កម្ពុជាបញ្ជូនក្រុមជំរិតទារប្រាក់ជនជាតិចិន៦០នាក់ទៅស្រុកវិញ
ជនជាតិចិនតៃវ៉ាន់ចំនួន ៥៥នាក់ និងជនជាតិចិនដីគោកចំនួន ៥នាក់ ត្រូវដឹកតាមរថយន្តក្រុង ចេញពីនាយកដ្ឋានអន្តោប្រវេសន៍ នៅមុខអាកាសយានដ្ឋានអន្តរជាតិភ្នំពេញ សំដៅទៅអាកាសយានដ្ឋាននេះ ដើម្បីដឹកចេញតាមជើងយន្តហោះទៅកាន់ប្រទេសចិនវិញ។
អ្នកនាំពាក្យនៃអគ្គស្នងការដ្ឋាននគរបាលជាតិ លោកឧត្ដមសេនីយ៍ឯក គៀត ច័ន្ទថារិទ្ធ បានមានប្រសាសន៍ថា អាជ្ញាធរនគរបាលនៅតែបន្តស្រាវជ្រាវរកបណ្ដាញសេសសល់ទៀតនៅក្នុងប្រទេសកម្ពុជា ៖ «វាអ៊ីចេះ បើសិនជាយើងមិនមានការវែកមុខបង្ក្រាបក្រុមនេះទេ វាមានឥទ្ធិពលអាក្រក់ណាស់សម្រាប់ប្រទេសយើង។ ទី១ គេអាចយកស្រុកទេសយើងធ្វើសកម្មភាពឧក្រិដ្ឋកម្មគំរាមកំហែងអ្នកដទៃនៅក្រៅប្រទេស។ ប្រជាជនយើងអ្នកមានអ្នកអី អ្នកវិនិយោគនៅក្នុងស្រុកយើង អ៊ីចឹងវាជះឥទ្ធិពលអាក្រក់»។
ប្រធានសហព័ន្ធសិទ្ធិមនុស្ស និងអភិវឌ្ឍន៍កម្ពុជា លោក ថៅ វាសនា បានមានប្រសាសន៍ថា ក្រុមជនជាតិចិនទាំងនេះបានបង្កគ្រោះថ្នាក់ដល់សង្គមកម្ពុជា ៖ «អបអរសាទរជាមួយនឹងអាជ្ញាធរកម្ពុជា ក្នុងការចាត់វិធានការដើម្បីប្រឆាំងនូវភេរវកម្មអន្តរជាតិ តាមគ្រប់រូបភាពទាំងអស់»។
អាជ្ញាធរនគរបាលជាតិកម្ពុជា បានចាប់ឃាត់ខ្លួនជនជាតិចិនដីគោក និងតៃវ៉ាន់ចំនួន ៦០នាក់នោះនៅថ្ងៃទី២៦ ខែកញ្ញា ឆ្នាំ២០១១ កន្លងទៅនេះ ដោយសារតែក្រុមនេះបានចូលមកប្រទេសកម្ពុជា ដើម្បីរៀបចំបណ្ដាញប្រព័ន្ធអ៊ីនធឺណិត (Internet) ទាក់ទងទៅប្រទេសចិន ដើម្បីជំរិតទារប្រាក់ និងឲ្យគ្រួសារនៅប្រទេសចិន ដើម្បីឲ្យផ្ទេរប្រាក់ចូលក្នុងគណនីធនាគាររបស់ពួកគេ។
ភាគីចិន បានប្រាប់មកអាជ្ញាធរកម្ពុជាថា ក្រុមនេះបានជំរិតទារប្រាក់តាមប្រព័ន្ធ អ៊ីនធឺណិតជាច្រើនលានដុល្លារកន្លងមក។ អាជ្ញាធរចិន បានបញ្ជាក់ថា ក្រុមជំរិតទារប្រាក់នេះមាននៅប្រទេសកម្ពុជា ប្រទេសចិន កោះតៃវ៉ាន់ ប្រទេសសិង្ហបុរី ប្រទេសម៉ាឡេស៊ី ប្រទេសឥណ្ឌូនេស៊ី និងថៃ ជាដើម។
ទាក់ទងនឹងការចាប់ខ្លួនជនជាតិចិននេះដែរ ទីភ្នាក់ងារសារព័ត៌មានចិន ស៊ិនហ៊ួ (Xinhua) ចុះផ្សាយនៅថ្ងៃទី២៨ កញ្ញា បានស្រង់សេចក្ដីប្រកាសព័ត៌មានរបស់រដ្ឋាភិបាលចិនថា ចិនបានចាប់ខ្លួនជនសង្ស័យរឿងដូចគ្នានេះចំនួន ៨២៨នាក់ ក្នុងនោះមានជនជាតិចិនដីគោក ៥៣២នាក់ និងចិនតៃវ៉ាន់ ២៨៤នាក់ និង ១២នាក់ទៀតមកពីប្រទេសជាសមាជិកអាស៊ាន ដូចជាប្រទេសកម្ពុជា (Cambodia) ឥណ្ឌូនេស៊ី (Indonesia) ហ្វីលីពិន (Philippine) វៀតណាម (Vietnam) ថៃ (Thailand) ឡាវ (Laos) ម៉ាឡេស៊ី (Malaysia) និង សិង្ហបុរី (Singapore)។ ក្នុងយុទ្ធនាការបង្ក្រាបនេះ ប៉ូលិសចិនបានបំផ្លាញប្រព័ន្ធចោរកម្មចំនួន ១៦២ទីតាំង និងដោះស្រាយការក្លែងបន្លំឆបោកជាង ១.៨០០ករណី។
កាលពីខែមិថុនា ឆ្នាំ២០១១ កន្លងទៅនេះ រដ្ឋាភិបាលកម្ពុជា បានចាប់បញ្ជូនជនជាតិចិនដីគោក និងជនជាតិចិនតៃវ៉ាន់ សរុបចំនួន ១៨៧នាក់ ម្ដងហើយ តាមសំណើរបស់ប្រទេសចិន ក្រោមបទជំរិតទារប្រាក់តាមប្រព័ន្ធអ៊ីនធឺណិត ពីប្រទេសកម្ពុជា៕
អ្នកអានអនាមិក
They are gansters and destryers of Khmer society. Why Moha corrupted Tolaka Srok Khmer did not throw them in Jails (like you did to your own people (SRP) or Eliminate them all like in other countries such as Singapore or malaysia if they are trouble makers or drug traffickers?
Oct 03, 2011 08:17 AM
អ្នកអានអនាមិក
Hi អ្នកអានអនាមិក ពី PP,
Vietnameses are our dear Brother and Sisters. They are not treated as foreigners. You may ask people in Phnom Penh what does it mean a foreigner for them.
Sep 30, 2011 09:31 AM
អ្នកអានអនាមិក
Hi អ្នកអានអនាមិក ពី PP,
Vietnameses are treated as our dear Brother and Sisters. They are not treated as foreigners. You may ask people in Phnom Penh what does it mean a foreigner for them.
Sep 30, 2011 09:27 AM
អ្នកអានអនាមិក
Hi អ្នកអានអនាមិក ពី PP,
Vietnameses are our dear Brother and Sisters. They are not treated as foreigners. You may ask people in Phnom Penh what does it mean a foreigner for them.
Sep 30, 2011 09:25 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
