សពលោក ឈុត វុទ្ធី ត្រូវបានអាជ្ញាធរតម្កល់ទុកនៅខេត្តកោះកុង
2012.04.26
វិទ្យុអាស៊ីសេរី មិនអាចទាក់ទងក្រុមមន្ត្រីរួមទាំងព្រះរាជអាជ្ញា ដែលធ្វើកោសល្យវិច័យសពនោះ ដើម្បីសុំបញ្ជាក់អំពីលទ្ធផលនៃការធ្វើកោសលវិច័យនោះបានទេ។
ក៏ប៉ុន្តែ លោក ភីរម្យ ត្រូវជាក្មួយសព ដែលនៅក្នុងបន្ទប់ធ្វើកោសល្យវិច័យ នៅយប់ថ្ងៃទី២៦ មេសា បានបញ្ជាក់ថា លោក ឈុត វុទ្ធី ស្លាប់ដោយសារក្បាលគ្រាប់កាំភ្លើងបានបែកជាច្រើនបំណែកនៅក្នុងពោះ។
លោក ភីរម្យ៖ «គាត់ត្រូវជើងឆ្វេង ហើយខ្ទាតពីជើងឆ្វេង។ គ្រាប់ហ្នឹងពេលស្កេនទៅ គ្រាប់ហ្នឹងបែកក្បាលគ្រាប់ចូលក្នុងពោះ ហើយគ្រាប់ហ្នឹងបែកតែម្ដង»។
លោក ភីរម្យ ថ្លែងថា អាជ្ញាធរខេត្តកោះកុង មិនអនុញ្ញាតឲ្យលោកដឹកសព លោក ឈុត វុទ្ធី ទៅធ្វើបុណ្យនៅស្រុកកំណើត តាមគម្រោងការទេ នៅយប់ថ្ងៃទី ២៦ មេសា ព្រោះលោកមិនមានឯកសារបញ្ជាក់ថា ជាសមាជិកគ្រួសារសព្វ។ លោកបន្តថា អាជ្ញាធរត្រូវការប្រពន្ធកូនសព មកធ្វើលិខិតទទួលសព ដោយមានឯកសារបញ្ជាក់ផងទើបបាន។
លោកបន្ថែមថា សពលោក ឈុត វុទ្ធី នឹងយកទៅធ្វើបុណ្យ នៅស្រុកកំណើតរបស់លោក គឺនៅភូមិស្វាយមាស ឃុំវិហារសួគ៌ ស្រុកខ្សាច់កណ្ដាល ខេត្តកណ្ដាល។
ចំណែកសពមន្ត្រីប៉េអឹម ដែលស្លាប់ជាមួយគ្នានោះ ប្រភពសុំមិនបញ្ចេញឈ្មោះបានឲ្យដឹងថា ត្រូវបានប្រពន្ធដឹកមកធ្វើបុណ្យនៅផ្ទះ ម្ដុំផ្សារទួលទំពូង ក្រុងភ្នំពេញ ទាំងយប់ថ្ងៃទី២៦ មេសា។ វិទ្យុអាស៊ីសេរីមិនទាន់អាចទាក់ទងសុំការបញ្ជាក់ពីប្រពន្ធរបស់សពមន្ត្រីប៉េអឹមបាននៅឡើយទេ៕
កំណត់ចំណាំ៖ ចំពោះអ្នកបញ្ចូលមតិនៅក្នុងអត្ថបទនេះ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃតែប៉ុណ្ណោះ។
អត្ថបទពេញនិយម
RFA
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ