នៅថ្ងៃ២២ កក្កដា ២០០៨នេះ ឧបនាយករដ្ឋមន្ត្រីនិងជារដ្ឋមន្ត្រីក្រសួងការបរទេសខ្មែរ លោក ហោ ណាំហុង ត្រូវគេរាយការណ៍ថា បានជួបជាមួយនឹងឯកអគ្គរដ្ឋទូតនៃប្រទេសចំនួនប្រាំ ដែលជាសមាជិកក្រុមប្រឹក្សាសន្តិសុខនៃអង្គការសហប្រជាជាតិ ។
ក្រៅពីនោះ លោករដ្ឋមន្ត្រីក្រសួងការបរទេសខ្មែរនៅបានជួបជាមួយមន្ត្រីសា្ថនបេសកកម្មកាទូតចំនួនទាំង២៧ប្រទេសនៅកម្ពុជាផងនោះទៀត ។
លោករដ្ឋមន្ត្រីក្រសួងការបរទេស ហោ ណាំហុង បានថ្លែងថា តាមសេចក្តីអំពាវនាវរបស់រាជរដ្ឋាភិបាលខ្មែរ លោកសង្ឈឹមថា នឹងមានកិច្ចប្រជុំក្រុមប្រឹក្សាសន្តិសុខ អ.ស.ប. នៅថ្ងៃច័ន្ទសប្តាហ៍ក្រោយនេះ ក្នុងការដោះស្រាយជម្លោះនៅតំបន់ប្រាសាទព្រះវិហារ ៕