កម្ពុជា-វៀតណាមនឹងប្រជុំអំពីបញ្ហាព្រំដែននៅថ្ងៃ១០-១៣ កក្កដា
អនុប្រធានគណៈកម្មាធិការចំរុះកិច្ចការព្រំដែនកម្ពុជា អ្នកស្រី កុយ ពិសី នៅថ្ងៃទី៩ កក្កដា មានប្រសាសន៍ថា គណៈកម្មការបច្ចេកទេសព្រំដែនកម្ពុជា និងវៀតណាម នឹងបើកកិច្ចប្រជុំទ្វេភាគី ដើម្បីផ្ទៀងផ្ទាត់ការគូសចំលងខ្សែព្រំដែនពីផែនទីមាត្រដ្ឋាន ១/១០០.០០០ ទៅមាត្រដ្ឋាន ១/៥០.០០០ នៃប្រទេសទាំងពីរ។ អ្នកស្រីបន្តថា ការងារបច្ចេកទេសចំលងខ្សែព្រំដែននេះ ចំលងតាំងពីឆ្នាំ២០០៦ គ្រោងនឹងបញ្ចប់នៅឆ្នាំ២០១២។
អ្នកស្រីអះអាងថា ការអូសបន្លាយពេលវេលាគូសចំលងខ្សែផែនទីនេះ ដោយសារភាគីទាំងសងខាងមិនទាន់ស្រុះស្រួលគ្នាលើចំណុចមួយចំនួន៖ «អត់ត្រូវគ្នាដោយសារតែយើងគូសចំលង។ ឥឡូវហ្នឹងមានមាត្រដ្ឋាន ១ លើ ១០០.០០០ ហ្នឹងអត់ស្របគ្នានឹងនៅលើដីជាក់ស្ដែង។ មានន័យថា ពលរដ្ឋរស់នៅលើដីជាក់ស្ដែងហ្នឹងរស់នៅតាមទម្លាប់ អត់រស់នៅតាមព្រំដែនទេ ដល់ពេលធ្វើផែនទីមានបញ្ហាស្មុគស្មាញច្រើនដែលត្រូវធ្វើការសម្របសម្រួល»។
អ្នកស្រី កុយ ពិសី បន្តថា បើសិនការពិភាក្សាគ្នារវាងគណៈកម្មការបច្ចេកទេសទាំងពីរមានដំណើរបានលឿន នឹងងាយឈានទៅធ្វើការងារជាបន្តទៅទៀត។
មន្ត្រីអ្នកនាំពាក្យគណបក្ស សម រង្ស៊ី លោក យឹម សុវណ្ណ មានប្រសាសន៍ថា គណបក្ស សម រង្ស៉ី មិនទទួលស្គាល់ឡើយការព្រមព្រៀងណាមួយរបស់ភាគីកម្ពុជា និងវៀតណាម ក្នុងបញ្ហាព្រំដែនបច្ចុប្បន្ន។ លោកបន្តថា លោកគ្មានជំនឿលើគណៈកម្មការបច្ចេកទេសកម្ពុជា ថាពួកគេបម្រើផលប្រយោជន៍ប្រទេសកម្ពុជាឡើយ។
លោក យឹម សុវណ្ណ៖ «យើងអត់មានជំនឿទាល់តែសោះថា គណៈកម្មការទាំងពីរនឹងដោះស្រាយបញ្ហាប្រកបដោយតម្លាភាពឡើយ»។
យ៉ាងណាក៏ដោយ មន្ត្រីជាន់ខ្ពស់គណៈកម្មការចម្រុះព្រំដែនកម្ពុជា អ្នកស្រី កុយ ពិសី ឲ្យដឹងថា បន្ទាប់ពីកិច្ចប្រជុំគណៈកម្មការបច្ចេកទេសរួច កម្ពុជានឹងរៀបចំផលិតផែនទីថ្មីដែលរៀបចំខ្សែព្រំដែននៅលើដី ឲ្យត្រូវនឹងខ្សែព្រំដែននៅលើផែនទី និងបង្គោលព្រំដែនជាក់ស្តែង។
កន្លងទៅអ្នកជំនាញកិច្ចការព្រំដែនបានរិះគន់រដ្ឋាភិបាលកម្ពុជាថា ធ្វើការខ្វះការទទួលខុសត្រូវ ដោយសារតែគេរកឃើញថា រដ្ឋាភិបាលព្យាយាមប្រើប្រាស់ផែនទីខ្នាត ១ លើ ៥០ពាន់ ដែលប្រមុខរដ្ឋាភិបាលលោក ហ៊ុន សែន បានចុះកិច្ចព្រមព្រៀងសន្ធិសញ្ញាបំពេញបន្ថែម ឆ្នាំ២០០៥ ជាមួយប្រទេសវៀតណាម។ ចំណែកខ្នាតផែនទីទំហំ ១ លើ ១០០ពាន់ ដែលរដ្ឋការបារាំង បន្សល់ទុករវាងឆ្នាំ១៩៣០ និងឆ្នាំ១៩៥៣ រួមនឹងកិច្ចព្រមព្រៀងសន្តិភាពទីក្រុងប៉ារីស ២៣ តុលា ឆ្នាំ១៩៩១ ដែលសង្គមស៊ីវិលគិតថា ជាការចំណេញដល់កម្ពុជានោះ បែរជាត្រូវបានរដ្ឋាភិបាលបានទម្លាក់ចោលទៅវិញ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
mproyal
ពី phnom penhI would like to ask RFA to interview Cambodian JBC on "why they have to change from map size 1/100.000 to 1/50.000" and what does it mean by changing from 1/100.000 to 1/50.000? they change from size 100 thousand to 50 thousand, so it means it differ from the French-Indochina Geographical JBC and Paris Peace Accord '91, what their thought and perspective to this? it wrong from our constitution 1993, so they have amend constitution in Cambodian map provision? what we loose and what we gain? etc...
Jul 09, 2012 11:45 AM
អ្នកអានអនាមិក
I think it's not a good idea at all rushing to limit the border without the approval of most Cambodian intellects. Please have respect to the feelings of people. This is our Rights. The border of Cambodian and Vietnam need to be fair, correct and just with the supervsions of UN, and most powerful countries like U.S, Russia, China, European countries ect.
Will these countries, U.N give hope to the desperate, mental and physical long sufferings people? We absolutely don't want or have any ambition to any neighboring countrries territories.
May God be witness of this historical event about Cambodian frontier.
Jul 09, 2012 11:09 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
