កម្ពុជាដោះលែងជនជាតិបារាំងពាក់ព័ន្ធឃាតកម្ម តាមសំណើរបស់ចិន

មន្ត្រីជាន់ខ្ពស់ក្រសួងមហាផ្ទៃ នៅថ្ងៃទី១៨ កក្កដា បានអោយដឹងថា ប្រទេសកម្ពុជាបានដោះលែងជនជាតិបារាំងម្នាក់ដែលជាប់ពាក់ព័ន្ធនឹងករណីឃាតកម្ម ទៅតាមសំណើរបស់ប្រទេសចិន។

ដោយ ខែ សុណង
2012-07-18

h071812ko2.mp3

អ្នកនាំពាក្យក្រសួងមហាផ្ទៃ លោក ខៀវ សុភ័គ ឲ្យដឹងនាថ្ងៃទី១៨ កក្កដា ថា ការដោះលែងនេះគឺប្រទេសកម្ពុជាធ្វើឡើងទៅតាមសំណើរបស់ចិនដែលសុំឲ្យដោះលែង។ លោកបន្តថា ការដោះលែងនេះគឺមិនទាក់ទងទៅនឹងកិច្ចព្រមព្រៀងច្បាប់បត្យាប័នជាមួយប្រទេសចិននោះទេ។

លោក ខៀវ សុភ័គ៖ «នៅប៉ុន្មានថ្ងៃមុននេះ ខាងភាគីចិនគាត់បានធ្វើលិខិតមួយមករដ្ឋាភិបាលកម្ពុជា ក្រសួងមហាផ្ទៃយើងនេះ ដើម្បីសុំឲ្យយើងដោះលែងជនជាតិហ្នឹងទៅ។ ដូច្នេះយើងអនុវត្តតាមលិខិតរបស់ចិនហ្នឹង យើងក៏ធ្វើការដោះលែង បានសេចក្ដីថា ស្ថានទូតចិនបានធ្វើលិខិតមកវិញសុំឲ្យដោះលែងគាត់ចុះ។ មុនៗគាត់ចាប់តាមស្ថានទូតចិន ឥឡូវចិនសុំឲ្យយើងដោះលែង យើងដោះលែងគាត់ទៅ»។

កម្ពុជាបានចាប់ខ្លួន លោក ប៉ាទ្រិក ឌឺវីល័រ (Patrick Devillers) តាមសំណើរបស់ចិន ដោយព្រោះបុរសនេះបានជាប់ពាក់ព័ន្ធទៅនឹងករណីឃាតកម្មទៅលើអ្នកជំនួញសញ្ជាតិអង់គ្លេសម្នាក់ ដែលជាដៃគូរបស់លោក។

ពាក់ព័ន្ធបញ្ហានេះដែរ អ្នកនាំពាក្យក្រសួងការបរទេស លោក គុយ គួង មានប្រសាសន៍ថា ការដោះលែងជនជាតិបារាំងគឺ លោក ប៉ាទ្រិក ឌឺវីល័រ បានធ្វើឡើងតាមសំណើរបស់ចិន ហើយគាត់បានធ្វើដំណើរទៅប្រទេសចិនកាលពីយប់ថ្ងៃទី១៧ កក្កដា ដោយស្ម័គ្រចិត្ត និងមានការឯកភាពពីស្ថានទូតបារាំងទៀតផង។

លោក គុយ គួង៖ «ជនជាតិបារាំងឈ្មោះ ប៉ាទ្រិក ហ្នឹង គាត់ធ្វើដំណើរទៅប្រទេសចិនដោយស្ម័គ្រចិត្តគាត់បានធ្វើដំណើរទៅប្រទេសចិនកាលពីយប់មិញណា។ ហើយកម្ពុជាបានដោះលែងគាត់ឲ្យមានសេរីភាពតាមសំណើរបស់ភាគីចិនដែលភាគីចិនស្នើឲ្យមានការដោះលែងគាត់ណា។ ដូច្នេះក្រោយការដោះលែងគាត់មានសិទ្ធិឋិតនៅទីណាឬធ្វើដំណើរទៅណាដោយស្របច្បាប់បាន»។

លោក ប៉ាទ្រិក ឌឺវីល័រ ដែលជាស្ថាបត្យករ អាយុ ៥១ឆ្នាំ ត្រូវបានកម្លាំងសមត្ថកិច្ចកម្ពុជាឃាត់ខ្លួនកាលពីថ្ងៃទី១៣ ខែមិថុនា។ ការឃាត់ខ្លួននេះដែរ ត្រូវបានមន្ត្រីជាន់ខ្ពស់កម្ពុជាឲ្យដឹងថា ធ្វើឡើងតាមការស្នើសុំរបស់រដ្ឋាភិបាលចិន។ ហើយកន្លងមករដ្ឋាភិបាលបារាំង បានទាមទារយ៉ាងទទូចអោយរាជរដ្ឋាភិបាលកម្ពុជា បង្ហាញពីមូលហេតុជាក់លាក់មួយបញ្ជាក់ពីការឃាត់ខ្លួនពលរដ្ឋរបស់ខ្លួននេះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

អត្ថបទដែលទាក់ទង

មតិ (5)

ចុចត្រង់នេះដើម្បីបន្ថែមយោបល់របស់អ្នក

កូន ខ្មែរ

ពី សហរដ្ធ

សុំសួរថាប្រសិនបើជាចិនអស់ចិត្តនិងហ៊ុន សែនហើយ
សុំឱ្យហ៊ុន សែនចុះចេញពិដំណែងតើហ៊ុន សែននឹងធ្វើ
តាមដែរឬទេ?។

Jul 21, 2012 01:13 AM

អ្នកអានអនាមិក

គំនិតល្អ

Jul 21, 2012 03:01 AM

(

ហាហាគួរអោយអស់សំណើច នេះហើយប្រទេសដែលមានអធិបតេយ្យភាព មាននិតិរដ្ឋ ដូចតែងបានអួតបា្រប់ពលរដ្ឋខ្លួន តែផ្ទុយទៅវិញ ធ្វើអ្វីៗមិនដែលរំលងក្បាលចិនកម្មុយនិស្ត ឧក្រិដ្ឋជន ឃាតករ ក្លាយទៅជាគ្មានទោស មនុស្សល្អសទៅជាខ្មៅ មនុស្សខ្លៅទៅជាស។ ឆ្កួតទាំងអស់ ឆ្កួតទាំងមេឆ្កួតទាំងកូន

Jul 20, 2012 03:04 AM

អ្នកអានអនាមិក

ពូកែនិយាយ សូមសរសើរ សូមសរសើរ

Jul 21, 2012 03:02 AM

កូនខ្មែរក្រៅស្រុក

នេះហើយប្រទេសក្រោមការដឹកនាំដោយស្តាច់ជោរ ហ៊ុនសែន ។ ចិនអោយចាប់គឺចាប់ ចិនអោយលែងក៏លែង តើ
ប្រទេសខ្មែរមានច្បាប់ឫទេ? ចាប់គេដាក់គុក ទូតបារាំង
ទៀមទារ រកពីមូលហេតុនៃការចាប់ មិនបានបង្ហាញការ
ពិតដល់គេ លុះដល់អោយដោះលែងស្រាប់តែលែងគេភ្លាម
ជយោ!ខ្មែរមានចៅហ្វាយនាយមួយទៀតហើយ ។ ព្រោះ
ការធ្វើបាប លោក សម រងី្ស ក៍ដោយសារចៅហ្វាយយួន
ដែរ។ អស្ចារ្យណាស់ស្រុកខុំ្ញ តើពេលណាទើបមានយុត្តិធម៌ ពិតប្រាកដ ។

Jul 18, 2012 01:01 PM

អ្នកអានអនាមិក

ពី geneva

wow, so the cambodian laws and constitution is just a paper we use to wrap sugar sold on market then? based on what do we release a killer on the"order?" of China. is cambodia have another chief?

Jul 18, 2012 09:51 AM