ចិនយល់ព្រមផ្ដល់កម្ចីសម្បទានជាង៥០០លានដុល្លារដល់កម្ពុជា
ts.mp3
នាយករដ្ឋមន្ត្រីចិន លោក វិន ជាបាវ (Wen Jiabao) បានយល់ព្រមផ្ដល់កម្ចីសម្បទានចំនួនជាង ៥០០លានដុល្លារអាមេរិក សំរាប់រយៈពេល ៥ឆ្នាំ ដើម្បីឲ្យរដ្ឋាភិបាលកម្ពុជា យកមកចំណាយលើគម្រោងចំនួន ៧ ដើម្បីសាងសង់ហេដ្ឋារចនាសម្ព័ន្ធផ្លូវថ្នល់ ស្ពាន និងប្រព័ន្ធធារាសាស្ត្រ។
បន្ថែមលើនេះទៀត លោក វិន ជាបាវ បានយល់ព្រមផ្ដល់កម្ចីសម្បទានចំនួនរវាង ៣០០លានដុល្លារអាមេរិក ទៅ ៥០០លានដុល្លារអាមេរិកក្នុងមួយឆ្នាំៗ សំរាប់រយៈពេល ៥ឆ្នាំ ដើម្បីយកមកចំណាយលើគម្រោងអភិវឌ្ឍន៍សំខាន់ៗមួយចំនួនទៀតនៅប្រទេសកម្ពុជា។
ការយល់ព្រមនេះ បានធ្វើឡើងនៅក្នុងជំនួបទ្វេភាគីរវាងលោកនាយករដ្ឋមន្ត្រី ហ៊ុន សែន ជាមួយនាយករដ្ឋមន្ត្រីចិន លោក វិន ជាបាវ កាលពីថ្ងៃទី២ ខែកញ្ញា ឆ្នាំ២០១២។
រដ្ឋមន្ត្រីអមប្រតិភូនាយករដ្ឋមន្រ្តី លោក អូន ព័ន្ធមុនីរ័ត្ន និងជារដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ បានមានប្រសាសន៍នៅក្នុងសន្និសីទកាសែតនៅថ្ងៃទី៣ ខែកញ្ញា ថា នៅក្នុងចំណោមគម្រោងទាំង ៧ នោះ គឺមានគម្រោងចំនួន ៤ ត្រូវបានចុះហត្ថលេខារួចហើយ នៅសល់គម្រោងចំនួន ៣ទៀត នៅបន្តធ្វើការងាររវាងមន្ត្រីក្រុមការងារកម្ពុជា និងចិន។
លោក អូន ព័ន្ធមុនីរ័ត្ន៖ «សាងសង់ហេដ្ឋារចនាសម្ព័ន្ធរូបវន្តឆ្នាំ២០១២ ដែលកម្ពុជាយើងបានរៀបចំជាបញ្ជីអាទិភាព ហើយបានដាក់ស្នើសុំហិរញ្ញប្បទានសម្បទានពីភាគីចិន ក្នុងទំហំប្រមាណជាង ៥០០លានដុល្លារអាមេរិក។ ...ចំពោះគម្រោងដែលនៅសេសសល់មួយចំនួនទៀត គឺឯកឧត្ដមនាយករដ្ឋមន្ត្រីចិន លោកបានបញ្ជាក់ថា បានណែនាំឲ្យមន្ត្រីជំនាញ និងក្រសួងស្ថាប័នពាក់ព័ន្ធរបស់ចិន ធ្វើការសហការជាមួយក្រសួងស្ថាប័នពាក់ព័ន្ធរបស់កម្ពុជា ដើម្បីបន្តធ្វើការបញ្ចប់លើកិច្ចព្រមព្រៀងនេះ ហើយនឹងអាចចុះហត្ថលេខាបានជាបន្តទៀតនៅឆ្នាំនេះ»។
ក្រៅពីនេះ នាយករដ្ឋមន្ត្រីចិន លោក វិន ជាបាវ បានសន្យាផ្តល់ប្រាក់ជំនួយឥតសំណងចំនួន ១៥០លានយន់ ស្មើនឹងជាង ២៥លានដុល្លារអាមេរិក ជូនលោកនាយករដ្ឋមន្រ្តី ហ៊ុន សែន។
ទាក់ទងនឹងប្រាក់កម្ចីដ៏សន្ធឹកសន្ធាប់នេះ តំណាងរាស្ត្រគណបក្ស សម រង្ស៊ី លោក សុន ឆ័យ បានមានប្រសាសន៍ថា លោកព្រួយបារម្ភអំពីឥទ្ធិពលរបស់ប្រទេសចិន មកលើប្រទេសកម្ពុជា កាន់តែខ្លាំងជាងប្រទេសមហាអំណាចដទៃទៀត។
លោក សុន ឆ័យ៖ «យើងជំពាក់លុយចិន ត្រូវតែចិនមានការទទួលខុសត្រូវផងដែរក្នុងការសាងសង់សំណង់របស់យើងឲ្យមានគុណភាព ហើយត្រូវតែឲ្យមានតំលៃសមរម្យ កុំឲ្យធ្វើដោយរំលោភច្បាប់នៃប្រទេសកម្ពុជា ដោយមិនមានការដេញថ្លៃត្រឹមត្រូវ ហើយបំប៉ោងតំលៃសាងសង់។ ចំណុចទី២ គឺប្រទេសកម្ពុជា មិនត្រូវបណ្ដោយឲ្យមានការជំពាក់បុល ជាពិសេសជាមួយប្រទេសចិន ហួសហេតុ ធ្ងន់ធ្ងរហួសសមត្ថភាព ដែលយើងអាចសងប្រទេសនេះបាននោះទេ។ ជំពាក់រុំក្បិននេះអាចធ្វើឲ្យប្រទេសកម្ពុជា មិនអាចរួបផុតពីភាពក្រីក្រ ហើយស្ថិតក្នុងឥទ្ធិពលនយោបាយរបស់ចិន»។
កាលពីឆ្នាំ២០១១ កន្លងទៅនេះ លោកនាយករដ្ឋមន្ត្រី ហ៊ុន សែន បានប្រកាសសុំប្រាក់កម្ចីពីប្រទេសចិន ជាង ៥០០លានដុល្លារអាមេរិកក្នុងមួយឆ្នាំៗ សំរាប់រយៈពេល ៥ឆ្នាំ ដើម្បីយកមកចំណាយលើការស្តារឡើងវិញនូវហេដ្ឋារចនាសម្ព័ន្ធផ្លូវថ្នល់ ស្ពាន និងប្រព័ន្ធធារាសាស្ត្រ ដែលរងការខូចខាតដោយសារទឹកជំនន់កាលពីឆ្នាំ២០១១ កន្លងទៅនេះ។
កាលពីថ្ងៃទី២៩ ខែសីហា ឆ្នាំ២០១២ កន្លងទៅនេះ អនុប្រធានទីមួយនៃគណៈកម្មាធិការជាតិគ្រប់គ្រងគ្រោះមហន្តរាយនៅប្រទេសកម្ពុជា លោក ញឹម វណ្ណដា បានប្រកាសថា រដ្ឋាភិបាលកំពុងត្រៀមវិធានការចាំបាច់នានា ដើម្បីសង្គ្រោះបន្ទាន់ នៅគ្រាដែលមានទឹកជំនន់នៅឆ្នាំ២០១២ នេះ ក្នុងនោះរដ្ឋាភិបាលត្រៀមស្បៀងអាហារចំនួន ១,៦សែនតោន។
នៅក្នុងដំណើរទស្សនកិច្ចនោះដែរ លោកនាយករដ្ឋមន្ត្រី ហ៊ុន សែន បានយល់ព្រមជាគោលការណ៍អនុញ្ញាតឲ្យក្រុមហ៊ុនចិនដ៏ធំមួយឈ្មោះ ឌីឡុង (Dilong) មកសាងសង់រោងចក្រស្លដែកនៅប្រទេសកម្ពុជា នៅពេលខាងមុខនេះ។
រដ្ឋមន្ត្រីអមប្រតិភូនាយករដ្ឋមន្ត្រី លោក អូន ព័ន្ធមុនីរ័ត្ន និងជារដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ បានមានប្រសាសន៍នៅក្នុងសន្និសីទកាសែតនៅថ្ងៃទី៣ ខែកញ្ញា ថា គម្រោងវិនិយោគរបស់ក្រុមហ៊ុនចិននោះ គឺមានតំលៃជាងពីរពាន់លានដុល្លារអាមេរិក។
លោកបន្តថា ក្រុមហ៊ុននេះមានសមត្ថភាពផលិតដែកចំនួនជាង ៣លានតោនក្នុងមួយឆ្នាំៗ ហើយក្រុមហ៊ុននេះក៏មានជំនាញខាងសាងសង់សួនឧស្សាហកម្ម រោងចក្រអគ្គិសនី និងផលិតដែកថែបជាដើម។
ការយល់ព្រមនេះ បានធ្វើឡើងនៅក្នុងជំនួបទ្វេភាគីរវាងលោកនាយករដ្ឋមន្រ្តី ហ៊ុន សែន ជាមួយនាយកក្រុមហ៊ុនចិននោះ កាលពីថ្ងៃទី១ ខែកញ្ញា កន្លងទៅនេះ នៅប្រទេសចិន។
លោកនាយករដ្ឋមន្ត្រី ហ៊ុន សែន បានណែនាំឲ្យប្រធានក្រុមហ៊ុនចិននោះ សុំពាក្យ និងឯកសារដោយផ្ទាល់ជាមួយមន្ត្រីក្រុមប្រឹក្សាអភិវឌ្ឍន៍កម្ពុជា ហៅកាត់ថា ស៊ីឌីស៊ី (CDC)៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អ្នកអានអនាមិក
well done the cambodian government. we get the big loan from china 500 millions dollars per year. that is the great achievement. but the government does not explain how they are going to generate the money to pay back that loan. who will pay it back and how?????? why can't we stand by ourselves to develop the country?
Sep 04, 2012 08:15 AM
អ្នកអានអនាមិក
well done the cambodian government. we get the big loan from china 500 millions dollars per year. that is the great achievement. but the government does not explain how they are going to generate the money to pay back that loan. who will pay it back and how?????? why can't we stand by ourselves to develop the country?
Sep 04, 2012 08:08 AM
អ្នកអានអនាមិក
ពី PeuvHun Sen may have been duped by those economic advisers who are sycophants who like cajoling and teasing their boss. I am absolutely sure Hun Sen due to his lack of formal education did not have any idea about costs and benefits of foreign loan are from the Chinese. What we all know for sure is that Hun Sen was excited when he was told about the 500 million dollar loan from the Chinese. What Hun Sen does not know is how Khmers will pay off the loan. Hun Sen is excited and so are the Chinese. The loan collateral is the land concession or the whole country Cambodia.
Sep 04, 2012 12:19 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
