ផ្ទះពលរដ្ឋជាច្រើននៅខេត្តពោធិ៍សាត់ ត្រូវក្រុមហ៊ុន ទូច ហ៊ីវ អាររំលំនិងរុះរើ
h081012pb.mp3
អាជ្ញាធរភូមិ-ឃុំ បានឲ្យដឹងថា សកម្មភាពបណ្ដេញចេញ និងអាររំលំផ្ទះប្រជាពលរដ្ឋនេះ ពុំមានផ្ដល់ដំណឹងឲ្យប្រជាពលរដ្ឋដឹងជាមុននោះទេ។
សំឡេងពលរដ្ឋ៖ «វាធ្វើនេះវាធ្វើលើអាពត១០ដងទៀត ពេលបោះឆ្នោត ខ្ញុំនឹងលេងហើយ បើជាប់គុកក៏ជាប់ទៅ។ ព្រោះអីធ្វើនេះវាដូចជាហួសពេក»។
ផ្ទះជាច្រើនខ្នងត្រូវបានកម្លាំងកម្មករក្រុមហ៊ុន ទូច ហ៊ីវ អាររំលំ និងផ្ទះខ្លះទៀតត្រូវបានកម្លាំងកម្មកររុះរើទាំងកម្រោល តាមបញ្ជារបស់ប្រធានក្រុមហ៊ុនអភិវឌ្ឍដំណាំឧស្សាហកម្ម គឺលោក ទូច ហ៊ីវ។
ស្ត្រីអ្នកភូមិឈ្មោះ ឡុង លាភ ជាប្រជាពលរដ្ឋភូមិជ្រៃក្រឹម ឃុំផ្ទះរុង ស្រុកភ្នំក្រវាញ ខេត្តពោធិ៍សាត់ គាត់បានឲ្យដឹងនៅរសៀលថ្ងៃទី១០ សីហា ថា គាត់បានមករស់នៅ និងបង្កបង្កើនផលនៅតំបន់នេះ តាំងពីឆ្នាំ១៩៩៩ ដោយមានការទទួលស្គាល់ពីអាជ្ញាធរភូមិ-ឃុំ ត្រឹមត្រូវ។ ស្រាប់តែកាលពីព្រឹកថ្ងៃទី៩ សីហា ក្រុមហ៊ុន ទូច ហ៊ីវ បានប្រើកម្លាំងកម្មករមកបណ្ដេញពួកគាត់ឲ្យរុះរើផ្ទះចេញជាបន្ទាន់។
គាត់បន្តថា គាត់មិនទាន់ទាំងបានត្រៀមខ្លួនរួចរាល់ផង ស្រាប់តែក្រុមកម្មករបានប្រើរណាយន្តមកអារផ្ដាច់សសរផ្ទះគាត់ រួចរុញរំលំចោលតែម្ដង៖ «វាមកបំពានលើសិទ្ធិយើងតែម្ដង អត់មានមកសួរអីយើងម៉ាម៉ាត់។ វាគំរាមយើង យើងគ្រាន់តែសុំឲ្យចាំយើងរុះរើ វាអត់ព្រម វាអាររំលំផ្ទះយើងតែម្ដង បាក់បែកផ្ទះខ្ញុំអស់រលីង សូម្បីតែមាន់យើងក៏វាចាប់ស៊ីអស់។ ចង់ឲ្យផ្សាយឲ្យរដ្ឋាភិបាលដឹងផងជួយអ្នកភូមិជ្រៃក្រឹមផង»។
ស្ត្រីអ្នកភូមិម្នាក់ទៀតឈ្មោះ ជួប ខុម បានឲ្យដឹងបន្ថែមថា ផ្ទះគាត់ ផ្ទះកូន និងផ្ទះអ្នកជិតខាងគាត់ សរុបជិត១០ខ្នងត្រូវបានកម្លាំងកម្មករក្រុមហ៊ុន ទូច ហៀវ អារផ្ដាច់សសរ និងរុញរំលំដោយពុំអនុញ្ញាតឲ្យរុះរើតាមដំណើរនោះទេ៖ «គេមិននិយាយអីទេ គេប្រើរណាអ៉ោងកាត់រំលំចោលតែម្ដង។ គ្រាន់តែសុំចាំកូនមករុះក៏គេមិនព្រមដែរ»។
ប្រភពពីអាជ្ញាធរភូមិ-ឃុំ បានឲ្យដឹងថា មានផ្ទះអ្នកភូមិចំនួន១៨៣ខ្នង ត្រូវបានក្រុមហ៊ុនរុះរើ និងអាររំលំជាស្ថាពរ កាលពីថ្ងៃទី៩ សីហា។
តាមការជួបសម្ភាសផ្ទាល់ជាមួយវិទ្យុអាស៊ីសេរី នៅរសៀលថ្ងៃទី១០ សីហា អាជ្ញាធរភូមិ និងឃុំ បានឲ្យដឹងថា អាជ្ញាធរភូមិ-ឃុំ ពុំបានដឹងជាមុនពីការចុះរុះរើនេះទេ។ ការចុះមករុះរើផ្ទះសម្បែងអ្នកភូមិជ្រៃក្រឹម មានការចូលរួមពីអាជ្ញាធរស្រុក និងខេត្តផងដែរ។ អាជ្ញាធរភូមិ-ឃុំ ក៏បានឲ្យដឹងដែរថា សកម្មភាពរុះរើ និងអាររំលំផ្ទះអ្នកភូមិ គឺធ្វើឡើងដោយកម្លាំងកម្មកររបស់ក្រុមហ៊ុន ទូច ហ៊ីវ ផ្ទាល់។ ឯកម្លាំងអាជ្ញាធរស្រុក និងខេត្ត គ្រាន់តែតាមការពារក្រែងកើតមានអំពើហិង្សាប៉ុណ្ណោះ។
សមាជិកក្រុមប្រឹក្សាឃុំម្នាក់ ដែលសុំមិនបញ្ចេញឈ្មោះ មានប្រសាសន៍ទាំងហួសចិត្តថា មិនគួរក្រុមហ៊ុនប្រើអំពើហិង្សាមកលើប្រជាពលរដ្ឋទាំងកំរោលយ៉ាងនេះទេ។ លោកថា មានប្រជាពលរដ្ឋខ្លះបានមករស់នៅជាង១០ឆ្នាំហើយ នៅភូមិជ្រៃក្រឹម នេះ។ លោកថា ការពុំទាន់បែងចែកព្រំប្រទល់ច្បាស់លាស់ ជាកត្តាបង្កឲ្យកើតមានការបណ្ដេញដោយហិង្សានេះ៖ «វាមិនដឹងថា ព្រំប្រទល់ជ្រៃក្រឹម នោះប៉ុណ្ណា។ ក្រុមហ៊ុន ទូច ហៀវ នោះប៉ុណ្ណា។ ដល់អ៊ីចឹង អ្នកដែលទៅរស់នៅ គេគិតថានៅក្នុងទឹកដីភូមិជ្រៃក្រឹម។ ឯអ្នកមកអនុវត្ត គេយកលេសថាជាដីក្រុមហ៊ុន។ មកពីថ្នាក់ជាតិមិនទាន់បែងចែកព្រំប្រទល់ច្បាស់លាស់ ប្រកាសឲ្យភូមិ-ឃុំ ដឹង»។
ក្នុងការបណ្ដេញប្រជាពលរដ្ឋដោយហិង្សានេះ ក្រៅពីទូរទស្សន៍បាយ័ន ពុំមានអ្នកសារព័ត៌មានណាត្រូវបានទទួលការអនុញ្ញាតឲ្យចូលយកព័ត៌មាន និងថតរូបភាពនោះទេ។ បុគ្គលិកផ្នែកអង្កេតអង្គការលីកាដូ ប្រចាំខេត្តពោធិ៍សាត់ ក៏ត្រូវបានកម្លាំងចម្រុះឃាត់ខ្លួនមួយរយៈខ្លី និងតម្រូវឲ្យលុបរូបភាពដែលថតបាននោះចោលដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
នាយកាវ៉ាក់
បង្កើតបញ្ហា រួចហើយមកដោះស្រាយបញ្ហា នេះគឺជាស្ទីលដដែលៗ.
Making Problems then Solve the Problems is the old style. Please don't read and follow the book "Sarm Kuk""សាមកុក" ច្រើនពេក!!!។
Aug 14, 2012 11:46 PM
អ្នកអានអនាមិក
Why can only Bayon TV have access to go in to get news? What and how the government will do to the company that destroyed and dismatled people's homes? I don't think the government of Cambodia is really concerened after all they are the ones who signed and gave a way people's lands to these companies in the name of development. I do not see any development or progress but people's suffering and homelessness. The government of hun sen and his cpp allies are such failure to the people and reputation of Cambodia as whole. hun sen must step down before he kills and make all poor Khmers homeless/farmless because of his stupid policies and ignorance.
Aug 13, 2012 07:28 PM
អ្នកអានអនាមិក
I go there on Sunday. Really they do with people without inform, It made br Hun Sen GANG.
Aug 13, 2012 01:02 AM
TA CHEY
ពី LONG BEACHLOOK! WHAT THIS MAN IS DOING HE CUT DOWN PEOPLE HOUSE LIKE THEY CUT GRASSES IN THE FRONT YARD OH! MAN I COUND'T BELEIVE MY EYE.HOW CAN GOUV'T LET THAT HAPPEN?.CAN ANYONE TELL ME ESPECIALLY PEOPLE WHO LIVE IN A FREE COUNTRY SUCH AS USA. FRANCH. CANADA. NOT CHINA. CHINA WOULD DO THE SAME THING BECAUSE COMMUNIST IT OK TO DO SO.
Aug 12, 2012 07:05 PM
CheyVorman007
ពី AngKor Watទីក្រុងភ្នំពេញ ផ្ទះថ្មឈរបង្ហាញរាងប្រជែងគ្នាគួរអោយសសើរ
នៅខាងក្រោយផ្ទះថ្មលែ្វងទាំងនោះមានច្រកតូចៗដែលយើង
អោយឈ្មោះថា ឌឿងហែម សុទ្ធតែយួន អាខ្លះចេះសែ្មរ អាខ្លះមិនទាន់ចេះសោះ ភាគច្រឿនគគ្រិកអែរ ដើរកាត់ពេលយប់
គួរអោយខ្លាច ភែ្នកវាសព្រាតតាមមើលយើង នៅជិតម៉ុងឌីយ៉ាល់
សូមបងៗអ្នកកាសែតចុះយកការសាកមើ បន្ទប់តូចៗដែលទើប
នឹងសង់ថ្មីៗដែលមានអាយុមិនយូរឆ្នាំប៉ុន្មាន ខ្មុំចង់ដឹងថា យួនចេះ
ធើ្វយ៉ាងម៉េចបានផ្ទះទាំងនោះរស់នៅងាយៗម្លេះ? ទីខ្លះឮថាសង់
លើផ្លូវថ្នល់កៅស៊ូពីសង្គមចាស់ ពោលគឺបាត់ផ្លូវមួយ ។ល។
Aug 11, 2012 11:13 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
