាខុសច្បាប់ វាអត់ត្រូវ។ អ្វីដែលថៃអះអាងហ្នឹងជាការទាមទារឯកតោភាគីខុសច្បាប់តែប៉ុណ្ណោះ។ បើសិនជារាជរដ្ឋាភិបាលថៃមិនមានវិធានការឲ្យបានជាក់លាក់នៅក្នុងការរកដំណោះស្រាយបញ្ហាព្រំដែនទេ នៅតែចិញ្ចឹមមហិច្ឆតាចង់បានទឹកដីយើង អាហ្នឹងពិបាកដែរ»។
លោកបន្តថា តុលាការអន្តរជាតិទីក្រុងឡាអេ ឆ្នាំ១៩៦២ បានសម្រេចសាលក្រមរួចហើយថា ខ្សែបន្ទាត់ព្រំដែនជួរភ្នំដងរ៉ែកដែលមានលើផែនទីតំបន់ប្រាសាទព្រះវិហារ គឺជាព្រំដែនអន្តរជាតិរវាងកម្ពុជា-ថៃ ដែលគ្មានតំបន់ស តំបន់ត្រួតស៊ីគ្នា និងតំបន់ដែលទាមទារអ្វីទៀតទេ។
លោក វ៉ា គឹមហុង បានមានប្រសាសន៍ថា អ្វីដែលថៃមួយក្រុមអះអាងនិងតវ៉ាឲ្យកម្ពុជាដកកងទ័ពចេញពីតំបន់ជុំវិញប្រាសាទព្រះវិហារ គឺជាការទាមទារឯកតោភាគីនិងខុសច្បាប់តែប៉ុណ្ណោះ។
ប្រតិកម្មរបស់មន្ត្រីរដ្ឋាភិបាលខ្មែរបានធ្វើឡើងបន្ទាប់ពីកាលពីថ្ងៃសៅរ៍ ក្រុមសម្ព័ន្ធមិត្តដើម្បីលទ្ធិប្រជាធិបតេយ្យរបស់ថៃមានគ្នាប្រមាណ៣០នាក់បានលើកគ្នាទៅធ្វើការតវ៉ាជិតកន្លែងប្រជុំអាស៊ាននៅទីក្រុងហ៊ួហិន ដោយបានទាមទារឲ្យប្រទេសខ្មែរដកកងទ័ពចេញតំបន់ជុំវិញប្រាសាទព្រះវិហារ ដែលទាហានថៃនៅតែព្យាយាមចូលកាន់កាប់ខុសច្បាប់បណ្តាលឲ្យកើតជម្លោះនៅឡើយនោះ។
មេបញ្ជាការកងពលធំអន្តរាគមន៍លេខ៣នៃកងយោធពលខេមរភូមិន្ទ ដែលកំពុងគ្រប់គ្រងកងយោធាខ្មែរជុំវិញតំបន់ប្រាសាទព្រះវិហារ លោកឧត្តមសេនីយ៍ទោ ស្រី ឌឹក បានមានប្រសាសន៍ថា បើទោះបីជាមានព័ត៌មានថា ថៃមួយក្រុមបានធ្វើបាតុកម្មទាមទារឲ្យដកកងទ័ពចេញពីតំបន់ជុំវិញប្រាសាទព្រះវិហារក៏ដោយ ក៏ស្ថានការណ៍យោធានៅតំបន់នោះមានសភាពស្ងប់ស្ងាត់ជាធម្មតាទេ។
លោកឧត្តមសេនីយ៍ទោ ស្រី ឌឹក បានថ្លែងថា ៖ «ធ្វើអីធ្វើទៅ ទឹកដីគេស្រេចតែគេ អាហ្នឹងរឿងរបស់គេ តែក្នុងតំបន់ដែលកងទ័ពទទួលខុសត្រូវ អាហ្នឹងរឿងផ្សេង ព្រោះយើងនៅតែប្រកាន់ខ្ជាប់នូវបទបញ្ជារបស់សម្ដេចនាយកតែប៉ុណ្ណឹងទេ។ តែមកក្នុងព្រំខណ្ឌដែលយើងបានកំណត់ហើយ អាហ្នឹងយើងដាក់ហើយ»។
លោក ស្រី ឌឹក បានព្រមានថា ការទាមទារបែបនោះគឺគេមានសិទ្ធិដែលអាចធ្វើបាននៅក្នុងទឹកដីរបស់ពួកគេ ប៉ុន្តែសូមកុំព្យាយាមចូលមកក្នុងតំបន់ដែលកងទ័ពខ្មែរកាន់កាប់ឲ្យសោះ។
បញ្ហាជម្លោះព្រំដែនខ្មែរថៃបានកើតឡើងចាប់តាំងពីថៃបានបញ្ជូនកងទ័ពរាប់រយនាក់ចូលមកក្នុងទឹកដីខ្មែរ ក្នុងវត្តកែវសិខាគិរីស្វរៈ ជិតតំបន់ប្រាសាទព្រះវិហារ កាលពីថ្ងៃទី១៥ ខែកក្កដា ឆ្នាំ២០០៨កន្លងមក។
មន្ត្រីគណៈកម្មការដោះស្រាយបញ្ហាព្រំដែនខ្មែរបានមានប្រសាសន៍ថា ការព្រមព្រៀងគ្នារវាងកម្ពុជា-ថៃក្នុងការឈានទៅរកការបោះបង្គោលលើចំណុចព្រំដែនអាទិភាពនៅជិតតំបន់ប្រាសាទព្រះវិហារឆាប់ៗនោះ ត្រូវបានពន្យារពេលទៅទៀត មិនទាន់មានកាលបរិច្ឆេទច្បាស់លាស់ទេ៕
អត្ថបទដែលទាក់ទង
- មេបញ្ជាការខ្មែរ-ថៃគ្រោងជួបប្រជុំគ្នាដើម្បីបន្ធូរបន្ថយភាពតានតឹង
- ស្ថានភាពនៅតំបន់ប្រាសាទព្រះវិហារ ថ្ងៃ៧ វិច្ឆិកា
- ស្ថានភាពនៅតំបន់ព្រំដែនខ្មែរ-ថៃ ថ្ងៃ៣១ តុលា
- មន្រ្តីខ្មែរប្រតិកម្មតបនឹងព័ត៌មានថាថៃនឹងប្រើច្បាប់អន្តរជាតិក្នុងករណីថាក់ស៊ីន
- ស្ថានទូតខ្មែរនៅបាងកកទទួលបានការធានាសុវត្ថិភាពពីរដ្ឋាភិបាលថៃ
- រដ្ឋាភិបាល៖ ការទាមទារឲ្យកម្ពុជាដកទ័ពចេញពីតំបន់ប្រាសាទព្រះវិហារគឺខុសច្បាប់
- ក្រសួងការបរទេសប្រកាសឲ្យទូតខ្មែរនៅថៃគិតពីបញ្ហាសុវត្ថិភាព
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
Very ridiculous, why Thailand never learnt the true History, the whole land they settled down and standing today as the result of Khmer mercy. How adamant they are courageously to ask Khmer moving out from our soil. Siam oi Siam, you should thank, pay tribute to Khmer and stop disturbing us as a peaceful seeker. The last solution, Cambodian people will bring you to United Nations by harassing you again so be attentive as well as try to know your real sense.
2009-10-26 23:21
I do not think we should react to a demonstration, not to mention a demonstration of 30 people. We should only deal with government. We will waste our energy and legitimize their protest if we keep reacting to a demonstration here and there. What Thai protesters want to see is official reaction and public unrest. We should bear this in mind every time we react to a group of Thai extremists.
2009-10-26 16:52
We,Cambodian,have to realize that Thai troups are standing on our soil and we should not accept that from the beginning of the conflict. <br> <br>In order to deal with Abhisit and his group of Thai yellow shirt more effectively, we (Cambodian) have to collaborate with the group of Thai red shirt and be prepare to fight the war for the peace. If we keep bowing to the Thai and showing the sign of failure to our enemy, we are losing our dignity as well as our territory. We must be strong in unity and follow the great leader.
2009-10-26 10:21
Cambodian government should ask Thai government how do they feel,if Cambodian drew their own map by hand,and take Bangkok away from Thailand? <br>For Cambodian people,we know that Thai senate does not approve for border measuring because the Thai senate and their government are scared to see the truth that 4.6km at Prash Vihear Temple belongs to Cambodia's territory. <br> (SHAME ON THAI SENATE AND YELLOW SHIRT!)
2009-10-26 08:57
ថៃវាមិនចង់បាត់បង់ដីព្រះវិហារហ្នឹងទេ បើវាបាត់ដីនៅទីនោះ វាអាចនឹងបាត់ទឹកដីក្នុងដែនសមុទ្រជាប់កោះកុងដែរ។ ដែនទឹកក្នុងសមុទ្រកោះកុង ជាប់ខេត្តត្រាតនោះ បើគិតទៅវាចូលជាង ២ម៉ឺន គ.ម ការ៉េ ឯណោះ ដែលបារាំងគូសវាសពុះមកអោយខ្មែរ ផែនទីជាមួយនឹងព្រះវិហារដែរ នាសម័យនោះ។ អញ្ចឹងបើវាបាត់ដី៤.៦គីឡូម៉ែត្រការ៉េនៅព្រះវិហារ វាក៏ត្រូវបាត់ដីជាង២០០០០គីឡូម៉ែត្រការ៉េនៅក្នុងសមុទ្រដែរ ដែលដែនទឹកនោះផ្ទុកទៅដោយប្រេង និងឧស្ម័នធម្មជាតិដ៏មហាសាល។ អញ្ចឹងហើយបានជាវាមិនចង់បាត់ដីនោះ
2009-10-26 08:54
មើលមតិទាំងអស់.