ទីផ្សារអចលនវត្ថុនៅកម្ពុជាមានចលនាបណ្ដើរៗឡើងវិញ
ដោយ អយុធ្យា
2009-11-11
មន្ត្រីក្រសួងសេដ្ឋកិច្ចនិងអ្នកវាយតម្លៃអចលនទ្រព្យជាតិកម្ពុជាបានអះអាងថា តម្លៃទីផ្សារអចលនទ្រព្យនៅកម្ពុជាមានចលនាបណ្តើរៗហើយ នៅតាមបណ្តាខេត្តក្រុងដែលមានសកម្មភាពសេដ្ឋកិច្ចមួយចំនួន។
គ្រឿងចក្រដំណើរការយ៉ាងមមាញឹកនៅឯការដ្ឋានសំណង់អគារ Golden Tower ៤២ជាន់ នាកណ្ដាលទីក្រុងភ្នំពេញ នាថ្ងៃទី៧ មីនា ២០០៩។
លោក ស៊ឹង ប៊ុណ្ណា ប្រធានសមាគមអ្នកវាយតម្លៃអចលនវត្ថុជាតិកម្ពុជា និងជានាយកក្រុមហ៊ុនអចលនទ្រព្យប៊ុណ្ណារៀលធីហ្គ្រូប មានប្រសាសន៍ថា ទីផ្សារអចលនទ្រព្យនៅកម្ពុជាបច្ចុប្បន្នចាប់ផ្តើមមានចលនាបណ្តើរៗហើយនៅតាមខេត្តក្រុងដែលមានសេដ្ឋកិច្ចលូតលាស់ ព្រោះគេឃើញមានចលនានៃការទិញលក់ជាបណ្តើរៗវិញហើយ។
លោក ស៊ឹង ប៊ុណ្ណា បានបញ្ជាក់ថា ប្រសិនបើសេដ្ឋកិច្ចកម្ពុជាមានកំណើនពីរឆ្នាំជាប់ៗគ្នា តម្លៃទីផ្សារអចលនទ្រព្យនេះចាប់ពី២ទៅ៣ឆ្នាំទៀតនឹងមានហាងឆេងល្អ ប៉ុន្តែមិនទាន់ឡើងដល់កម្រិតដូចមុនដែលប្រទេសកម្ពុជាជួបវិបត្តិហិរញ្ញវត្ថុនោះទេ។
លោក ស៊ឹង ប៊ុណ្ណា បានឲ្យដឹងដូច្នេះ ៖ «ឥឡូវនេះតំបន់មួយចំនួនគឺវាដល់បាត ពេលតំបន់ដល់បាតគឺមានអ្នកទិញ ហើយអ្នកទិញរើសតំបន់ បានន័យថា តំបន់ណាដែលដល់បាតពិតប្រាកដ ហើយតំបន់ណាដែលមានចំណូល។ ចលនារបស់ដីធ្លីវាអ៊ីចឹង បានន័យថា ទាល់តែដល់បាត ហើយវាធ្វើចលនាមួយរយៈ មួយឆ្នាំឬពីរឆ្នាំទើបវាចាប់ផ្ដើមមានឱកាស វាចាប់ផ្ដើមឡើងវិញ»។
លោក ងី តាយី អនុរដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាប្រធានអន្តរក្រសួងដើម្បីគ្រប់គ្រងអាជីវកម្មអភិវឌ្ឍន៍អចលនវត្ថុមានប្រសាសន៍ថា តាមការកត់សម្គាល់ក្នុងនាមខ្លួនលោកជាអ្នកសេដ្ឋកិច្ចមួយរូបឃើញថា តម្លៃទីផ្សារអចលនទ្រព្យនៅកម្ពុជាបច្ចុប្បន្ន គឺមានសញ្ញារស់ឡើងវិញហើយ។
លោក ងី តាយី មានប្រសាសន៍ដូច្នេះ ៖ «ឃើញថារើបៗ ការដ្ឋានទាំងឡាយមានបើកវិញ អាហ្នឹងគ្រាន់តែជាសញ្ញាមួយអាចជាការចាប់ផ្ដើមដែរ។ ទស្សនៈនៅក្នុងសេដ្ឋកិច្ចមានឃើញខាងសំណង់ចាប់ផ្ដើមហើយ ហ្នឹងបន្តិចទៀតមានផលប៉ះពាល់ទៅដល់ការទិញ ការសាងសង់ ការនាំចូល។ល។»។
លោក ចំរើន ឆើត ជាឈ្មួញកណ្តាលដើរទិញដីស្តុកនិងលក់ដីមានលំនៅ នៅខេត្តកំពង់ស្ពឺ មានប្រសាសន៍ថា លោកកប់អស់ដើមទុនក្នុងការទិញដីស្តុកទុកលក់កាលពីមុនកម្ពុជាជួបវិបត្តិសេដ្ឋកិច្ចពិភពលោក។
លោក ចំរើន ឆើត មានប្រសាសន៍ថា ៖ «ដីកប់ច្រើនណាស់ខ្ញុំ បើសិនជាមានហាងឆេង លក់ដីគេមិនដាច់លក់ដីយើង បើសិនជាត្រូវចេះតែលក់ទៅ»។
លោក ស៊ឹង ប៊ុណ្ណា ដែលជានាយកក្រុមហ៊ុនអចលនទ្រព្យដ៏ធំនៅទីក្រុងភ្នំពេញ បានឲ្យវិទ្យុអាស៊ីសេរីដឹងពីតម្លៃទីផ្សារដីនៅតំបន់សំខាន់ៗមួយចំនួននៅភ្នំពេញ ដូច្នេះ ៖ «នៅតំបន់បឹងកេងកង ដែលពីដើមពី២.៥០០ ទៅ៣.០០០ដុល្លារក្នុងមួយម៉ែត្រការ៉េ ឥឡូវនេះនៅសល់ត្រឹម១.៥០០ ឬ១.៨០០ក្នុងមួយម៉ែត្រការ៉េ ហើយបើផ្លូវធំៗ ដូចផ្លូវមុនីវង្សពីដើមមក យើងរហូតទៅដល់៤.០០០ ឬក៏៥.០០០ដុល្លារក្នុងមួយម៉ែត្រការ៉េ ឥឡូវហ្នឹងនៅសល់ត្រឹមតែ២.០០០ ឬក៏២.៥០០ទេក្នុងមួយម៉ែត្រការ៉េ»។
អ្នកវាយតម្លៃអចលនវត្ថុជាតិកម្ពុជាបានឲ្យដឹងថា នៅក្នុងចំណោមក្រុមហ៊ុនស្របច្បាប់ធំៗ រកស៊ីលើវិស័យអចលនទ្រព្យនៅកម្ពុជា ចំនួន៨០ក្រុមហ៊ុននោះ យ៉ាងហោចណាស់ក៏មានក្រុមហ៊ុនស្របច្បាប់ជាង៤០ត្រូវបានបិទទ្វារឈប់ដំណើរការ ដោយសារតែវិបត្តិហិរញ្ញវត្ថុដែលកម្ពុជាទទួលរងផលប៉ះពាល់ពីវិបត្តិសេដ្ឋកិច្ចពិភពលោក។
អ្នកសេដ្ឋកិច្ចធនាគារពិភពលោកបានចេញរបាយការណ៍មួយនៅដើមខែវិច្ឆិកានេះថា សេដ្ឋកិច្ចកម្ពុជាបានធ្លាក់ចុះ-២% ក្នុងឆ្នាំ២០០៩នេះ ប៉ុន្តែបានវាយតម្លៃថា នឹងកើនឡើង៤%វិញនៅដើមឆ្នាំ២០១០៕
ឧបករណ៍រឿង
|
អ៊ីម៉េល |
|
ព្រឹត្តិបត្រព័ត៌មាន |
|
បោះពុម្ព |
|
ចែករំលែករឿងនេះ |
អត្ថបទដែលទាក់ទង
គណៈកម្មការខ្មែរម្ចាស់ស្រុកនឹងរៀបចំកិច្ចប្រជុំស្ដីពីបញ្ហានៅកម្ពុជា
អាជ្ញាធរខេត្តឧត្ដរមានជ័យរារាំងរថយន្តដឹកព្រះពុទ្ធបដិមារបស់ម៉មសូណង់ដូ
ប្រជានេសាទប្រតិកម្មចំពោះការកំណត់ប្រភេទឧបករណ៍នេសាទ
បញ្ហាធូលីហុយនៅតាមផ្លូវជាតិលេខ៣ប៉ះពាល់ដល់សុខភាពអ្នកស្រុក
ពលរដ្ឋនៅព្រៃវែងត្អូញពីបញ្ហាសមត្ថកិច្ចស្ទាក់ទារប្រាក់តាមផ្លូវ
ក្រសួងសុខាភិបាលបារម្ភចំពោះការចរាចរឱសថក្លែងក្លាយ
អ្នកភូមិនៅខេត្តកណ្ដាលនិងកំពង់ស្ពឺបារម្ភពីបញ្ហាសុខភាព
សមាជិកអាស៊ានប្រជុំគ្នារកវិធានការប្រឆាំងឧក្រិដ្ឋកម្មឆ្លងដែន
សង្គមស៊ីវិលអំពាវនាវឲ្យរដ្ឋាភិបាលយកចិត្តទុកដាក់ចំពោះជនពិការ
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
Real estate will up 100% to 00%
2009-11-13 19:48
No way
2009-11-13 01:43
Why does real estate slightly recover only Cambodia while world real estate still crisis?. Very strange
2009-11-13 01:13
THIS IS NOT TRUE INFORMATION, WHO HAD BEEN SEEN THAT, IT IS WRONG, THEY DOKNOW, ABOUT WORLD ECONIC THAT HAD BEEN SPREAD TO SOUTH EAST ASIA. FOR ME THE WAY I SEE, PRETY SOON, MOST OF THE BANKS IN CAMODIA RIGHT NOW, HAVE TO MOVE OUT, THEN THE PROPERTY VALUE, IT IS DEPENDING ON THE PEOPLE ESTIMATED, BUT MOST OF THEM FOREING COUNTRIES HAD BEEN BOUGHT MOST OF THEM, THIS ISSUED, GOVERNMENT SHOULD, MAKE SOME RULE TO CAMBODIAN WHO IS A BUYER AND A SELLER HAVE TO HAVE THE REASON. IF THEY SOLD ALL THEIR PROPERTIES, THEN LATER ON WHAT WOULD THEY GO? THIS IS TH WEAK POINT OF CAMBODIAN NOW A DAY. RED CROSS HAD BEEN HELPED SINCE GRAND, FATHER, FATHER, SON, AND GRAND SON, UNTIL NOW, BECAUSED THEY DON'T HAVE SOIL FOR AGRICULTURING.
2009-11-12 16:22
I don't think they tell us the truth or not or just propaganda.
2009-11-12 08:04
មើលមតិទាំងអស់.