នៅក្នុងគេហទំព័រ Sithi បានចុះផ្សាយថា ចាប់ពីឆ្នាំ១៩៩៣មក មានអ្នកកាសែតចំនួន ១០នាក់បានបាត់បង់ជីវិតដោយសារវិជ្ជាជីវៈដ៏ប្រថុយប្រថានក្នុងប្រទេសដែលពោរពេញទៅដោយភាពរសើបនៃនយោបាយ។
អ្នកកាសែតដែលត្រូវគេសម្លាប់ក្នុងទីក្រុងភ្នំពេញ រយៈពេលកន្លងមករួមមាន លោក ឃឹម សម្បូរ លោក ជួ ជិតថារិទ្ធ លោក មៃឃែល សុខាន់ លោក អ៊ូ សារឿន លោក នួន ចាន់ លោក ធូ ចាមង្គល លោក ធន់ ប៊ុនលី និងលោក ចេត ដួងតារាវុធ។
ចំណែកអ្នកកាសែតដែលបានស្លាប់ក្នុងខេត្តព្រះសីហនុវិញ មានលោក ពេជ្រ អែម និងលោក ចាន់ តារា នៅក្នុងខេត្តកំពង់ចាម។
លោកអ្នកនាងអាចបើកសំណុំរឿងនៃឃាតកម្មទៅលើអ្នកនីមួយៗខាងលើនេះ តាមរយៈគេហទំព័រដែលមានអាសយដ្ឋាន www.sithi.org។
ជុំវិញឃាតកម្មទៅលើអ្នកកាសែតទាំ ១០នាក់នេះ គេនៅមិនទាន់ឃើញសមត្ថកិច្ចកម្ពុជា នាំជនដៃដល់យកមកផ្ដន្ទាទោសតាមច្បាប់នៅឡើយទេ រហូតមកទល់បច្ចុប្បន្ននេះ៕