រដ្ឋសភាអនុម័តសេចក្តីព្រាងច្បាប់ស្មុំកូនអន្តរប្រទេស
ដោយ អយុធ្យា
2009-10-24
រដ្ឋសភាប្រទេសកម្ពុជាបានអនុម័តច្បាប់ស្មុំកូនអន្តរប្រទេសកាលពីថ្ងៃ២៣ តុលា ដើម្បីរៀបចំឲ្យមានបែបបទត្រឹមត្រូវក្នុងការយកកុមារកម្ពុជាទៅចិញ្ចឹមនិងចៀសវាងការយកកុមារទៅចិញ្ចឹមក្នុងគោលបំណងផ្សេង។
កុមារីខ្មែរញញឹមនៅមុខព្រះបរមរាជវាំងនាទីក្រុងភ្នំពេញ, ថ្ងៃទី១៤ ខែសីហា ឆ្នាំ២០០៧។
លោកស្រី ហូ នូន សមាជិកសភានិងជាតំណាងរដ្ឋាភិបាលឡើងការពារច្បាប់ មានប្រសាសន៍ថា សេចក្តីព្រាងច្បាប់ស្តីពីស្មុំកូនអន្តរប្រទេសនេះធ្វើឡើងក្នុងគោលដៅមនុស្សធម៌ក្នុងការរកគ្រួសារល្អឲ្យកុមារដើម្បីឧត្តមប្រយោជន៍របស់កុមារ។
លោកស្រីបញ្ជាក់ថា ស្មុំកូនអន្តរប្រទេសជាជម្រើសចុងក្រោយបំផុត បន្ទាប់ពីបានខិតខំអស់លទ្ធភាពក្នុងការស្វែងរកគ្រួសារអចិន្ត្រៃយ៍ឲ្យកុមារនៅក្នុងប្រទេស។ មានន័យថា តាមរយៈសេចក្តីព្រាងច្បាប់នេះនឹងធ្វើឲ្យប្រទេសកម្ពុជាពង្រឹងពង្រីកសហប្រតិបត្តិការជាមួយបណ្តាប្រទេសជាភាគីនៃអនុសញ្ញាក្រុងឡាអេ ស្តីពីការការពារកុមារនិងសហប្រតិបត្តិការទាក់ទងទៅនឹងស្មុំកូនអន្តរប្រទេសនិងប្រទេសនានាដែលមានកិច្ចសហប្រតិបត្តិការស្មុំកូនពីកម្ពុជាដើម្បីទប់ស្កាត់ការជួញដូរកុមារ។
លោក សម រង្ស៊ី ប្រធានគណបក្សសមរង្ស៊ី មានប្រសាសន៍ថា តំណាងរាស្ត្រគណបក្សសមរង្ស៊ីទាំងអស់បានគាំទ្រទាំងស្រុងចំពោះការអនុម័តច្បាប់ស្មុំកូនអន្តរប្រទេសរបស់រដ្ឋសភាកម្ពុជានាពេលនេះ។ ប៉ុន្តែរដ្ឋាភិបាលត្រូវតែធ្វើការតាមដានបណ្តាប្រទេសដែលបានស្មុំកុមារពីកម្ពុជាយកទៅចិញ្ចឹមនេះឲ្យបានដិតដល់។
លោក សម រង្ស៊ី បានបញ្ជាក់ថា ៖ «ច្បាប់ហ្នឹងមានប្រយោជន៍ពីព្រោះជួយសម្រួលដល់កូនខ្មែរយើងដែលគ្រួសារទាំងនៅក្នុងប្រទេសនិងនៅក្រៅប្រទេសសុំយកទៅចិញ្ចឹម»។
លោក កឹម សុខា ប្រធានគណបក្សសិទ្ធិមនុស្ស បានចាត់ទុកច្បាប់ស្មុំកូនដែលរដ្ឋសភាបានអនុម័តនេះថា មានសារសំខាន់បំផុតដល់កុមារក្រីក្រកម្ពុជាដែលត្រូវបានសប្បុរសជននៅក្រៅប្រទេសមកស្មុំយកទៅចិញ្ចឹម ព្រោះកុមារអាចទទួលបានការសិក្សាខ្ពស់។
លោក កឹម សុខា បានមានប្រសាសន៍ថា ៖ «ច្បាប់នេះល្អ វានៅតែបញ្ហាការអនុវត្តទេ ធ្វើម៉េចអនុវត្តកុំឲ្យមានប៉ះពាល់ដល់បញ្ហាពុករលួយ បញ្ហាអីហ្នឹងណា៎»។
លោកស្រី សាខឿន សុវត្ថឌី អគ្គនាយករងផ្នែកច្បាប់ក្រសួងកិច្ចការនារី បានចាត់ទុកច្បាប់ស្មុំកូនអន្តរប្រទេសនេះថាមានប្រយោជន៍ដល់កុមារកម្ពុជា។
លោកស្រី សាខឿន សុវត្ថឌី បានថ្លែងថា ៖ «កាលណាមានច្បាប់ហ្នឹងយើងរៀបចំស្រួលបួលទាក់ទងនឹងការស្មុំកូនរបស់ប្រជាជនខ្មែរយើងចេញទៅបរទេស»។
សម្រាប់លោក យ៉ា ណាវុធ នាយកប្រតិបត្តិអង្គការខារ៉ាមកម្ពុជា បានសាទរទៅនឹងរដ្ឋសភាដែលបានអនុម័តច្បាប់ស្មុំកូននេះ ៖ «បន្ទាប់ពីច្បាប់ហ្នឹងអនុម័តទៅ យ៉ាងហោចណាស់ក៏ធ្វើឲ្យភ្នាក់ងារកណ្ដាលឬឈ្នួញហ្នឹង វាពិបាកនៅក្នុងការស្មុំកូន»។
សេចក្តីព្រាងច្បាប់ស្តីពីស្មុំកូនអន្តរប្រទេស ដែលត្រូវបានរដ្ឋសភាកម្ពុជាធ្វើការអនុម័តនេះ ចែកចេញជា១០ជំពូកនិង៥៨មាត្រា។ កន្លងមកមានរបាយការណ៍បានលើកឡើងថា ការស្មុំកូនពីកម្ពុជាទៅចិញ្ចឹមនៅបរទេសនេះមានកើតបាតុភាពមិនប្រកតីមួយចំនួន ដោយមានការចោទប្រកាន់ថាមានការលក់ដូរ មានអំពើពុករលួយ និងនាំឲ្យប្រទេសមួយចំនួនបានហាមមិនឲ្យមានការសុំកូនពីកម្ពុជាយកទៅចិញ្ចឹមតទៅទៀត៕
អត្ថបទដែលទាក់ទង
អង្គការសេដាក់គ្រោងនាំអង្ករសរីរាង្គទៅទីផ្សារអឺរ៉ុបនិងអាមេរិក
អាជ្ញាធរស្វែងរកការបិទមន្ទីរព្យាបាលជំងឺមួយនៅរតនគិរី
នាយករដ្ឋមន្ត្រីសម្រេចយកសម័យប្រជុំថ្ងៃ១១ ធ្នូ ដើម្បីឆ្លងសេចក្ដីព្រាងច្បាប់អំពើពុករលួយ
អតីតប្រធានាធិបតីអាមេរិកសម្ពោធផ្ទះសម្រាប់ជនក្រីក្រនៅខែត្រកណ្ដាល
ទីតាំងផលិតប្រេងម្រះព្រៅភ្នំ២កន្លែងនៅពោធិ៍សាត់ត្រូវបានកម្ទេច
គណៈកម្មការខ្មែរម្ចាស់ស្រុកនឹងរៀបចំកិច្ចប្រជុំស្ដីពីបញ្ហានៅកម្ពុជា
អាជ្ញាធរខេត្តឧត្ដរមានជ័យរារាំងរថយន្តដឹកព្រះពុទ្ធបដិមារបស់ម៉មសូណង់ដូ
ប្រជានេសាទប្រតិកម្មចំពោះការកំណត់ប្រភេទឧបករណ៍នេសាទ
បញ្ហាធូលីហុយនៅតាមផ្លូវជាតិលេខ៣ប៉ះពាល់ដល់សុខភាពអ្នកស្រុក
ពលរដ្ឋនៅព្រៃវែងត្អូញពីបញ្ហាសមត្ថកិច្ចស្ទាក់ទារប្រាក់តាមផ្លូវ
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
I am concerned about the child adoption law. If we have just the adoption law but no the implementation over this law, so khmer children who bring abroad will face more dangerous. After any adoptee was brought to live abroad by his/her god mother/dad, the Govt. has to follow up the adoptee health, education, living condition, culture of religion. Specially dont let them try to forget their own nation.
2009-10-27 00:02
Why dont spend time and take care of poor children as much as you can do with Mr.Taksin?. There are many poor children need help from their own leaders, nation but on contrary their leaders take care of Taksin. It is a sin
2009-10-26 06:12
I AM WELCOM FOR ADOPTION LAW,IT IS GOOD ROR CAMBODIA
2009-10-25 20:24
I am welcome for this adoption law, it is good cambodian ophan, but hope Gov. carry the practice lawfully.
2009-10-25 10:39
I am welcome for this adoption law, it is good cambodian ophan, but hope Gov. carry the practice lawfully.
2009-10-25 10:38
មើលមតិទាំងអស់.